News

ជើង​ខ្លាំង Liam Harrison ស្រេក​ឃ្លានវិល​មក​កាន់​សង្វៀន​ដើម្បី​អ្នកគាំទ្រONE

Liam “Hitman” Harrison បាន​ចាប់​ផ្តើម​ដើម​ឆ្នាំ​២០២០​កន្លង​ទៅ​ដោយ​ទទួលបាន​ជ័យជម្នះ​តាម​រយៈ​ការ​ផ្តួលកីឡាករ Mohammed “Jordan Boy” Bin Mahmoud ឲ្យសន្លប់ ក្នុង​ខែ​មករា ប៉ុន្តែ​គាត់​ក៏​​រងបញ្ហា​ប្រឈ​ម​ដូច​អ្នក​ផង​ទាំង​ពួង​ដែរ​នៅ​ឆ្នាំ​២០២០។

កីឡាករ​មួយ​ថៃ​​នៅ Leeds  ទទួល​បាន​ជ័យជម្នះ​២លើក​ជាប់​គ្នា​នា​ដើម​ឆ្នាំ​២០២០ មុន​ពេល​​​ខូវិត-១៩ បាន​ផ្ទុះ​ឡើង។ ឥឡូវ​នេះ​ គាត់​​មាន​​​ពេល​វេលា​ថ្មី​ហើយ​ដើម្បីផ្តល់​ចំណី​ចក្ខុ​ពិសេស​ប្លែក​ដល់​អ្នក​គាំទ្រ​ក្នុង​ឆ្នាំ​ថ្មី។​

ការ​ប្រកួត​ទាំង​អស់​របស់ Harrison នៅ​កម្មវិធី​ ONE Super Series ពិត​ជា​រំភើប​រីក​រាយ​ខ្លាំង​។ ​គោល​បំណង​ចម្បង​របស់​គាត់​គឺ​នាំ​មក​នូវ​ភាព​រំភើប​រីក​រាយ​បំផុត​ដល់​ស្ថាប័ន​ប្រដាល់ ONE។

​ក្នុង​បទ​សម្ភាស​ផ្តាច់​មុខ​នេះ កីឡាករ​រហស្សនាម​ “Hitman” បាន​ចែក​រំលែក​គំនិត​របស់​គាត់​អំពី​ប្រភេទ​ទម្ងន់​មួយ​ថៃ bantamweight ដែល​គាត់​បាន​អភិវឌ្ឍ​យ៉ាង​ល្អ​ដើម្បី​ត្រៀម​បង្ហាញ​ឆ្នាំ​២០២១។

ONE Championship: លោក​ប្រកួត​បាន​២​ដង​កាល​ពី​ឆ្នាំ​មុន ដោយ​ឈ្នះ​ទាំង​ពីរ។ តើ​​អ្វី​ដែល​លោក​ដឹង​ថា លោក​ពិត​ជា​រីក​រាយ​ទទួល​បាន​ឱកាស​ប្រកួត​ពីរ​ដង?

Liam Harrison: ខ្ញុំ​ពិត​ជា​អរគុណ​ណាស់​សម្រាប់​ឱកាស​ប្រកួត​នៅ​ ONE ដែល​ជា​ការ​ចាប់​ផ្តើម​ដើម​ឆ្នាំ​​ថ្មី ហើយ​ខ្ញុំពិត​ជា​សំណាង​ដែល​បាន​ប្រកួតទៀត​មុន​ពេល​មាន​បំរាម។ និយាយ​ត្រង់​ទៅ បញ្ហា​ប្រឈម​កាល​ពី​ឆ្នាំ​មុន​​ធ្វើ​ឲ្យ​ខ្ញុំ​រង​ទុក្ខ​ខ្លាំង។ ការ​ដាក់​បំរាម​លើក​ទី​១​បាន​បំផ្លាញ​ខ្ញុំ។ ខ្ញុំ​បាន​របួស ហើយ​​តស៊ូ​នឹងបញ្ហា​ តែ​ខ្ញុំ​នៅ​តែ​រក្សាការ​ហ្វឹក​ហាត់​។ យកបញ្ហា​លំបាក​នោះ​​ប្រែ​ក្លាយ​ជា​ផល​វិជ្ជមាន។

ONE: តើ​ការ​ហ្វឹក​ហាត់​យ៉ាង​ដូច​ម្តេច​​ដែរ​នៅ Bad Company ?

LH: ការហ្វឹក​ហាត់​មិន​សូវ​ល្អ​ប្រសើរ គ្រាន់​តែ​ហាត់តិច​តួច​ប៉ុណ្ណោះ។ វា​ពិត​ជា​លំបាក​​ដើម្បី​ហាត់​ជុំ​គ្នា។ វា​លំបាក​ដើម្បី​​ប្រមូល​គ្នា​មក​ហាត់​ក្នុង​ពេល​តែ​មួយ។ វា​ទើប​តែ​ដំណើរ​ការ​ធម្មតា​វិញ​ ប៉ុន្តែក៏​នៅ​តែ​លំបាក​ជុំ​គ្នា​ក្នុង​ពេល​តែ​មួយ។​ 

ខ្ញុំ​ទទួល​បាន​ឱកាស​​ឡើង​ប្រកួតមួយ ហើយ​ខ្ញុំ​បាន​បដិសេធ​​ ពី​ព្រោះ​ខ្ញុំ​ហាត់​មិន​ដិត​ដល់តាម​ការ​ចង់​បាន។ ខ្ញុំ​មិន​បាន​ហាត់​ប្រចាំ។ ខ្ញុំ​គ្រាន់​តែ​វ៉ៃ​ប៉ាវ​សាក់​ជា​មួយ Richard  និង​ Andy [Howson] តែវា​មិន​បាន​ដូច​អ្វី​ដែល​យើង​ចង់​ទេ។



ONE: ជីវិត​របស់​លោក​ពាក់​ព័ន្ធ​ការ​ប្រកួត​ច្រើន​ឆ្នាំ​ហើយ។ តើ​អ្វី​ជា​អត្ថប្រយោជន៍៍​ពី​ឆ្នាំ​២០២០​កន្លង​ទៅ?

LH: វិបសាយ​របស់​ខ្ញុំ​បាន​ដំណើរ​ការ។ ខ្ញុំ​បាន​បង្កើត​គណនី​យូធូបម្រាប់​​ផុស​វីដេអូ​ផ្ទាល់​ខ្លួន ហើយ​ខ្ញុំ​បាន​បង្កើត​យីហោ​សំលៀក​បំពាក់​ផ្ទាល់​ខ្លួន។ ទាំង​វិបសាយ ទាំង​យូធូប និង​សំលៀកបំណាក់​ដំណើរ​ការ​ល្អ តែ​ខ្ញុំ​ជា​កីឡាករ ខ្ញុំ​ត្រូវ​​ឡើង​ប្រកួត។ ខ្ញុំ​បាន​​ប្រឹង​ប្រែង​ដើម្បី​ឲ្យ​វា​ដំណើរ​ការ​ល្អ ពី​ព្រោះ​ទាំង​អស់​ខ្ញុំ​ខំ​ធ្វើ​ខ្លួន​ឯងចេញ​ជា​រូប​រាង​​ ដូច្នេះ​ខ្ញុំ​សំណាង​ដែល​មាន​ពេល​ធ្វើ​រឿង​ទាំង​នោះ។ .

ONE: តើ​លោក​​​មាន​គំនិត​​សុទិដ្ឋិនិយម​ណា​មួយ​​ពី​ឆ្នាំ​២០២០ និង​សម្លឹង​ឆ្ពោះ​ទៅ​​ឆ្នាំ​២០២១?

LH: បាទ យើង​ទើប​តែ​វិល​ត្រឡប់​មក​ភាព​ធម្មតា​វិញ តែ​ខ្ញុំ​ក៏​មាន​របួស ដូច្នេះ​សង្ឃឹម​​ថា ខ្ញុំ​អាច​ឆ្លង​​កាត់​រឿង​នេះ ហើយអ្នក​រាល់​គ្នា​ក៏​រង់​ចាំ​ខ្ញុំ​ដែរ។ អីចឹង ខ្ញុំ​ប្រហែល​ជា​ត្រឡប់​ទៅ​កាន់​សង្វៀន​វិញ​ក្នុង​ខែ​មីនា ឬ​មេសា។ យើង​ទាំង​អស់​គ្នា​បាន​ចូលក្លឹប​ហាត់​វិញ​ហើយ​ឥឡូវ​នេះ។ ខ្ញុំ​គ្រាន់​តែ​សង្ឃឹម​ថា យើងដំណើរ​ការ​ល្អ​ប្រសើរ បើ​ទោះ​ជា​មាន​បញ្ហា​ផ្ទុះ​ឡើង​ទៀត​នៅ​ប្រទេស​អង់គ្លេស។

ONE: ទោះ​ជាបែប​នេះ​ក្តី ក៏​មាន​ការ​ប្រកួត​ដ៏​អស្ចារ្យ​សម្រាប់​លោក​កាល​ពី​ឆ្នាំ​មុន រាប់​ទាំង​ការ​ប្រកួត​កម្មវិធី ONE Bantamweight Muay Thai Tournament ផង។ តើ​អ្វី​ជាគំនិត​របស់​ខ្លួន​ពេល​នៅ​លើ​សង្វៀន?

LH: អ្នក​ដឹង​ទេ អ្វី? ខ្ញុំ​បាន​ព្យាយាម​​ធ្វើ​យ៉ាង​ណា​ឲ្យ​រំជើប​រំជួល​ខ្លាំង ពី​ព្រោះ​ខ្ញុំ​ដឹង​ថា យើង​អាច​ធ្វើ​បាន។

Nong-O នៅ​តែ​ជា​ជើងឯកពិភព​លោក​ តែ​ខ្ញុំ​គិត​ថា  Rodlek  ពិត​ជា​ធ្វើ​បាន​ល្អក្នុង​ការ​ប្រកួត​ដណ្តើម​ខ្សែ​ក្រវាត់​ពិភព​លោក។ គាត់វ៉ៃ​បាន​ល្អ​។ ​ដោយ​សារ​ត្រូវ​កណ្តាប់​ដៃ​ស្តាំ​ធ្ងន់​មួយ​ទើប​​បាន​ជា​ចប់​ការ​ប្រកួត ប៉ុន្តែ​នោះ​ជា​ចំណុច​ល្អ​របស់ Nong-O ។

ខ្ញុំ​មើល​ឃើញ​ថា Rodlek ចេញ​អាវុធ​បាន​ល្អ​ណាស់ ហើយ​ខ្ញុំ​ក៏​ល្អ​ដែរ ដូច្នេះ​ខ្ញុំ​មាន​គំនិត​វិជ្ជមាន។ ប្រសិន​បើ​ខ្ញុំ​អាច​ប្រកួត​ឈ្នះ​ដ៏​អស្ចារ្យ​ទៀត ដូច្នេះ​ខ្ញុំ​អាច​មាន​ឱកាស​ទៅ​ប្រកួត​ខ្សែ​ក្រវាត់​ពេល​ណា​មួយ។

ONE: ​តើ Rodlek ធ្វើ​បាន​ល្អ​យ៉ាង​ណា​ពេល​ប្រកួត​ជា​មួយ Kulabdam Sor. Jor. Piek Uthai ?

LH: បាទ វា​ដូច​ជា​ក្មេង​ប្រុស​វ៉ៃ​ជា​មួយ​មនុស្ស​ធំ។ ជា​មួយ Kulabdam យើង​ត្រូវ​បង្ក្រាប​គាត់​ដោយ​ជើង ពី​ព្រោះ​ប្រសិន​បើ​បណ្តោយ​ឲ្យ​គាត់​ដើរ​រុល​ទៅ​មុខ គាត់​​នឹង​វ៉ៃ​ក្បាល​របស់​​យើង​ហើយ។ ប៉ុន្តែ​ Rodlek ធ្វើ​បាន​ល្អ​ណាស់។ គាត់​ដើរ​ឆ្ពោះ​ទៅមុខ និង​បាន​ដាក់​សម្ពាធ​ Kulabdam។ គាត់​ចេញ​អាវុធ​បាន​ល្អ​ណាស់។

ONE: វា​ពិត​ជា​ពិបាក​ដឹង​នូវ​អ្វី​ដែល​នឹង​កើត​ឡើង ឬ​​​អ្វី​ដែល​នឹង​ប្រែ​ប្រួលនា​ពេល​បច្ចុប្បន្ន​នេះ​នៅ​ប្រទេស​អង់គ្លេស ប៉ុន្តែ​លោក​មាន​គោល​ដៅ​ជាក់​លាក់​ទេ​នៅ​ឆ្នាំ​២០២១?

LH: ខ្ញុំ​ចង់​វិល​ទៅ​កាន់​សង្វៀន​វិញ។ ខ្ញុំ​​ធ្លាប់​ប្រកួត​មិន​ក្រោម​៥​ទៅ​៦​ដង​ទេ​ក្នុង​មួយ​ៗ​ឆ្នាំ​តាំង​ពី​ខ្ញុំ​អាយុ​១៤​ឆ្នាំ។

សម្រាប់​ប្រកួត​ច្រើន​បំផុត​របស់​ខ្ញុំ​គឺ​ធ្លាប់​ប្រកួត​១០​ដង​ក្នុង​មួយឆ្នាំ ប៉ុន្តែ​​មាន​តែ​ពីរ​ទេ​ដែល​មិន​ដឹង​ថា​មាន​អ្វី​កើត​ឡើង​សម្រាប់​ខ្ញុំ។ សង្ឃឹម​ថា ខ្ញុំ​អាច​ទទួល​បាន​ឱកាស​ប្រកួត​៣​ទៅ​៤​ដងមុន​ពេល​ឆ្នាំ​ថ្មី​នេះ​ចប់ តែ​យើង​ចាំ​មើល​ទាំង​អស់​គ្នា៕

Read more: Liam Harrison Has Done It All – Except Win ONE Gold