News

Sunisa Srisen ​ដាក់​ផែន​ការ​ធ្វើ​ឲ្យ​ Stamp Fairtex​ ​ខក​​ចិត្ត​

Sunisa Srisen ឬ​​ ឈ្មោះ​ក្រៅ​ “Thunderstorm”​ ​បាន​ដឹង​ថា​​​​ថ្ងៃ​ទី​​ ៣១​ ​កក្កដា ​​អាច​ជា​​​កំណត់​ត្រា​​​មួយ​ក្នុង​អាជីព​របស់​គេ​នៅ​ក្រុង​បាងកក​​ ប្រទេស​ថៃ។ ​​​យុវនារី​​​មិន​ដែល​​ចាញ់​រូប​​នេះ​នឹង​បង្ហាញ​ខ្លួន​លើក​ដំបូង​នៅ​ព្រឹត្តិការណ៍​​ ONE: NO SURRENDER​ ដែល​មាន​​ឱកាស​​ប្រឈម​​នឹង​​ម្ចាស់​​ខ្សែ​ក្រវាត់​​មួយ​ថៃ​កម្រិត​ពិភព​លោក​ ONE Atomweight Muay Thai World Champion ​កីឡាការិនី​ Stamp Fairtex​ ក្នុង​ការ​ប្រកួត​គុន​ចម្រុះ។

កីឡាការិនី​វ័យ​ ​១៩​ ឆ្នាំ​រូប​នេះ​​បាន​ថ្លែង​ឲ្យ​ដឹង​ថា​​ ៖«​វា​ដូច​ជា​សុបិន​ក្លាយ​ជា​ការពិត​សម្រាប់​ខ្ញុំ​​ក្នុង​ការ​ទទួល​ឱកាស​​ប្រកួត​នៅ​សង្វៀន​ធំ​​កម្រិត​ពិភព​លោក​ ONE Championship។ ​ខ្ញុំ​តែង​តែ​​ស្រមៃ​​អំពី​ការ​ប្រកួត​នៅ​សង្វៀន​កម្រិត​ពិភព​លោក​បែប​នេះ។ ​ខ្ញុំ​បាន​ទស្សនា​ការ​ប្រកួត​​ពី​សំណាក់​​កីឡាករ​កីឡាការិនី​ជា​ច្រើន​នៅ​​សង្វៀន​ ONE ​អស់​រយៈ​ពេល​​យូរ​​ឆ្នាំ​​មក​ហើយ​ ប៉ុន្តែ ​ឥឡូវ​នេះ​ដល់​វេន​ខ្ញុំ​ម្ដង។ ​​​​មុន​​ឡើង​​ប្រកួត​​នេះ​​ ​ខ្ញុំ​​បាន​ហ្វឹកហាត់​ខ្លាំងក្លា​រៀងរាល់​ថ្ងៃ»។

 

​វា​ពិត​ជា​គ្មាន​ការ​សង្ស័យ​នោះ​​ទេ​ដែល ​​Srisen ​​បាន​​​ទទួល​ឱកាស​​ដើម្បី​ប្រកួត​នៅ​​សង្វៀន​អន្តរជាតិ។ ​នៅ​ឆ្នាំ​ ២០១៦​ ​កីឡាការិនី​​ដែល​មាន​មូលដ្ឋាន​នៅ​ខេត្ត​​ Chonburi ​ប្រទេស​ថៃ​​បាន​បង្ហាញ​ខ្លួន​ដំបូង​ក្នុង​ពិភព​គុន​ចម្រុះ​​នៅ​កម្មវិធី​​ក្នុង​ស្រុក​ Full Metal Dojo ​ដោយ​ជួប​​​វីរនារី​​ប្រចាំ​សង្វៀន​​ ONE ​កីឡាការិនី​ Audreylaura “Ice Comet” Boniface។ ​ ខ្លាំង​មែន​ ! ​រូប​​គេ​អាច​ដណ្ដើម​​​ជ័យជម្នះ​ត្រឹម​ទឹក​ទី​២​ប៉ុណ្ណោះ។

កីឡាការិនី​​រូប​នេះ​​​​ក៏​គ្រប់គ្រង​ការ​ប្រកួត​បាន​ល្អ​​ដោយ​បញ្ចប់​ Wilasinee “Infinity” Komhom ​តាម​រយៈ​ក្បាច់​ឃ្លេ​ក​​នៅ​ខែ ​​កុម្ភៈ​ ​ឆ្នាំ​ ២០១៧​ និង​ ​ផ្ដួល​ Phunsasorn “Koy” Thanuthong ​ឲ្យ​សន្លប់​ឈឹង​​នៅ​ខែ​ ​វិច្ឆិកា​ ​ឆ្នាំ​ដដែល។



ដើម្បី​រក្សា​កំណត់​ត្រា​ល្អ​ ​​កីឡាការិនី​​រហស្សនាម​ “Thunderstorm” ​បាន​មក​ហ្វឹកហាត់​​នា​រាជធានី​បាងកក​​​ឯ​​ក្លិប​​ Mister Kok Gym។​ ​​គេ​បាន​រៀប​ចំ​​​ស្នៀត​ដើម្បី​ផ្ដួល​វីរនារី​​​ជន​រួម​ជាតិ​​ឲ្យ​ចុះ​ចាញ់​នា​ចុង​ខែ​នេះ​​ឲ្យ​ខាង​តែ​បាន។

«​​ខ្ញុំ​បាន​​មក​បាងកក​​និង​ត្រៀម​ខ្លួន​សម្រាប់​ការ​ប្រកួត​នេះ។ ​​ខ្ញុំ​អាច​និយាយ​ថា​​​កាយសម្បទា​ ​និង​ ស្មារតី​របស់​ខ្ញុំ​រឹងមាំ​​ ១០០%។​ ​ខ្ញុំ​ពិត​ជា​រំភើប​ណាស់​​ពេល​ជួប​​ Stamp Fairtex។​ ​​គាត់​ជា​និមិត្តរូប​ម្នាក់​​ក្នុង​​ពិភព​កីឡា​​គុន​ចម្រុះ។ ​​​​​គេ​ល្អ​​ទាំង​​​​​រូប​រាង​ និង​ ​ជំនាញ​ប្រកួត។ ​​ការ​ប៉ះ​គ្នា​នេះ​​ពិត​ជា​ឱកាស​ល្អ​បំផុត​សម្រាប់​ខ្ញុំ​ និង​ជា​បទ​ពិសោធន៍​ល្អ​សម្រាប់​ខ្ញុំ​ដែរ»។

View this post on Instagram

❤️

A post shared by Oiw Sunisa (@oiwsunisa) on

Stamp ​ ​​កំពុង​បន្ត​បេសកកម្ម​​​ក្នុង​គោល​ដៅ​​ឈាន​ទៅ​ដណ្ដើម​ខ្សែ​ក្រវាត់​​​លើ​វិថី​​ក្បាច់​គុន​ចម្រុះ​​ពោល​​​ជា​ប្រភេទ​កីឡា​ទី៣​ ដែល​រូប​គេ​ប្រឡូក​រហូត​​សព្វ​ថ្ងៃ​នេះ។ ​​​​បន្ទាប់​ពី​ប្រើ​ពេល​​ ១៩​ វិនាទី​ផ្ដួល​ដៃ​គូ​​ឲ្យ​សន្លប់​ក្នុង​ការ​បង្ហាញ​ខ្លួន​លើក​ដំបូង​​នៅ​កម្មវិធី​ ONE Warrior Series 2 ​កាល​ខែ​ ​​​កក្កដា​ ឆ្នាំ ​២០១៨​កីឡាការិនី​មក​ពី​ក្លិប​​ Fairtex ​​បាន​គ្រង​ខ្សែ​ក្រវាត់​​ឃីក​បុក​សីង​ពិភព​​លោក​​ ONE Atomweight ​ និង​ ​​ខ្សែ​ក្រវាត់​​មួយ​ថៃ​ពិភព​លោក​ ONE Atomweight។​ ​​​ឥឡូវ​​នេះ​​ Stamp បាន​​បន្ត​អាជីព​​គុន​ចម្រុះ និង​​ ​មិន​ធ្លាប់​ចាញ់​សោះ​​ក្នុង​ការ​​ប្រកួត​កន្លង​មក។

​កីឡាការិនី​វ័យ​២២​ឆ្នាំ​​​បាន​​​បញ្ចប់​​​កីឡាការិនី​ឥណ្ឌា​ ​ឲ្យ​ចុះ​ចាញ់​កាល​ខែ​​ សីហា​ ​​ឆ្នាំ​ ២០១៩, ​ឈ្នះ​ ​កីឡាការិនី​កូន​កាត់​វៀតណាម​អាមេរិក​ Bi “Killer Bee” ដោយ​ពិន្ទុ​​ជា​ឯកច្ឆន្ទ​ក្នុង​រយៈ​​បី​ខែ​បន្ទាប់, ​និង​​​ ផ្ដួល​​ជើង​​ឯក​វូស៊ូ​​ច្រើន​សម័យ​ Puja “The Cyclone” Tomar ​មក​ពី​ឥណ្ឌា​​ឲ្យ​សន្លប់​​​កាល​ខែ ​មករា​ កន្លង​ទៅ

While

កម្រិត​បទ​ពិសោធន៍​របស់​​ Srisen ​មិនដល់​​ Stamp ​នោះ​ទេ​ ប៉ុន្តែ​ គេ​នឹង​តស៊ូ​ឲ្យ​អស់​ពី​ដួងចិត្ត​នៅ​បាងកក​​ចុង​សប្ដាហ៍​ក្រោយ។ ​​កីឡាការិនី​មក​ពី​ក្លិប​​ Mister Kok Gym​ ​​សង្កត់​ធ្ងន់​​ទៀត​ថា​​​ ៖«​​អ្នក​រាល់​គ្នា​ច្បាស់​ជា​និយាយ​ថា​ ​ខ្ញុំ​មិន​អាច​​យក​ឈ្នះ​ Stamp ​បាន​ទេ​ ហើយ​ខ្ញុំ​យល់​អំពី​អារម្មណ៍​នេះ។ ​​តើ​ខ្ញុំ​ខ្លាច​គេ​​ឬ? ​​នរណា​ក៏​ដោយ​​ឲ្យ​តែ​នៅ​លើ​សង្វៀន​ គឺ​ ​​ត្រូវ​តែ​វ៉ៃ។​ ខ្ញុំ​នឹង​វ៉ៃ​ឲ្យ​អស់​សមត្ថភាព។ ​គ្រប់​​បទ​ពិសោធន៍​​នឹង​ជួយ​ឲ្យ​ខ្ញុំ​រីកចម្រើន។​ ​ខ្ញុំ​ត្រូវ​ធ្វើ​ឲ្យ​អស់​សមត្ថភាព​ ទោះ​ចាញ់ ឬ ឈ្នះ។​ ​ខ្ញុំ​មិន​ខ្វល់​​អំពី​លទ្ធផល​ទេ»។

«​វា​មិន​ងាយ​ស្រួល​ទេ​សម្រាប់​ការ​ប្រកួត​នេះ។ ​វា​ពិត​ជា​លំបាក​មែន។​ ​ខ្ញុំ​សិក្សា​អំពី​ Stamp ​​យ៉ាង​ដិតដល់​ទាំង​​ស្នៀត​ប្រយុទ្ធ​ និង​ ​ការប្រកួត​ក្នុង​ជំហរ​ដេក។ ​​Stamp ​​​ពិត​ជា​ខ្លាំង​មែន និង​ ​​ជា​ពិសេស​ជំនាញ​​​​ ការ​​ចេញ​ស្នៀត​លឿនៗ។ ​​​គេ​ក៏​ខ្ពស់​ជាង​ខ្ញុំ​ដែរ​ តែ​ខ្ញុំ​មិន​​ព្យាយាម​​​ប្រកួត​​លើ​ចំណុច​ខ្លាំង​របស់​គេ​ទេ។ ​​​​​ខ្ញុំ​មាន​ចំណុច​ខ្លាំង​​ផ្ទាល់​ខ្លួន​ ​ហើយ​ខ្ញុំ​ចង់​តេស្ត​ជំនាញ​ចំបាប់​​​ដល់​​ Stamp»។

បើ​ ​“Thunderstorm” ​អាច​​ធ្វើ​បាន​ល្អ​និង​ចាប់​យក​ឱកាស​ដ៏​អស្ចារ្យ​​នេះ​​ ​គេ​​​​នឹង​ក្លាយ​ជា​កីឡាការិនី​​ម្នាក់​ដែល​បញ្ចប់​​កំណត់​ត្រា​ឈ្នះ​របស់​ Stamp ​លើក​ដំបូង​ក្នុង​ក្បាច់​គុន​ចម្រុះ ​​និង ​កសាង​សុបិន​កាន់​តែ​ខ្លាំងក្លា​ថែម​ទៀត៕

 

ចុចអាន The Best Knockouts From The Stars Of ONE: NO SURRENDER

មើល​​បន្ថែម

Stay in the know

Take ONE Championship wherever you go! Sign up now to gain access to latest news, unlock special offers and get first access to the best seats to our live events.
By submitting this form, you are agreeing to our collection, use and disclosure of your information under our Privacy Policy. You may unsubscribe from these communications at any time.