Kun Khmer

​ចាន់ រតនា​ ​​រួម​ចំណែក​​​ជំរុញ​វិស័យ​ក្បាច់​គុន​ចម្រុះ​​ក្នុង​នាម​ជា​ទូត​សុច្ឆន្ទៈ​នៃ​ក្រុម​ហ៊ុន​សែលកាត​ ​​​

ចាន់ រតនា​ ​​​​ត្រូវ​បាន​គេ​ប្រកាស​​​ក្លាយ​ជា​ទូត​សុច្ឆន្ទៈ​ ​នៃ​ក្រុម​​ហ៊ុន​សែលកាត​​ក្នុង​កិច្ច​សន្យា​ពីរ​ឆ្នាំ​ ​​​នា​ព្រឹក​ម្សិលមិញ​ ​ក្នុង​អំឡុង​ពេល​ដែល​ ONE Championship ​ចាប់​ដៃ​គូ​​សហការ​ផ្សព្វផ្សាយ​ឲ្យ​កាន់​តែ​ទូលំទូលាយ​​ថែម​ទៀត។​ ​កីឡាករ​​កំពូល​​គុន​ចម្រុះ​ប្រចាំ​ព្រះ​រាជា​ណា​ចក្រ​កម្ពុជា​​ដដែល​នេះ​​បាន​បង្ហើប​ថា​ ​​ក្រុម​ហ៊ុនសែលកាត​ ​​បាន​ជ្រើស​រូប​​គេ​​ធ្វើ​ជា​ទូត​សុច្ឆន្ទៈ​​ក្នុង​បំណង​ផ្សព្វផ្សាយ​​ក្បាច់​គុន​ខ្មែរ ​និង គុន​ចម្រុះ​ឲ្យ​កាន់​តែ​ផុស​ផុល​ថែម​ទៀត​ទាំង​ក្នុង​ស្រុក​ និង​ ​​លើ​ឆាក​អន្តរជាតិ។​ ​​​

​កីឡាករ​វ័យ​​៣៤​ឆ្នាំ​​ប្រចាំ​​សង្វៀន​ ONE Championship ​បាន​បង្ហាញ​ចំណាប់​អារម្មណ៍​បែប​នេះ​ ​៖ «ខ្ញុំ​ពិត​ជា​មាន​កិត្តិយស​ខ្លាំង​ណាស់​​ដែល​​ទទួល​បាន​ឱកាស​​ចូលរួម ​នៅ​ក្នុង​យុទ្ធនា​ការ​នាំ​យក​ក្បាច់​គុន​ចម្រុះ​ ​ឲ្យ​ដល់​ទូទាំង​ប្រទេស​កម្ពុជា។​ ក្នុង​នាម​ជា​កីឡាករ​​ជោគជ័យ​ម្នាក់​របស់​កម្ពុជា​​នៅ​សង្វៀន​ ONE Championship ខ្ញុំ​មាន​កាតព្វកិច្ច​ក្នុង​ការ​ផ្សព្វផ្សាយ​ក្បាច់​គុន​ចម្រុះ​ដល់​អ្នក​គាំទ្រ​​កម្ពុជា​ដែល​​​ជា​ទឹក​ដី​កំណើត​របស់ខ្ញុំ។​​ខ្ញុំ​ពិត​ជា​មោទនភាព​ណាស់​​​​ពេល​ក្ដោប​បាន​ឱកាស​នេះ»។

ម្ចាស់​ក្លិប​សិល្បៈ​បាន​​គូស​បញ្ជាក់​ទៀត​ថា​៖«​ក្បាច់​គុន​អាច​កែ​ប្រែ​ជីវិត​របស់​​ខ្ញុំ​ឲ្យ​ប្រសើរ​ឡើង​​ និង ​មាន​មុខ​មាត់​រហូត​ដល់​សព្វថ្ងៃ​។ ​ដូច្នេះ​យុវជន​​​​​ផ្សេងទៀត​ដែល​មាន​​ឆន្ទៈ​ពិត​ប្រាកដ​ ​​ច្បាស់​​ជា​សម្រេច​បំណង​របស់​​ខ្លួន​នៅ​ថ្ងៃ​ណា​មួយ​មិន​ខាន​បើ​សិន​ខំ​ប្រឹងប្រែង​ឲ្យ​ខ្លាំងក្លា។ ​វា​ជា​ឱកាស​​ល្អ​សម្រាប់​ខ្ញុំ​ដើម្បី​ចែក​​រំលែក​​អំពី​​ការហាត់​រៀន​ក្បាច់​គុន ​និង​ វិធី​ការពារ​ខ្លួន​ជូន​ដល់​អ្នកគាំទ្រ​​ទូទាំង​ប្រទេស។​ ​ហើយ​ ​ខ្ញុំ​សប្បាយ​​ចិត្ត​ដែល​រួម​ចំណែក​ធ្វើ​ជា​គំរូ​ល្អ​ដល់​​អ្នក​ហាត់​ក្បាច់​គុន​ជំនាន់​ក្រោយ»។

វិភាគ ៤នាក់​នេះ នរណា​​ជា​ជើង​ខ្លាំង​​​ឡើង​​វគ្គ​ផ្តាច់​ព្រ័ត្រ ONE Bantamweight?
ជើង​ខ្លាំង Rodlek បង្ហាញ​គន្លឹះ​សំខាន់​ត្រៀម​ផ្តួល​ Saemapetch
៥​ហេតុ​ផល​ដែល​អ្នក​មិន​​ត្រូវ​​ខក​ខាន​​ទស្សនា​​កម្មវិធី​ ONE: NO SURRENDER II ​

ក្នុង​ឱកាស​ជា​មួយ​គ្នា​នោះ​​ ONE Championship™ (ONE) ​​​ជា​ស្ថាប័ន​​រៀប​ចំ​ព្រឹត្តិការណ៍​​ធំ​បំផុត​នៅ​ក្នុង​ទ្វីប​អាស៊ី ​បាន​ប្រកាស​​ការ​ចុះ​កិច្ច​ព្រមព្រៀងជាមួយ ​​សែលកាត ​ដែល​ជា​ក្រុមហ៊ុន​ទូរគមនាគមន៍​ឈាន​មុខ​គេ​នៅ​ព្រះរាជា​ណា​ចក្រ​​កម្ពុជា។ ​កិច្ច​ព្រម​ព្រៀង​នេះ គឺ​ជា​កិច្ច​សហការ​ដំបូង​គេ​បង្អស់​របស់ ONE ​នៅ​​កម្ពុជា​ ដោយ​ភាគី​ទាំងពីរនឹងធ្វើការ​រួមគ្នា ​ដើម្បី​ចែក​រំលែក​​សិល្បៈ​ក្បាច់​គុន​ចម្រុះ​ និង​ព័ត៌មាន​កីឡា​ដ៏​សម្បូរ​បែប​ជាច្រើន​ទៀត​របស់​ ONE Championship ជូន​ដល់​អ្នក​គាំទ្រ​នៅ​ទូទាំង​ប្រទេស​កម្ពុជា។

 

អតិថិជន​សែលកាត​និង ​អ្នកគាំទ្រ​ក្បាច់​គុន​​​ទូទាំង​ពិភព​លោក​របស់​ ONE ​អាច​តាម​ដាន​ព័ត៌មាន​ក្នុង​ស្រុក​ជា​ច្រើន​ ​ព័ត៌មាន​អន្តរជាតិ​ជា​ខេមរភាសា​ ​ព័ត៌មាន​វីដេអូខ្លី​ៗ ​ព័ត៌មាន​ទូទៅ​ និង​ព្រឹត្តិ​ការណ៍កីឡាសំខាន់ៗ​របស់​សង្វៀន​​លំដាប់​អន្តរជាតិ​មួយ​នេះ​តាម​រយៈ​ការ​ប្រើប្រាស់​បណ្តាញ​ទូរសព្ទ​មាន​ល្បឿន​លឿន​ជាង​គេ​បំផុត​​ប្រចាំ​នៅ​កម្ពុជា។

ជា​មួយ​គ្នា​នោះ​ដែរ​​ លោក​ Hua Fung Teh ​ ​​​អ្នក​គ្រប់គ្រង​ក្រុម​ហ៊ុន​​ ONE Championship ​ បាន​មាន​ប្រសាសន៍​ឱ្យ​ដឹង​ថា៖«ខ្ញុំ​មាន​សោមនស្ស និង​ ​សូម​ជម្រាប​ជូន​ថា​ យើង​បាន​ចុះ​ហត្ថលេខា​លើ​កិច្ច​សហការ​ជា​ដៃ​គូ​យូរ​អង្វែង​ជា​មួយ​ សែលកាត។​ ​ ONE Championship និង​សែលកាត នឹង​​ចែក​រំលែក​នូវ​ប្រវត្តិ ក៏​ដូច​ជា​រឿង​រ៉ាវ​ជុំវិញ​សិល្បៈ​ក្បាច់គុន របស់​វីរបុរស​ខ្មែរ ជូន​ដល់​បង​ប្អូន​នៅ​ទូទាំង​ប្រទេស​ឱ្យ​បាន​ស្គាល់កាន់តែស៊ីជម្រៅ ក៏​ដូច​ជា​ចូល​រួម​ជួយ​ជំរុញ​ទឹក​ចិត្ត​បង​ប្អូនខ្មែរឱ្យ​បន្តក្តីស្រមៃ សម្រេច​បាន​នូវគោលដៅ និង​ទទួល​បាន​ជោគជ័យ​នៅ​ក្នុង​ជីវិត។ ​ជាង​នេះ​ទៀត​ អ្នកគាំ​ទ្រខ្មែរ គឺ​ជា​អ្នក​គាំទ្រ​ដ៏​អស្ចារ្យ​​និង​មាន​ទឹក​ចិត្ត​មោះមុត​បំផុត ហើយ​ខ្ញុំ​ក៏​មាន​អារម្មណ៍​រំភើប​ក្រៃលែង​​ផង​ដែរ​ ដែល​មាន​ឱកាស​នាំ​​អ្នក​គាំទ្រ​ឱ្យ​បាន​ជួប​ស្គាល់​ជើង​ឯក​ល្បីៗ​របស់​ ONE Championship»​។



លោក​ Ian Watson​ នាយក​ប្រតិបត្តិ​ក្រុមហ៊ុនសែលកាត​ ​ពិពណ៌នា​​អំពី​កិច្ចសហការ​ថា ​៖​«សែល​កាត តែង​តែ​រិះ​រក​នូវ​គំនិត​ច្នៃ​ប្រឌិត​ថ្មីៗ ដើម្បី​ចងភ្ជាប់និងបង្កើនទំ​នាក់​ទំនង​ជិតស្និទ្ធ​ជាមួយ​អតិថិជន​ និង​បង្កើត​អតិថិជន​ប្រមូល​ផ្តុំ​នៅ​តាម​បណ្តា​គ្រប់​ខេត្ត​ក្រុង​ទាំងអស់។ ​កម្ពុជា គឺ​ជា​ប្រទេស​មួយ​ដែល​និយម​វិស័យ​កីឡា​បំផុត។​ ​យើង​ក៏ឃើញ​មាន​កីឡាករ​ក្នុង​ស្រុក​​មាន​ថ្វី​ដៃ​ល្អៗ​ជា​ច្រើន​រូប ដែល​មាន​សមត្ថភាព​ទាក់ទាញ​អ្នក​គាំទ្រ​បាន​យ៉ាង​ច្រើន​លើស​លប់​ផង​ដែរ​។ ​ក្នុង​នាម​ជា​ប្រតិបត្តិ​ករ​ដែល​ជា​មោទន​ភាព​របស់​ជាតិ​ខ្មែរ​ យើង​ប្តេជ្ញា​នឹង​នាំ​នូវ​ព័ត៌​មាន​ដែល​មាន​ខ្លឹមសារ​ល្អៗជូន​ដល់​បងប្អូនពលរដ្ឋខ្មែរ និង​ បង្កើត​ថ្នាល​ឌីជីថល​ដើម្បីចែករំលែក​ព័ត៌មានល្អៗ​ទាំង​នេះ ​នៅ​ទូ​ទាំង​ប្រទេស​ ក្នុង​តំបន់ និង​ នៅ​ជុំវិញ​ពិភពលោក។ យើង​ពិត​ជា​រីករាយ​ឥតឧបមា​ដែល​បាន​ចូលរួម​សហការ​ជា​មួយ ONE Championship ដើម្បី​សម្រេច​កិច្ចការ​នេះ​ និង​​នាំ​​យក​កម្មវិធី​ធំៗ​បន្ថែម​ទៀត​នា​ពេល​អនាគត​ដ៏​ខ្លី​ខាង​មុខ​»។

តាម​រយៈ​កិច្ច​សហការ​ជា​ដៃ​គូ​​រវាង​ ONE Championship និង​ សែលកាត​ ​រួម​ទាំង​ប្រកាស​ ចាន់​ រតនា ជា​ទូត​សុច្ឆន្ទៈ​​ផង​នោះ​ ពួក​នឹង​រួម​គ្នា​​លើក​ស្ទួយ​ក្បាច់​គុន​ និង​ ​​ក្រុម​កីឡាករ​ខ្មែរ​​ ក៏​ដូច​ជា​ចែក​រំលែក​នូវ​រឿងរ៉ាវ​របស់​ពួក​​គេ​ក្នុង​ន័យ​ជំរុញ​​ទឹក​ចិត្ត​ដល់​អ្នក​ចង់​ហាត់​រៀន​ក្បាច់​គុន​ដទៃ​ទៀត​ឲ្យ​​កាន់​តែ​ពុះ​កញ្ជ្រោល​ឡើង៕

​ចុចអាន ចាន់ ​រតនា ​​ប៉ង​ជួប​​​​ Yuya Wakamatsu​ ​​ដើម្បី​​​បង្កើន​សមត្ថភាព​ដល់​​កម្រិត​ខ្ពស់

 

មើល​​បន្ថែម

Stay in the know

Take ONE Championship wherever you go! Sign up now to gain access to latest news, unlock special offers and get first access to the best seats to our live events.