Kickboxing

គូឯក Ramazanov ប៉ះ​ Capitan ខណៈ​ Aoki ប៉ះ​ Nakashima នៅ ONE: UNBREAKABLE

ONE Championship នឹង​ចាប់​ផ្តើម​ឆ្នាំ​២០២១​ជា​មួយ​នឹង​ព្រឹត្តិការណ៍​ផ្សាយផ្ទាល់​ ONE: UNBREAKABLE ចេញ​ពី​កីឡដ្ឋាន​ Singapore Indoor Stadium ថ្ងៃ​សុក្រ ទី​២២ ខែ​មករា នេះ។

Russian Muay Thai specialist lands a push kick to Ognjen Topic's face

បន្ទាប់​ពី​ទន្ទឹង​រង់​ចាំ​ជា​ច្រើន​សប្តាហ៍​មក ក្រោយ​ពេល​ឆ្នាំ​ចាស់​កន្លង​ផុត​ទៅ ម្ចាស់​ខ្សែ​ក្រវាត់​ឃីកបុកសីង​ពិភព​លោក ONE Bantamweight Kickboxing World Champion គឺ​កីឡាករ Alaverdi “Babyface Killer” Ramazanov ត្រូវ​ឡើង​ការពារ​ខ្សែ​ក្រវាត់​របស់​ខ្លួន​ក្នុង​តំណែង​គូ​ឯក។

ជើង​ខ្លាំង Ramazanov បាន​​បាន​យក​ឈ្នះ​កីឡាករ​ចិន​ “Zhang Chenglong ដើម្បី​ក្លាយ​ជា​ម្ចាស់​ជើងឯក​ពិភព​លោក​កាល​ពី​ខែ​ធ្នូ ឆ្នាំ​២០១៩។ រហូត​ដល់​សព្វ​ថ្ងៃ​នេះ រូប​គេ​ជា​កីឡាករ​លេចធ្លោ​​ម្នាក់ និង​ឆ្នើម​ប្រចាំ​កម្មវិធី ONE Super Series។

កីឡាករ​រុស្ស៊ីម្នាក់​នេះ​មាន​អាវុធ​វ៉ៃ​ចេញ​ល្អ​ ល្បឿនរហ័ស​លឿន និង​កម្លាំង​ផ្តួល​ដៃ​គូ​ឲ្យ​សន្លប់​​ដ៏​អស្ចារ្យ​ដែល​ស័ក្តិសម​ជា​កីឡាករ​ឆ្នើម​លំដាប់​ពិភព​លោក។ រហូត​ដល់​ពេល​នេះ ជើង​ឯក​ឃីកបុកសីង​រូប​នេះ​​មាន​បទ​ពិសោធ​នៅ​លើ​សង្វៀន​ឈ្នះ​៦១​ដង និង​ចាញ់​តែ​៥​ដង​ប៉ុណ្ណោះ។​

​នៅ​ក្នុង​ប្រទេស​សិង្ហបុរី​ខាង​មុខ​នេះ ជើង​ខ្លាំង Ramazanov នឹង​ការពារ​ខ្សែ​ក្រវាត់​របស់​ខ្លួន​ទល់​នឹង​ជើង​ខ្លាំង​ដែល​មាន​បទ​ពិសោធ​ជោកជាំ និង​កណ្តាប់​ដៃ​មហា​ទម្ងន់។

Capitan Petchyindee Academy knocks out Petchtanong Petchfergus in their kickbxing fight

នោះ​គឺ Capitan Petchyindee Academy ជា​ជើង​ឯក​មួយ​ថៃ​ពិភព​លោក​ច្រើន​គ្រឿង​ និង​មាន​បទ​ពិសោធ​នៅ​លើ​សង្វៀន​ឈ្នះ​១៤២​ដង និង​ចាញ់​៤០​ដង និង​ជា​កីឡាករ​ម្នាក់​ដែល​មាន​កណ្តាប់​ដៃ​គ្រោះ​ថ្នាក់​ខ្លាំង​។

កាល​ពី​ខែ​កញ្ញា ឆ្នាំ​មុន ជើង​ខ្លាំង​ថៃ​រូប​នេះ​បាន​យក​ឈ្នះ​តារា​ប្រដាល់ឃីកបុកសីង​ Petchtanong Petchfergus ដោយ​ប្រើ​ពេល​ត្រឹម​តែ​៦​វិនាទី​ប៉ុណ្ណោះ​គឺ​បាន​ក្លាយជា​ជ័យជម្នះ​លឿន​បំផុត​ក្នុង​ប្រវត្តិ​ ONE Super Series

ជ័យជម្នះ​​នោះ​បាន​រុញ​ច្រានឲ្យ​ Capitan ឡើង​ទៅ​ឈរ​នៅ​ចំណាត់​ថ្នាក់​លេខ​២​នៃតារាង​ចំណាត់​ថ្នាក់​អត្តពលិក និង​មាន​ឈ្មោះ​ប្រកួត​ដណ្តើម​ខ្សែ​ក្រវាត់​ពិភព​លោក​ជា​មួយ​ Ramazanov។

Shinya Aoki celebrates his defeat of Honorio Banario at ONE: CENTURY

ជា​មួយ​គ្នា​នេះ អតីត​ជើង​ឯក​ពិភព​លោក​ ONE Lightweight World Champion តារា​ឆ្នើម​ជប៉ុន​ Shinya Aoki ក៏​វិល​ត្រឡប់​មក​កាន់​សង្វៀន​វិញ​ដែរ​នៅ​ព្រឹត្តិការណ៍​ប្រកួត ONE: UNBREAKABLE ក្នុង​តំណែង​គូ​ឯក​រង។

ចាប់​តាំង​ពី​​បាត់​បង់​ខ្សែ​ក្រវាត់​ពិភព​លោក​ដោយ​សារ​ជើង​ខ្លាំង​វ័យ​ក្មេង​ Christian Lee កាល​ពី​ខែ​ឧសភា ឆ្នាំ​២០១៩​មក តារា​គុន​ចម្រុះ​ជប៉ុន​នេះ​​ទទួល​បាន​ជោគជ័យ​២​លើក​ជាប់​គ្នា​។

Aoki បាន​បញ្ឈប់​ Honorio “The Rock” Banario ដោយ​ប្រើ​ពេល​ត្រឹម​តែ​៥៤​វិនាទី​ប៉ុណ្ណោះ​កាល​ពី​ខែ​តុលា ឆ្នាំ​២០១៩ និង​បន្ទាប់​មក​បាន​យក​ឈ្នះ​ពិន្ទុ​កីឡាករ Kimihiro Eto កាល​ពី​ខែ​កញ្ញា ឆ្នាំ​២០២០។

ឥឡូវ​នេះ អ្នក​លេង​គុន​ចម្រុះ​ចំណាត់​ថ្នាក់​លេខ​៤​នៃ​ទម្ងន់ របស់​ជប៉ុន​នេះកំពុង​សម្លឹង​ឆ្ពោះ​ទៅ​រក​ជ័យជម្នះ​លើក​ទី​៤៦​ក្នុង​អាជីពនិង​​សន្សំ​កេរ្តិ៍​ឈ្មោះ​ទៅ​ប្រកួត​សា​ជា​ថ្មី​ជា​មួយ Lee ដើម្បី​យក​ខ្សែក្រវាត់​មក​វិញ។ ប៉ុន្តែ​​នៅ​ពេល​នេះ គាត់​ស្វែង​រក​ជ័យជម្នះ​ជា​មុន​សិន។

James Nakashima kicks Yushin Okami while his beard sways

ជា​ការ​ពិត​ណាស់ James Nakashima បាន​កំពុង​បង្ហាញ​ខ្លួន​ជា​អ្នក​លេង​ដ៏​គ្រោះ​ថ្នាក់​នៅ​ក្នុង​ប្រភេទ​ទម្ងន់​នេះ។

កីឡាករ​អាមេរិក​នេះ​មាន​ជំនាញ​​កីឡា​ចំបាប់កម្រិត​ខ្ពស់​ និង​ហ្វឹក​ហាត់​នៅ​ក្លឹប​ Team Petrosyan ដែល​មាន​ប្រវត្តិ​ប្រកួត​ឈ្នះ​១២ដង ដោយ​មិន​ដែល​ធ្លាប់​ចាញ់​សោះ​។ រូប​គេ​ក៏​ទទួល​បាន​ឱកាស​​ទៅ​ប្រកួត​ដណ្តើម​ខ្សែ​ក្រវាត់​ពិភព​លោក​ ONE Welterweight World Championship ជា​មួយ Kiamrian “Brazen” Abbaso កាល​ពី​​ខែ​វិច្ឆិកា។

ទោះ​បី​ជា​ Nakashima ធ្វើ​បាន​ល្អ​លើ​ម្ចាស់​ខ្សែ​ក្រវាត់ ក៏​ Abbasov បាន​ប្រើ​ជង្គង់​ដ៏​អស្ចារ្យ​នៅ​ក្នុង​ទឹក​ទី​៤ និង​បាន​ធ្វ់់ើ​ឲ្យ​គាត់​​ស្គាល់​បរាជ័យ​លើក​ដំបូង។

យោង​ទៅ​តាម​ការ​ប្រកួត​នោះ កីឡាករ​ក្លឹប MMA Lab បាន​សម្រេច​ចិត្ត​​ទម្លាក់​ទម្ងន់ និង​ចាប់​ផ្តើម​ស្វះ​ស្វែង​រក​ការ​ប្រកួត​ដណ្តើម​ខ្សែ​ក្រវាត់​ពិភព​លោក​ ONE Lightweight World Title វិញ​ម្តង។

Chinese MMA fighter Meng Bo celebrates her debut victory in ONE

ព្រឹត្តិការណ៍ប្រកួត ONE: UNBREAKABLE បាន​បន្ត​សហការ​ជា​ដៃ​គូ​ជា​មួយ​រដ្ឋាភិបាល​ប្រទេស​សិង្ហបុរី​ដើម្បី​រៀប​ចំ​ព្រឹត្តិការណ៍​ប្រកួត​កីឡា​ដែល​ផ្សាយ​ផ្ទាល់។

ជា​មួយ​នឹង​អ្នក​គាំទ្រ​ពិសេស​២៥០​នាក់​ ឬ​កញ្ចប់​អ្នក​គាំទ្រ​ពិសេសអាច​ស្វែង​រក​ទិញ​បាន​សម្រាប់​អ្នក​គាំទ្រ​ដែល​ចង់​ចូល​ទស្សនា​ផ្ទាល់​នៅ​កីឡដ្ឋាន Singapore Indoor Stadium។ កញ្ចប់​សំបុត្រ​ពិសេស​នេះ​គឺ​មាន​តម្លៃ​ម្នាក់​១៤៨​ដុល្លារ​សិង្ហបុរី ដែល​មាន​រៀប​ចំ​លក្ខណៈ​ពិសេស​សម្រាប់​ប្រកប​ដោយ​សុវត្ថិភាព។

សម្រាប់​សំបុត្រ​អ្នក​គាំទ្រ​ពិសេស “Superfan” លោក​អ្នក​អាច​ចូល​ទិញ​បាន​តាម​៖ ticketmaster.sg

ខាង​ក្រោម​ជា​គូ​ប្រកួត​ផ្សាយ​ផ្ទាល់​ផ្លូវ​ការ​ទី​១​របស់ ONE Championship ប្រចាំ​ឆ្នាំ​២០២១។

សមាសភាព​គូ​ប្រកួត​ទាំង​អស់​នៅ ONE: UNBREAKABLE

  • Alaverdi Ramazanov ប៉ះ​ Capitan Petchyindee Academy (ប្រកួត​ខ្សែ​ក្រវាត់​ឃីកបុកសីង​ពិភព​លោក)
  • Shinya Aoki ប៉ះ​ James Nakashima (ប្រកួត​គុន​ចម្រុះ)
  • Rade Opacic ប៉ះ​ Patrick Schmid (ប្រកួត​ឃីកបុកសីង​ទម្ងន់​ធ្ងន)
  • Zebaztian Kadestam ប៉ះ​ Gadzhimurad Abdulaev (ប្រកួត​គុន​ចម្រុះ​)
  • Meng Bo ប៉ះ​ Samara Santos (ប្រកួត​គុន​ចម្រុះ​នារី)
  • Hexigetu ប៉ះ​ Lito Adiwang (ប្រកួត​គុនចម្រុះ)

Read more: Aung La N Sang, Stamp, And Lineker Hard At Work In The Gy