Kun Khmer

Mike Tyson ​ស្ថិត​ជា​​និមិត្តរូប​របស់​​ ​អែម សុវណ្ណារី ​​មួយ​ក្នុង​ចំណោម​ពីរ​នាក់​

អែម ​សុវណ្ណារី ​​ដែល​កីឡាការិនី​គុន​ចម្រុះ​​​​មាន​ឈាម​ជ័រ​​ជា​ខ្មែរ​​កើត​​នៅ​​សហរដ្ឋ​អាមេរិក​បាន​ចុះ​​កិច្ច​សន្យា​ប្រកួត​​​​ឲ្យ​ស្ថាប័ន​​រៀប​ចំ​ព្រឹត្តិការណ៍​​កីឡា​ធំ​បំផុត​​ក្នុង​ប្រវត្តិសាស្ត្រ​អាស៊ី ​ONE Championship ​​តាំង​ពី​ឆ្នាំ ​២០១៨​​ មក​ម៉្លេះ។​​ បច្ចុប្បន្ន​កីឡាការិនី​រូប​នេះ​ក៏​នៅ​មាន​សកម្មភាព​ប្រកួត​ជា​ហូរហែ​ និង​ជាប់​កិច្ច​​សន្យា​​​នៅ​លំដាប់​លំដាប់​​ពិភព​លោក​មួយ​នេះ។ ​​​ពេល​​ចាប់​ផ្ដើម​ហាត់​​ប្រដាល់​សកល, ​​ជឺជិតស៊ូ និង​​គុន​ចម្រុះ​ដល់​បច្ចុប្បន្ន​ តើ​ សុវណ្ណារី​ ​​យក​និមិត្តរូប​​មួយ​ណា​ជា​គំរូ?

«វា​ពិត​ជា​​ខ្មាសអៀន​មែន​ទែន​ដែល​​ខ្ញុំ​អត់​មាន​​​​និមិត្តរូប​​ជា​កីឡាការិនី​ទាល់​តែ​សោះ​ក្នុង​ចិត្ត​របស់​ខ្ញុំ។​អ្នក​លេង​គុន​ចម្រុះ​ដែល​ខ្ញុំ​ពេញ​បំផុត​ គឺ​វីរបុរស​គុន​ចម្រុះ​សញ្ជាតិ​កាណាដា​​ George St. Pierre។ ​George ​មិន​ត្រឹម​តែ​​​​កីឡាករ​​មាន​កាយសម្បទា​ដ៏​អស្ចារ្យ​​នោះ​ទេ​​ ប៉ុន្តែ​ ​គេ​មាន​​កម្លាំង​ស្មារតី​ដ៏​ពិសេស​ផង​ដែរ។​ ​គេ​ពិត​ជា​វៃ​ឆ្លាត ​និង​មាន​​ផែនការ​លើ​សង្វៀន​ច្បាស់​លាស់​ទាំង​ការ​ហ្វឹកហាត់​ និង ការ​ប្រកួត​​ជាក់​ស្ដែង​ទៀត​ផង។ ​គាត់​ [George] អាច​ដោះ​ស្រាយ​បញ្ហា​បាន​​លឿន​ និង​ ​កំ​ចាត់​ភាព​ភ័យ​ខ្លាច​​ហើយ​ជម្នះ​រាល់​ឧបសគ្គ​បាន​ល្អ​បំផុត​ពេល​ឡើង​ប្រកួត»។ ​​អែម សុវណ្ណារី ​បាន​រៀប​រាប់​​យ៉ាង​ដូច្នេះ។

កីឡាការិនី​វ័យ​២៩​ឆ្នាំ​បាន​សរសើរ​​វីរបុរស​គុន​ចម្រុះ​វ័យ​ ៣៩ ឆ្នាំ​សញ្ជាតិ​​កាណាដា​​រូប​នេះ​មិន​ដាច់​ពី ​មាត់​ទោះ​ជា​​​​អតីត​ម្ចាស់​ខ្សែ​ក្រវាត់​ពិភព​លោក​ពីរ​ស្ថាប័ន​​ដដែល​នេះ​​ចូល​និវត្តន៍​តាំង​​ពី​ឆ្នាំ​២០១៣។​ George ​មាន​ចំណុច​ពិសេស​ជា​ច្រើន​ដែល​បាន​​​​ សុវណ្ណារី ​ចង​ចាំ​ក្នុង​​ចិត្ត​ជា​​យូរ​មក​ហើយ។ ​

ចុចអាន ទី​បំផុត​ Stamp វិល​ចូល​សង្វៀន​វ៉ៃ​គុន​ចម្រុះ​​​នៅ​ ONE: NO​ SURRENDER

ចុចអាន ជើង​ខ្លាំង​គុន​ខ្មែរ​ សុខ ធី​ កំពុង​ប្រឹង​ហាត់​ត្រៀម​វ៉ៃ​​ចុង​ខែ​នេះ

កីឡាការិនី​សម្បុរ​ស្រអែម​ ​​​សង្កត់​ធ្ងន់​​​ទៀត​ថា​​ ៖« George​ ​ជា​មនុស្ស​គួរ​ឲ្យ​គោរព​​ពេល​តតាំង​ជា​មួយ​គូ​​បដិបក្ខ​ម្ដង​ៗ​​​នៅ​លើ​សង្វៀន»។

ក្រៅ​ពី​ ​​អែម ​សុវណ្ណារី​​​ បាន​ចុច​ឈ្មោះ​និមិត្តរូប​ទី១​​ ​គេ​ក៏​បាន​​ហៅ​ឈ្មោះ​​​​ Mike Tyson ​ជា​និមិត្តរូប​ទី​​២​របស់​ខ្លួន​ដែរ។ ​ការ​បង្ហើប​ឈ្មោះ​​និមិត្តរូប​ទី២​នេះ​​ (idol) ​​ព្រោះ​ ​​​សុវណ្ណារី ​ចាប់​ផ្ដើម​ហ្វឹកហាត់​ដំបូង​ គឺ​ប្រដាល់​សកល។ ​សុវណ្ណារី​ ​បន្ថែម​ ៖«​​Mike Tyson គឺ​ជា​វីរបុរស​​ប្រដាល់​ម្នាក់​ដែល​ខ្ញុំ​ចូល​ចិត្ត​ ពេល​ខ្ញុំ​ចាប់​ផ្ដើម​ហ្វឹកហាត់​ប្រដាល់​សកល​ដែល​ជា​ចំណុច​ផ្ដើម​អាជីព​​លើ​វិស័យ​ក្បាច់​គុន​របស់​ខ្ញុំ​នៅ​ក្លិប​ Western Boxing។ ​ការ​វ៉ៃ​ដ៏​ជក់ចិត្ត​និង​អង់អាច​ខ្លាំង​ក្លា​​ ​Tyson ​ជា​អ្នក​​​លើក​ទឹក​​ដោយ​ប្រយោល​ដល់​​រូប​ខ្ញុំ។ ​ខ្ញុំ​តែង​តែ​យក​វិធី​​វ៉ៃ​សម្រុក​ខ្លាំង​ដូច​គាត់​អីចឹង»។

​​នា​​ពេល​ថ្មីៗ​​នេះ​ សុវណ្ណារី ​​ក៏​បាន​ទស្សនា​វីដេអូ​ហាឡាយ​ពី​មុន​​ៗ​ដែល​ស្ដេច​ប្រដាល់​ Mike Tyson បាន​ប្រកួត​ដែរ​ផង​ដែរ។ ​យ៉ាង​​ណា​ក្ដី​ រូប​គេ​ក៏​បាន​​សិក្សា​អំពី​វីដេអូ​​នៃ​ការ​ធ្វើ​ចលនា​​រហ័ស​របស់​​កីឡាករ​កូន​កាត់​វៀតណាម​អាមេរិក ​Cung Le។ ​ក្នុង​នោះ​​គេ​ក៏​បាន​​តាមដាន​ការ​ប្រកួត​ខ្លះ​របស់​កីឡាការិនី​​​ដូច​ជា​ Rose Namajunes ​និង​ Valentina Schevchenko ​ក្នុង​គោល​បំណង​​​​​ឈ្វេង​យល់​លើ​ស្ទិល​ប្រយុទ្ធ​​បន្ថែម​ទៀត៕

ចុចអាន លោក​ Chatri Sityodtong ​ប្រកាស​​​កម្មវិធី​ប្រកួត​បិទ​ទ្វារ​​៩​លើក​​សម្រាប់​ឆ្នាំ​២០២០​​នេះ

មើល​​បន្ថែម

Stay in the know

Take ONE Championship wherever you go! Sign up now to gain access to latest news, unlock special offers and get first access to the best seats to our live events.
By submitting this form, you are agreeing to our collection, use and disclosure of your information under our Privacy Policy. You may unsubscribe from these communications at any time.