Kickboxing

Rade Opacic ​​ថា ៖«​ពេល​វេលា​​មក​ដល់​ហើយ»

Rade Opacic  កំពុង​បង្ហាញ​ខ្លួន​ថា​​ជា​កីឡាករ​​កម្រិត​​កំពូល​ម្នាក់​ក្នុង​ទម្ងន់​ heavyweights ​នៅ​​សង្វៀន​ ONE Super Series និង​មិន​ឈប់​ត្រឹម​នេះ​ទេ​រហូត​ដល់​រូប​គេ​ឈ្នះ​ខ្សែ​ក្រវាត់។ 

តារា​សញ្ជាតិ ស៊ែប​​ដាក់​ផែន​​​ការ​ផ្ដួល​​​ដៃ​គូ​ឲ្យ​សន្លប់​​នៅ​សង្វៀន​កម្រិត​ពិភព​លោក​ពេល​រូប​គេ​ឡើង​ជួប​ Patrick “Big Swiss” Schmid ​ក្នុង​ ការ​ប្រកួត​ឃីកបុកសីង ​នៅ​ព្រឹត្តិការណ៍ “ONE on TNT I” នា​ថ្ងៃ​ពុធ​ទី ៧ ​ខែ មេសា​នេះ។  

បើ​សិន​ឈ្នះ​មួយ​ប្រកួត​ទៀត Opacic ​រំពឹង​មាន​ឈ្មោះ​​ទៅ​ដណ្ដើម​ខ្សែ​ក្រវាត់ ONE Heavyweight Kickboxing World Title ​ដែល​មិន​ទាន់​មាន​ម្ចាស់​នា​ពេល​ខាង​មុខ។   ​គោល​ដៅ​របស់​គេ​នៅ​ដដែល។ 

កីឡាករ​រូប​នេះ​បាន​​ថ្លែង​ថា ៖«​គោល​​ដៅ​ដំបូង គឺ​ត្រូវ​ឈ្នះ​​នៅ​ថ្ងៃ​ទី ៧ ខែ​មេសា  ​ប៉ុន្តែ ​ [គោល​ដៅ​យូរ​អង្វែង​] ​របស់​ខ្ញុំ​ គឺ ក្លាយ​ជា​ជើង​ឯក ONE Heavyweight Kickboxing World Champion។  ​ខ្ញុំ​​ត្រូវ​លះ​បង់​គ្រប់បែប​យ៉ាង​ក្នុង​កីឡា​នេះ ដូច្នេះ ​ខ្ញុំ​ត្រូវ​​តែ​ធ្វើ​អ្វី​ៗ​គ្រប់​យ៉ាង និង ​អាច​​ជួប​នរណា​ក៏​បាន ដើម្បី​ទទួល​បាន​លទ្ធផល​ដ៏​ល្អ​នេះ»។

ក្នុង​ប្រកួត​ដំបូងនៅ​សង្វៀន​លំដាប់​ពិភព​លោក Opacic ​បាន​ផ្ដួល​ Errol “The Bonecrusher” Zimmerman ឲ្យ​សន្លប់​នៅ​ព្រឹត្តិការណ៍ ONE: BIG BANG II ​កាល​​ខែ ធ្នូ ឆ្នាំ ២០២០។  បុរស​វ័យ ២៣ ឆ្នាំ បាន ប្រើស្នៀត​ទាត់​បង្វិល​កែង​ជើង​ ​ដើម្បី​​បញ្ឈប់ និង​បញ្ចប់​​តារា​ជើង​ចាស់​មក​ពី​ហូឡង់។ 

​តារា​ស៊ែប បាន​​ផ្ដួល​ Bruno Susano ​ត្រឹម​ទឹក​ទី២ នៅ​ព្រឹត្តិការណ៍  ONE: UNBREAKABLE ​កាល​ខែ មករា ​ដើម្បី​ធ្វើ​​​ឲ្យ​គេ​ចាប់​អារម្មណ៍​ក្នុង​ទម្ងន់​ heavyweight ។ 

យ៉ាង​ណា​ក្ដី  Opacic ​បាន​​​រៀន​​អំពី​ជ័យជម្នះ​ពីរ​លើក​នៅ​កម្មវិធី​ ONE Super Series និង​ដាក់​ផែន​ការ​តតាំងនឹង​ Schmid ឲ្យ​បាន​ល្អ​បំផុត។ 

បុរស​មក​ពី Belgrade ​បាន​គូ​ស​បញ្ជាក់​ទៀត​ថា ៖«​រឿង​​ធំបំផុត​ក្នុង​អាជីព​របស់​ខ្ញុំ​ពេល​នេះ គឺ ការ​ផ្ដួល​ដៃ​គូ​ឲ្យសន្លប់​កាល​ខែ ធ្នូ។  ​​នោះ​ហើយ​ដែល​​មនុស្ស​ជា​ច្រើន​បាន​ឃើញ​ខ្ញុំ និង​ ​រឹត​តែ​ច្បាស់។  Bruno ​ជា​កីឡាករ​ល្អ​មួយ​រូប។  ​គេ​ត្រូវ​ច្រើន​យ៉ាង​ណា​ក៏​មិន​ងាយ​ដួល។  ​​ការ​ប្រកួត​នោះ​ល្អ​ណាស់។   ខ្ញុំ​ពេញ​ចិត្ត​ ហើយ​វា​ល្អ​សម្រាប់​ខ្ញុំ»។  

«​ខ្ញុំ​រីករាយ​ដែល​បាន​បង្ហាញ​នៅ​សង្វៀន ONE ​ ម្ដង​ទៀត ។ ខ្ញុំ​ត្រូវ​អត់ធ្មត់​បន្ត​ទៀត។ ​នោះ​ហើយ​ជា​រឿង​​ខ្ញុំ​ត្រូវ​​រៀន​បន្ថែម​ទៀត»។ 

 



Schmid ​មាន​បទ​ពិសោធន៍​ច្រើន​ក្នុង​មួយ​ថៃ, ​ឃីកបុកសីង, និង ប្រដាល់​សកល។  ​បុរស​មក​ពី​​ក្រុង​ Zurich ​ធ្លាប់​ជួប​អតីត​ម្ចាស់​ខ្សែ​ក្រវាត់​ប្រដាល់​សកល​ពិភព​លោក​ Boxing World Champion  កីឡាករ Anthony Joshua ​ទៀត​ផង។ 

«​គេ​មាន​បទ​ពិសោធន៍​​ល្អ​ណាស់។  ​គេ​មាន​វ័យ ៣៤ ឆ្នាំ និង​ ​ឡើង​ប្រកួត​បាន​ច្រើន​ក្នុង​អាជីព។  ​គេ​មាន​ភាព​អំណត់​ល្អ ។ គេ​ប្រើ​កណ្ដាប់​ដៃ​ចេញ​ច្រើន។ គេ​នឹង​ប្រើ​កណ្ដាប់​ដៃ​​​ច្រើន​ទល់​ខ្ញុំ ។ ខ្ញុំ​មក​ដើម្បី​​ធ្វើ​សង្គ្រាម និង ត្រៀម​អ្វីៗ​គ្រប់​យ៉ាង»។  បុរស​មក​ពី​ក្លិប​ KBKS Team ​បាន​ពន្យល់​យ៉ាង​​នេះ។ 

«​គេ​ជាង​​គូ​ប្រជែង​ល្អ​បំផុត​មួយ។  ​ឥឡូវ​នេះ​ដល់​ពេល​ហើយ។ ​​ខ្ញុំ​ត្រៀម​រួច​ហើយ។ ខ្ញុំ​ស្រេក​ឃ្លាន​នឹង​ជ័យជម្នះ និង ​​ឡើង​សង្វៀន​ដើម្បី​ឈ្នះ»។

Opacic សារ​ភាព​ថា ​គេ​មិន​សូវ​បារម្ភ​អំពី​គូ​ប្រជែង​នោះ​ទេ។   គេ​មាន​ស្នៀត​ផ្ទាល់​ខ្លួន​ដើម្បី​ផ្ដួល​គូ​ប្រជែង។ 

តារា​ទម្ងន់​​ធ្ងន់​វ័យ​​ក្មេង ​រៀបរាប់​ទៀត​​ថា ៖«​ខ្ញុំ​មិន​ផ្ដោត​អារម្មណ៍​ខ្លាំង​ពេក​ទេ។  ​ខ្ញុំ​បាន​ដឹង​​អំពី​ស្នៀត​របស់​គេ​ហើយ។ ​ប៉ុន្តែ ខ្ញុំ​ត្រូវ​​ផ្ដោត​លើ​ការងារ​ដែល​ត្រូវ​ធ្វើ និង​ត្រូវ​ទៅ​តាម​ផែន​ការ។ វា​នឹង​ក្លាយ​ជា​ពេល​វេលា​ល្អ​សម្រាប់​ខ្ញុំ។  

​តារា​​ស៊ែប​ថា ​គេ​មាន​ភាព​ខ្លាំង​ទាំង​កាយសម្បទា និង ស្មារទី។  Opacic ​ថា​នឹង​យក​ឈ្នះ​ឲ្យ​ខាង​តែ​បាន​នៅ​ថ្ងៃ​ទី ៧ មេសា។ 

កីឡាករ​ដដែល​​​សង្កត់​ធ្ងន់ ៖« ខ្ញុំ​ខ្ពស់ជាង, ក្មេង​ជាង និង ​​​​ខ្លាំង​ជាង។ ​ខ្ញុំ​នឹង​បញ្ចប់​ការ​ប្រកួត​នេះ ដូច​ដែល​ធ្លាប់​ធ្វើ​កន្លង​ទៅ។  ​ខ្ញុំ​​បាន​បញ្ចប់​គូ​ប្រកួត​ដោយ​​ការ​ទាត់​បង្វិល​ខ្លួន, ​កណ្ដាប់​ដៃ,  និង​ទាត់​ខ្ពស់។  ដូច្នេះ ​ខ្ញុំ​អាច​វ៉ៃ​ចេញ​​គ្រប់​ពេល។  ខ្ញុំ​​នឹង​ចេញ​ស្នៀត​រហូត​ដល់  [​ផ្ដួល​គូ​ប្រកួត] ​ឲ្យ​សន្លប់»។

ចុចអាន : Rising Star Rade Opacic Has Dedicated His Life To Kickboxing Glory

មើល​​បន្ថែម

Stay in the know

Take ONE Championship wherever you go! Sign up now to gain access to latest news, unlock special offers and get first access to the best seats to our live events.