Features

អាជីព​​គុន​ចម្រុះ​នាំ​​ឲ្យ​ ​Maira Mazar ​​​​គេច​ចេញ​​ពី​ភាព​មិន​ច្បាស់​លាស់​ទៅ​​កាន់​ក្ដី​សង្ឃឹម​បែប​ណា

ក្រោយ​ទទួល​ជ័យជម្នះ​​ថ្មី​ៗ​នេះ​លើ​ Choi Jeong Yun ​នៅ​ព្រឹត្តិការណ៍​ ONE: INSIDE THE MATRIX IV ​កាល​ខែ ​វិច្ឆិកា​ កន្លង​ទៅ​ Maira Mazar ​បាន​ក្លាយ​ជា​ប្រធាន​​​​បទ​​នៃ​​បទ​សម្ភាសន៍​ជា​ច្រើន។ ​​​ហើយ​​វា​ដល់​ពេល​​​​ដែល​ Mazar ​ត្រូវ​បក​ស្រាយ​ចម្ងល់​នេះ​ទៅ​លើ​សំណួរ​មួយ​ចំនួន។

 

កីឡាការិនី​វ័យ​ ៣៤​ ឆ្នាំ​រូប​នេះ​​ធ្លាប់​ជា​​អ្នករាយការណ៍​​របស់​ស្ថានីយ​​វិទ្យុ​ Jovem Pan ​ដែល​ជា​​បណ្ដាញ​សារព័ត៌មាន​​ធំ​បំផុត​មួយ​នៅ​ São Paulo ប្រទេស​ប្រេស៊ីល ​និង​បណ្ដាញ​​ព័ត៌មាន​​ធំ​បំផុត​​នៅ​ភាគ​ខាងលិច​នៃ​ប្រទេស​នេះ។ ​បែប​ណា​ក្ដី ​នៅ​ពេល​នោះ​ ​កីឡាការិនី​រូប​នេះ​រស់​នៅ​ជា​ម្ដាយ​​នា​ក្រុង​ São José dos Campos ​ដែល​មាន​ចម្ងាយ​ ៩០​ គីឡូម៉ែត្រ​ពី​កន្លែង​ធ្វើ​ការ។

អំឡុង​ពេល​​នេះ​ Mazar ​​ទទួល​បន្ទុក​​រាយការណ៍​​បទ​ឧក្រិដ្ឋ​ប្រចាំ​តំបន់​, ​នយោបាយ, ​កីឡា​, និង​ ​ពាណិជ្ជ​កម្ម។ ​​នៅ​ឆ្នាំ​ ២០១២​ មាន​​រឿង​​សោកសៅ​ច្រើន​កើត​​នៅ​​ក្នុង​សហគមន៍​របស់​ខ្លួន។ ​​

កីឡាការិនី​ដដែល​​​ថ្លែង​ថា​​​ ៖«​វា​ជា​រឿង​​ដ៏​សោក​ស្ដាយ​​មួយ​​ដែល​ឃើញ​មនុស្ស​បាត់​បង់​ផ្ទះ​សម្បែង និង​ បាត់​បង់​​ទ្រព្យ​សម្បត្តិ​នានា។ ​​ពេល​​ខ្ញុំ​មក​ដល់​ផ្ទះ​នា​​ថ្ងៃ​នោះ​ ​​ខ្ញុំ​មាន​អារម្មណ៍​ថា​​ក្រៀមក្រំ​​សម្រាប់​មនុស្ស​ទាំង​​​​ឡាយ​​​ ​ហើយ​រត់​ទៅ​ឱប​ម្ដាយ​​របស់​ខ្ញុំ»។

ទោះ​ជា​ ៨​ ឆ្នាំ​បាន​កន្លង​ផុត​ទៅ​ ​​តាំង​ពី​រឿង​​​នោះ​បាន​កើត​ឡើង​​មក​ Mazar ​នៅ​តែ​មិន​អាច​ភ្លេច​ស្ថានភាព​ដែល​បង្រៀន​រូប​គេ​ឲ្យ​ដិត​ដាម​ក្នុង​អារម្មណ៍​នៅ​ឡើយ។ ​

តារា​ប្រេស៊ីល​​រំលឹក​​បន្ត ​៖«​ពេល​ខ្លះ​ យើង​មិន​អាច​​ត្អូញត្អែរ​បាន​ទេ​​ ​ព្រោះ​​យើង​មិន​អាច​ទិញ​ទូរសព្ទ​ទាំង​នេះ​ យើង​មិន​អាច​ទិញ​​ស្បែក​ជើង​, ​ឬ ​​យើង​មិន​អាច​ញុំា​នៅ​អាហារ​ដ្ឋាន​​ទេ​ ប៉ុន្តែ​ ​មិន​អាច​ត្អូញ​បាន​ ដោយ​សារ​មនុស្ស​ជា​​ច្រើន​ អត់​មាន​អ្វី​ៗ​ដូច​​យើង​ដែរ។ ​ដូច្នេះ​​ថ្ងៃ​នេះ​ ​ពេល​ខ្ញុំ​ចង់​ត្អូញ​​ចំពោះ​រឿង​អ្វី​មួយ​​ ខ្ញុំ​តែង​តែ​គិត​ថា​ Maira ​កុំ​ត្អូញ​អី»។

Brazilian MMA star Maira Mazar fights South Korean knockout artist Choi Jeong Yun at ONE: INSIDE THE MATRIX IV

នៅ​ឆ្នាំ ​២០១៥​ ពោល​​រយៈ​ពេល​១​​ឆ្នាំ​​ក្រោយ​រូប​គេ​ចូល​ហ្វឹកហាត់​គុន​ចម្រុះ ​រូប​គេ​ត្រូវ​បាន​ដាក់​​ឲ្យ​ធ្វើ​តេស្ត​​សមត្ថភាព។ ​​តារា​ប្រេស៊ីល​បាន​ចាក​ចេញ​ពី​ការងារ​​វិទ្យុ​ ​និង​ទៅ​រស់​ជា​មួយ​ឳ​ពុក​នៅ​ក្រុង​ São Paulo ​ជា​ទី​ដែល​រូប​គេ​​រំពឹង​រក​បាន​កន្លែង​ហ្វឹកហាត់​ដ៏​ល្អ​​ប្រសើរ​ ​​និង​​មាន​ឱកាស​ធ្វើ​ការ​នៅ​តំបន់​ឧស្សាហកម្ម​​ភាគ​ខាង​ត្បូង​​ទ្វីប​អាមេរិក​មួយ​នេះ។

Mazar ​បាន​ទទួល​ការងារ​​គ្រូ​បង្វឹក​ក្បាច់​គុន, ​ប្រដាល់​សកល, ​និង​សាន់ដា​ ​ដែល​បំពេញ​តម្រូវ​កា​ និង​ ​បំពេញ​ឲ្យ​អាជីព​​ប្រកួត​របស់​ខ្លួន។ ​ជីវិត​របស់​ Mazar​ បាន​ដើរ​រួម​គ្នា ​ប៉ុន្តែ​​ឳ​ពុក​របស់​គេ​ធ្លាក់​​ខ្លួន​ឈឺ​ធ្ងន់​ ​និង​បង្កើត​ភាព​ស្មុគស្មាញ​ខុស​ពី​ធម្មតា។
Mazar ​ពិពណ៌នា​​​​បែប​នេះ ​៖«​​គាត់​​​ក្លាយ​ជា​មនុស្ស​អស់​សង្ឃឹម។ ​ហើយ​ ​គាត់​ត្រូវ​ពិនិត្យ​ជា​ច្រើន​ដង ​​​ទៅ​ពេទ្យ​ញឹកញាប់​ និង​ ​លេប​ថ្នាំ​ជា​ច្រើន​ផង​ដែរ»។

 

ហេតុ​ការណ៍​​ធ្វើ​ឲ្យ​ Mazar ​កាន់​តែ​ទទួល​ស្គាល់​សារសំខាន់​​ទំនាក់ទំនង​រវាង​ឳ​ពុក​របស់​ខ្លួន។ ​ ​ដូច្នេះ​ រូប​គេ​ចង់​សម្រាល​បន្ទុក​​ហិរញ្ញវត្ថុ​លុយ​កាក់​គ្រួសារ​ ​គេ​បាន​ចាប់​​​ផ្ដើម​​​ប្រើ​ប្រាស់​ប្រាក់​ចំណូល​ដែល​បាន​មក​ពី​​បង្ហាត់​ក្បាច់​គុន​​​ទៅ​​ជួយ​ចេញ​ថ្លៃ​ព្យាបាល​ឳ​ពុក​របស់​ខ្លួន។

​នៅ​ពេល​ជា​មួយ​គ្នា​នោះ​​ ​កីឡាការិនី​បន្ត​​ប្រកួត​​​កម្រិត​ក្នុង​តំបន់​។ ​ប៉ុន្តែ​ វា​ប្រសើរ​ជាង​អត់​​ ​​ហើយ​ ​គេ​បាន​​ខំ​ប្រឹង​ចំណាយ​​លុយ​ទាំង​អស់​សម្រាប់​គ្រួសារ។ ​
កីឡាការិនី​សារភាព​ថា​ ៖«​ខ្ញុំ​ចូល​ចិត្ត​ការ​ប្រកួត​ ​ប៉ុន្តែ​វា​លំបាក​ណាស់ ​ព្រោះ​​ពេល​ខ្លះ​​​ខ្ញុំ​ប្រកួត​​អត់​ទទួល​បាន​​ប្រាក់​កម្រៃ​ក៏​មាន​។​ ​ពួក​គេ​មិន​ផ្ដល់​លុយ​ឲ្យ​ខ្ញុំ​។ ​ខ្ញុំ​​នៅ​​តែ​​​ប្រកួត​​ ​ព្រោះ​តែ​ស្រលាញ់​ មិន​មែន​​សំដៅ​​លើ​លុយ​នោះ​ទេ»។
នៅ​ឆ្នាំ ​២០១៩​ ​​ ជា​សំណាង​ល្អ​​ និង​​​បាន​ផ្លាស់​ប្ដូរ​ភ្លាម​ៗ។ ​Evolve ​​បាន​​រៀប​ចំ​ការ​ធ្វើ​តេស្ត​​ទូទាំង​ពិភព​លោក​​ដើម្បី​រក​​​អត្តពលិក​ល្អ​ៗ​ ហើយ​ Mazar ​បាន​ធ្វើ​ដំណើរ​ទៅ​សិង្ហបុរី​ដើម្បី​ធ្វើ​​តេស្ត​សមត្ថភាព។

​ក្រោយ​ទទួល​ការ​ចាប់​អារម្មណ៍​ពី​គ្រូ​បង្វឹក​ ​គេ​ត្រូវ​ស្នើ​​ឲ្យ​ចូល​រួម​​​ក្រុម​ ដែល​តម្រូវ​ឲ្យ​គេ​​​ផ្លាស់​ទៅ​សិង្ហបុរី​​ និង​ ​ចាក​ចេញ​ពី​គ្រួសារ​ ​និង​ឳ​កំពុង​មាន​ជំងឺ​នៅ​ប្រេស៊ីល​ឬ​យ៉ាង​ណា?

Mazar ​និង​ឳ​ពុក​ម្ដាយ​របស់​គេ​បាន​ជជែក​គ្នា​ និង​​ សម្រេច​អំពី​​​ឱកាស​ដ៏​​​កម្រ​នេះ។ ​ទោះ​ឳ​ពុក​ម្ដាយ​ជូន​​ពរ ​ប៉ុន្តែ ​តារា​ប្រេស៊ីល​​មិន​មាន​អារម្មណ៍​​​ស្ងប់​ចិត្ត​នោះ​ឡើយ​ពេល​នៅ​ឆ្ងាយ​ពី​គ្រួសារ ​ជា​ពិសេស​ប៉ា​របស់​គេ។

Mazar ​ចង្អុល​បង្ហាញ​​បន្ត​ ​៖«​ខ្ញុំ​មាន​អារម្មណ៍​​​ថា​ភ័យ​ខ្លាច​បន្តិច​ ​ពេល​មក​​ដល់​សិង្ហបុរី​ និង​មាន​អារម្មណ៍​​មិន​សូវ​ស្រួល​ខ្លួន​​នា​ពេល​នោះ។​ ​​ប៉ុន្តែ ​លុយ​ដែល​រក​បាន​នៅ​សិង្ហបុរី ​អាច​​​​ជួយ​ពួក​គាត់​បាន​នៅ​ពេល​ត្រូវ​ការ​ទៅ​ពេទ្យ ​ឬ​​ ​​​​អញ្ជើញ​ពេទ្យ​ទៅ​មើល។ ​​ខ្ញុំ​អាច​ជួយ​សម្រួល​ពួក​គាត់​បាន។​ ខ្ញុំ​ដឹង​ថា​ បើ​គាត់​ត្រូវ​ការ​ជំនួយ​ ម៉ាក់​របស់​ខ្ញុំ​នឹង​នៅ​ទី​នោះ»។

​តាំង​ពី​​ផ្លាស់​ទៅ​ទី​ក្រុង​តោ​ ជីវិត​របស់​គេ​បាន​ផ្លាស់​ប្ដូរ​លឿន​។ ​គេ​អាច​​ផ្ដល់​​​ការ​ថែ​ទាំ​សុខភាព​ដល់​ឳ​ពុក​របស់​ខ្លួន​​បើ​សិន​ត្រូវ​ការ​ចាំ​​បាច់​ ហើយ​ឥឡូវ​ឳ​ពុក​របស់​គេ​មាន​សុខភាព​ល្អ​ឡើង​វិញ។

Brazilian MMA star Maira Mazar fights South Korean knockout artist Choi Jeong Yun at ONE: INSIDE THE MATRIX IV

ការ​ចាប់​ផ្ដើម​​​ដំណើរ​​​ថ្មី​មិន​​ងាយ​ស្រួល​ទេ ​ ប៉ុន្តែ ​វា​ជា​​​រង្វាន់​សម្រាប់​​​ខ្លួន​គេ​ផ្ទាល់​ និង​ ​គ្រួសារ​ផង​ដែរ។ ​ ​គោល​ដៅ​របស់​ Mazar​ នា​ពេល​បន្ទាប់​គឺ​ដើម្បី​​ជួប​ជុំ​គ្រួសារ​ឡើង​វិញ​​ ​ទោះ​មិន​​ត្រលប់​ទៅ​ស្រុក​កំណើត ប៉ុន្តែ ​​គ្រោង​នាំ​​​ពួក​គាត់​​មក​រស់​នៅ​សិង្ហបុរី។ ​

​«​​ថ្ងៃ​ណា​មួយ​ ខ្ញុំ​នឹង​​​នាំ​​គ្រួសារ​របស់​ខ្ញុំ​​មក​រស់​នៅ​សិង្ហបុរី​។ ​ខ្ញុំ​ចង់​ផ្ដល់​​​ឱកាស​ឲ្យ​ពួក​គេ​មក​រស់​នៅ​កន្លែង​​សុវត្ថិភាព​ និង​ មាន​អារម្មណ៍​ល្អ​នៅ​ទី​នេះ»។ ​កីឡាការិនី​ប្រេស៊ីល​​បរិយាយ​ដូច្នេះ។ ​​

Mazar ​សង្កត់​ធ្ងន់​​ថា​​ ៖«​ទី​នេះ​សិង្ហបុរី ​​ខ្ញុំ​អត់​មាន​អ្វី​​ដើម្បី​ត្អូញត្អែរ​ទេ។ ​ជីវិត​របស់​ខ្ញុំ​​ល្អ​ណាស់​នៅ​ទី​នេះ​ ហើយ​ ខ្ញុំ​ពិត​ជា​អរគុណ​ខ្លាំង​ណាស់។ ​ខ្ញុំ​អាច​ដើរ​ហើរ​ដោយ​កាន់​ទូរសព្ទ​ និង​មាន​សុវត្ថិភាព។ ​ខ្ញុំ​អាច​ដើរ​​​យប់​ជ្រៅ​តាម​ផ្លូវ​ដោយ​សុវត្ថិភាព។​ ពីរ​ឆ្នាំ​កន្លង​ទៅ​ ​ខ្ញុំ​មិន​អាច​ស្រមៃ​បាន​ទេ​​ថា​ខ្ញុំ​អាច​នៅ​ទី​នេះ​បាន​ សិង្ហបុរី។ ​ខ្ញុំ​ពិត​ជា​ជឿ​លើ​ព្រះ​ ​ដែល​​មាន​ផែន​ការ​ជីវិត​សម្រាប់​ខ្ញុំ»។

ចុចអាន: Christian Lee Excited To Continue Meteoric Rise In 2021