Mixed Martial Arts

Christian Lee រំពឹងបន្ត​ជោគជ័យដោយក្តីរំភើបសម្រាប់ឆ្នាំ២០២១

Christian “The Warrior” Lee បានចាក់​ចេញ​ពី​ឆ្នាំ​២០២០​ជាមួយ​នឹង​ជ័យជម្នះ​ការពារ​ខ្សែ​ក្រវាត់​ពិភព​លោក​របស់ខ្លួន ONE Lightweight World Title លើក​ដំបូង​ទល់​នឹង​កីឡាករ Iuri Lapicus នៅ ONE: INSIDE THE MATRIX ក្នុង​ខែ​តុលា។

បន្ទាប់​ពី​បញ្ជាក់​ពី​ភាព​ខ្លាំង​របស់​ខ្លួន​នៅ​លើ​កំពូល​ទម្ងន់ lightweight បុរស​សង្ហា​វ័យ​ក្មេង Lee ឥឡូវ​នេះ​បាន​ដាក់​គោល​ដៅ​នៅ​ឆ្នាំ​២០២១​ឲ្យ​លេច​ធ្លោ​ថែម​ទៀត។ ជា​អ្នក​លេង​ប្រជែង​ថ្មីជា​មួយ​នឹង​អធិរាជ​សង្វៀន កីឡាករ​អាយុ​២២​ឆ្នាំ​អាច​ទទួល​ស្វាគមន៍​គ្រប់​ទាំង​​​ដែល​ចង់​ឡើង​ទៅ​កាន់​អធិរាជ​សង្វៀន។

ជាមួយ​គ្នា​នេះ ជីវិត​ក្រៅ​សង្វៀន​របស់​កីឡាករ​រហស្សនាម “អ្នក​ចម្បាំង” និង​ភរិយា​របស់​ខ្លួន​កំពុង​រង់​ចចាំ​សមាជិក​ថ្មី​​នៅ​ដើម​ឆ្នាំ​២០២១។ ឥឡូវ​នេះ កីឡាករ​សិង្ហបុរី​ដែល​នៅ​ទីក្រុង​ហាវៃ សហរដ្ឋ​អាមេរិកបាន​ឆ្លុះ​បញ្ចាំង​ពី​ឆ្នាំ​២០២០ និង​បង្ហាញ​គោល​ដៅ​នៅ​ឆ្នាំ​ថ្មី។

ONE Championship: តើ​លោក​យល់​យ៉ាង​ណា​ចំពោះឆ្នាំ​២០២០​កន្លង​ទៅ​សម្រាប់​អាជីព​របស់​ខ្លួន?

Christian Lee: ខ្ញុំបាន​ចាត់​ទុក​ឆ្នាំ​២០១៩​ជា​ឆ្នាំ​ដ៏​អស្ចារ្យ​ដែល​បាន​ឈ្នះ​ជើង​ឯក​ពិភព​លោក​និង​ឈ្នះ​ជើង​ឯក​ពិភព​លោក ONE Lightweight World Grand Prix។ ដូច្នេះ​ ​ខ្ញុំ​ពិត​ជា​រីករាយ​ពេល​ចូល​ឆ្នាំ​២០២០ ហើយសង្ឃឹម​បាន​ប្រកួត​ការពា​រខ្សែក្រវាត់​ហោច​ណាស់​​​៣​ទៅ​៤​ដង​ ប៉ុន្តែជំងឺ​ចង្រៃ​ខូវិត-១៩ បាន​ផ្ទុះ​ឡើង។

​សំណាង​​ដែរ​ដែល​ខ្ញុំ​បាន​រៀបចំអាពាហ៍ពិពាហ៍រួច​រាល់​នៅ​ខែ​កុម្ភៈ​មុន​ពេល​ប្រទេស​ទាំង​មូល​ត្រូវ​ធ្លាក់​ចូល​ក្នុង​បំរាម។ ចាប់​ពី​នោះ​មក ក្នុង​ខែ​មីនា យើង​ក៏​បាន​បិទ​ក្លឹប​ United MMA របស់​យើង​ថែម​ទៀត។ 

អ្វី​ៗ​គ្រប់​យ៉ាង​​បាន​ប្រែ​ប្រួល។ យើង​ទាំង​អស់​គ្នា​ពាក់​ម៉ាស់​រាល់​ពេល​ចេញ​ក្រៅ។ ​អ្នក​រាល់​គ្នា​​ក៏​ពាក់​ស្រោម​ដៃសម្រាប់​ការ​លក់​ដូរ និង​ប្រើ​ប្រាស់​អ្វី​ៗ។ វា​ជា​ពេល​វេលា​ថ្មី​សម្រាប់​យើង​ទាំង​អស់​គ្នា។

នៅ​ពេល​​វេលា​ឆ្នាំ​នោះ​ប្រព្រឹត្ត​ទៅ ខ្ញុំពិត​ជាខ្លោច​ចិត្ត​ ពី​ព្រោះ​ខ្ញុំ​ដឹង​ថា មនុស្ស​ម្នា​ច្រើន​ណាស់​ដែល​ជួប​ទុក្ខ និង​ពិបាក​ចេញ​ក្រៅ​ដោយ​សារបំរាម​ខូវិត។ សម្រាប់​ខ្ញុំពិត​ជា​អស្ចារ្យ​ដែរ ដោយ​សារ​ខ្ញុំ​បាន​ឡើង​ប្រកួត​ទទួល​បាន​ជោគជ័យ មាន​ពេល​វេលា​នៅ​ជាមួយ​គ្រួសារច្រើន ហើយ​អាចចាត់​ទុក​ជា​ពេល​វេលាដ៏​មាន​ន័យ​បំផុត។

មុន​ពេល​ដាក់​បំរាម ខ្ញុំ​បាន​ចំណាយ​ពេល​១២​ម៉ោង​នៅ​កន្លែង​ហ្វឹក​ហាត់។ យើង​ចេញ​ពី​កន្លែង​ហ្វឹក​ហាត់​ច្រើន​ដើម្បី​រីក​រាយ​ជា​មនុស្ស​ជា​ទី​ស្រឡាញ់​របស់​យើង។ ឆ្នាំ​២០២០គឺ​ជា​ឆ្នាំ​អស្ចារ្យ​មួយ​សម្រាប់។

ខ្ញុំ​ចង់​និយាយ​ថា ខ្ញុំពិត​ជាសំណាង​ដែល​គ្មាន​នរណា​ម្នាក់​ក្នុង​គ្រួសារ​យើងឆ្លង​ជំងឺ​ខូវិត។ យើង​បាន​ព្យាយាម​នៅសុវត្ថិភាព និង​ធ្វើ​រឿង​ចាំ​បាច់។

ឆ្ពោះ​ទៅ​ឆ្នាំ​២០២១ ខ្ញុំពិត​ជា​រំពឹង​ដោយ​ក្តី​រីករាយ​សម្រាប់​ការ​ឡើង​សង្វៀន​ការពារ​ខ្សែ​ក្រវាត់​របស់​ខ្ញុំទៀត។ ពិត​ណាស់ ទារក​ស្រី​ក្នុង​ផ្ទៃ​ភរិយា​ខ្ញុំ​នឹង​សម្រាល​នា​ខែ​មេសា។ ដូច្នេះ​មាន​រឿង​អសស្ចារ្យ​ច្រើន​ណាស់​រង់​ចាំខាងមុខ។

Christian Lee fights Iuri Lapicus at ONE: INSIDE THE MATRIX on Friday, 30 October

ONE: តើ​បញ្ហា​ខូវិត-១៩​បាន​ប៉ះ​ពាល់​ដល់​ការ​ហ្វឹក​ហាត់​យ៉ាង​ណា? ចុះ​មាន​អ្វី​ជា​វិជ្ជមាន​ ឬ​ខក​ចិត្ត​ទេ?

CL: ខ្ញុំស្ថិត​នៅ​ក្នុង​ភាព​វិជ្ជមាន។ ជា​កីឡាករ​ម្នាក់ អ្នក​កីឡា​ម្នាក់​ ខ្ញុំ​មិន​ដែល​ឈប់​ហាត់​ទេ។ ខ្ញុំ​តែង​តែ​នៅ​ក្លឹប។ 

ការប្រកួត​បាន​ជំរុញ​វិល​ត្រឡប់​មក​វិញ​ពី​ខែ​ឧសភា ទៅ​​ខែមិថុនា ដល់​ខែ​កក្កដា ហើយ​ទី​បំផុត​បាន​ប្រកួត​នៅ​ខែ​តុលា។ វា​គ្មាន​អ្វី​ខុស​ប្លែក​ទេ។ ខ្ញុំ​​នៅ​តែ​បាន​ហាត់​ពេញ​មួយ​ឆ្នាំ ហើយនៅ​តែ​បន្ត​ហាត់​ធម្មតា។ ខ្ញុំដឹង​ថា យើង​នឹង​មាន​ការ​ប្រកួត​ជា​និច្ច ដូច្នេះ​ត្រូវ​តែ​ហាត់​ទោះ​ក្នុង​កាលៈទេសៈ​ណា​ក៏​ដោយ។

នៅ​ពេល​យើង​ចុះ​កុង​ត្រា​ នៅ​ពេល​យើង​កំណត់​កាល​បរិច្ឆេទ នោះ​ហើយ​ជា​ការ​ប្រកួត​ពិត​ប្រាកដ។ នោះ​ជា​ពេល​ដែល​យើង​ចាប់​ផ្តើម​ពីរ​ទៅ​៣​ពេល​ក្នុង​មួយ​ថៃ និង​ហាត់​ឈាន​ដល់​​កម្រិត។ ប៉ុន្តែ​វា​តែង​តែ​វិជ្ជមាន​នៅ​ពេល​មាន​ពេល​វេលា​ហាត់​ច្រើន។

ONE: នៅ​ព្រឹត្តិការណ៍ ONE: INSIDE THE MATRIX លោកការពារ​ខ្សែក្រវាត់​បាន​ជោគជ័យ​ជា​លើក​ដំបូង។ តើ​មាន​អារម្មណ៍​យ៉ាង​ណា​ចំពោះ​ដៃ​គូ Iuri Lapicus ដែល​​លោក​បាន​​យក​ឈ្នះ​យ៉ាង​លឿន​បែប​នេះ?

CL: ចាប់​ផ្តើម​ការ​ប្រកួត ខ្ញុំ​ពិត​ជា​រីករាយ​ណាស់។

ខ្ញុំ​បាន​តាំង​ចិត្ត​ចូល​សង្វៀន​ដោយ​ត្រូវ​ធ្វើ​ការ​ឲ្យ​បាន​លឿន​បំផុត​ ទទួល​បាន​ប្រាក់​តម្លៃ​ខ្លួន និង​វិល​ទៅ​ផ្ទះ​វិញ។ នោះ​ហើយ​ដែល​ពិត​ជា​អ្វី​ដែល​ខ្ញុំ​ធ្វើ​បានសម្រេច។ ខ្ញុំ​​បាន​នាំ​ការ​ប្រកួត​ទៅ​រក​គាត់។ យើង​បាន​ប្តូរ​​កណ្តាប់​ដៃ​គ្នា។ ក្បាល​របស់​គាត់​នៅ​ជាប់​ផ្នែក​ម្ខាង។ កណ្តាប់​ដៃ​របស់​គាត់​ចេញ​ច្រើន តែ​គ្មាន​បញ្ហា​ទេ។ បន្ទាប់​មក ខ្ញុំ​ចាប់​ផ្តើមស្រែក​តែ​ម្តង។

ខ្ញុំអាច​រក្សាការ​ដាក់​គំនាប ស្រែក​​រក​​ជ័យជម្នះ ហើយនោះ​ជា​អ្វី​ដែល​ខ្ញុំ​តាំង​ចិត្ត​ធ្វើ​ដើម្បី​បញ្ចប់​ដៃ​គូ។ សម្រាប់​ជ័យជម្នះ​នោះ​ពិត​ជា​រំភើប​ខ្លាំង​ណាស់។ ខ្ញុំ​បាន​ហ្វឹក​ហាត់​ខ្លាំង​បំផុត។

ទោះ​ជា​ឆ្នាំ​២០២០​ជា​ឆ្នាំ​ដែល​ត្រូវ​បាន​ជាប់​បំរាម ក៏​ខ្ញុំ​​​បន្តនៅ​ក្លឹប​ហាត់​ជា​រៀងរាល់​ថ្ងៃ។ វា​ទទួល​បាន​ផល​តប​វិញ​​ចំពោះ​អ្វី​ដែល​ខ្ញុំ​បាន​លះ​បង់ ហើយ​អរគុណ​ដែល​​ខ្ញុំ​ប្រើ​ពេល​មិន​ដល់​២​នាទី​ផង។

ការ​ការពារ​ខ្សែ​ក្រវាត់​ពិភព​លោក​ទី​១​ចប់​ហើយ។ ខ្ញុំបាន​យក​ឈ្នះ​អតីត​ជើង​ឯក​ពិភព​លោក ចំណាត់​ថ្នាក់​លេខ​១ “Dagi,” ហើយ​បន្ទាប់​មកបន្ត​​ឈ្នះ​ Iuri Lapicus។ ខ្ញុំ​បាន​ឈ្នះ​ជើង​ខ្លាំង​លំដាប់​កំពូល​៣​នាក់​រួច​ហើយ​នៅ​ក្នុង​ទម្ងន់ lightweights ហើយ​ខ្ញុំ​សម្លឹង​ឆ្ពោះ​ទៅ​ការ​ផ្តួល​ដៃ​គូ​បន្ត​ទៀត។

ខ្ញុំ​ដឹង​ថា មាន​ជើង​ខ្លាំង​ស្រេក​ឃ្លាន​ខ្សែ​ក្រវាត់​ពិភព​លោក​ច្រើន​ណាស់។ ខ្ញុំចង់​ឲ្យ​ពួក​គេ​រក​ឱកាស​ឡើង​មក​កាន់​តំបន់​ប្រកួត​ខ្សែ​ក្រវាត់​ ពី​ព្រោះ​ខ្ញុំ​ពិត​ជា​ចង់ និង​រីក​រាយ​ការ​ពារ​ខ្សែ​ក្រវាត់​របស់​ខ្ញុំ​បន្ត​ទៀត​នៅ​ឆ្នាំ​២០២១។

Christian Lee fights Iuri Lapicus at ONE: INSIDE THE MATRIX on Friday, 30 October

ONE: តើ​អ្វី​ជា​សារៈ​សំខាន់​នៃ​ការ​ប្រកួត​ការពារ​ខ្សែ​ក្រវាត់​របស់​លោក?

CL: ការ​ប្រកួត​នោះ​ពិត​ជា​សំខាន់​បំផុត​ក្នុង​ជីវិត​របស់​ខ្ញុំ។ ហេតុ​ផល​គឺ​ថា រាល់​ពេល​យើង​ឡើង​សង្វៀន យើង​ត្រូវដាក់​ចិត្ត​១០០​%។ ការងារ​របស់​ខ្ញុំ​គឺ​ជា​អ្នក​ប្រដាល់ ជា​ជើង​ឯក ដែល​ទាម​ទារឈាន​ទៅ​កាន់​ទី​ចំណុច​កំពូលនៃ​អាជីព​ប្រដាល់​។

ប្រដាល់​គុន​ចម្រុះ​គឺ​មិន​លើក​លែង​ឲ្យ​នរណា​ម្នាក់​ទេ។ យើង​​អាច​ឈាន​ទៅ​កាន់​ចំណុច​កំពូល ហើយ​ក៏​បរាជ័យ​ដែរ។ មនុស្ស​ភ្លេច​​ឈ្មោះ​របស់​យើង ហើយ​យើង​លែង​ទទួល​បាន​អ្វី​ទៀត​​ដែរ។ ការ​ប្រកួត​មាន​ន័យ​គ្រប់​យ៉ាង​សម្រាប់​ខ្ញុំ។ វាផ្តល់​ឲ្យ​ខ្ញុំ​ទទួល​បាន​ចំណូល។ វា​អាច​ធ្វើ​ឲ្យ​យើង​​មាន​ជីវិត​កាន់​តែ​ប្រសើរ​សម្រាប់​គ្រួសារ។  

ONE: ឥឡវ​យើង​ចូល​ឆ្នាំ​២០២១​ហើយ តើ​លោក​យល់​ឃើញ​យ៉ាង​ចំពោះ​ប្រភេទ​ទម្ងន់ lightweight ហើយ​នរណា​អាចជាដៃ​គូ​បន្ទាប់​របស់​លោក?

CL: ខ្ញុំ​គិត​ថា ប្រភេទ​ទម្ងន់ lightweight គឺ​តឹង​តែង​បំផុត​ក្នុង​លោក​នេះ។ ទម្ងន់​នេះពោរពេញ​ដោយ​កំពូល​អ្នក​ប្រដាល់​ខ្លាំង​ៗ​។ យើង​មាន​ជើង​ខ្លាំង Shinya Aoki, ជើងខ្លាំង Timofey [Nastyukhin] ដែល​ជា​កីឡាករ​គ្រោះ​ថ្នាក់​បំផុត។ យើង​ក៏​មាន Eddie [Alvarez]មាន​ជំនាញ​ខ្ពស់ ហើយ Marat [Gafurov]ទើប​ឈ្នះ​លើក​ដំបូង​ក្នុង​ទម្ងន់​នេះ​ក៏​ល្អ។ និយាយ​ទៅ មាន​ជើង​ខ្លាំង​ច្រើន​ណាស់​ដែល​ស័ក្តិសម​​ប្រកួត​ខ្សែ​ក្រវាត់​ពិភព​លោក។

នោះ​វា​ពិត​ជា​អស្ចារ្យ​សម្រាប់​ខ្ញុំ​ ពី​ព្រោះ​​មាន​ន័យ​ថា ខ្ញុំ​ត្រូវ​តែ​ស្ថិត​នៅ​សកម្មជា​និច្ច។ ខ្ញុំ​​នឹង​ជួប​ដៃ​គូ​ល្អ​ៗ​ដើម្បី​ជំរុញ​ខ្លួន​ឯង និង​អភិវឌ្ឍ​ខ្លួន​ជា​ប្រចាំ។ ទម្ងន់​នេះ​ពោរពេញ​ដោយ​កីឡាករ​ល្អ​ៗ​ ដូច្នេះ​ក៏​ជា​ផ្នែក​មួយ​ជួយ​ដាស់​សតិ​ខ្ញុំ​ឲ្យ​ខិត​ខំ​ប្រឹង​ប្រែង​គ្មាន​ទី​បញ្ចប់។

Angela Lee and Christian Lee with their ONE Championship belts at ONE: CENTURY

ONE: ជើង​ឯក​ពិភព​លោកថ្មី  Thanh Le បាននិយាយ​ថា គោលដៅ​ឆ្នាំ​២០២១​របស់​គាត់​គឺឡើង​ទៅ​ប្រកួត​ទម្ងន់ lightweight និងស្វែង​រក​ខ្សែក្រវាត់។ តើ​លោក​យល់​យ៉ាង​ណាដែរ?

CL: ខ្ញុំ​គិត​ថា Thanh Le ជា​កីឡាករ​ល្អ​ម្នាក់ ហើយ​គាត់​ធ្វើ​បាន​ល្អ​ណាស់​ពេល​ប្រកួត​ជា​មួយ Martin [Nguyen]។ គាត់​មាន​អាវុធ​គ្រោះ​ថ្នាក់ និង​ជា​កីឡាករ​សម្លាប់​ដៃ​គូដ៏​អស្ចារ្យ តែ​គាត់​ឈ្នះ​ខ្សែ​ក្រវាត់​ពិភព​លោកទម្ងន់​ featherweight គឺ​ស្ថិត​នៅ​ក្រោម​ទម្ងន់​ខ្ញុំ។

គាត់​ត្រូវ​គិត​ឲ្យ​ច្បាស់​មុន​ពេល​​ឡើង​មក​វ៉ៃ​ទម្ងន់​​មួយ​កម្រិត​ទៀត។ ដូច​គេ​និយាយ​អីចឹង យើង​នឹង​មិន​ទាន់​ជា​ជើង​ឯក​ពិត​ប្រាកដ​ទេ បើ​មិន​ទាន់​ការពារ​ខ្សែ​ក្រវាត់​ជោគជ័យ។ ទាល់​តែ​ឃើញ​គាត់​ការពារ​ខ្សែ​ក្រវាត់​ពីរបី​លើកសិន​ទើប​យើង​ដឹង។

ប្រសិន​បើ​គាត់​ច្បាស់​​ គាត់​ឡើង​មក​ប្រកួត​ទម្ងន់​ជា​មួយ​ខ្ញុំ​បាន។ ខ្ញុំស្វាគមន៍ ប៉ុន្តែ​សម្រាប់​ខ្ញុំ​ មាន​ជើង​ខ្លាំង​ច្រើន​​ទៀត​​ដែល​ស័ក្តិសម​នឹង​ប្រកួត​ដណ្តើម​ខ្សែ​ក្រវាត់ មុន​​គាត់ ដូច្នេះ​ខ្ញុំ​រង់​ចាំ​ពួក​គេ​ជា​មុន​សិន។

ONE: តើ​អ្វី​ដែល​ចង់​ទទួល​បាន​ជោគជ័យ​នៅ​ឆ្នាំ​២០២១?

CL: គោល​ដៅ​ចម្បង​របស់​ខ្ញុំ​ឆ្នាំ​២០២១​គឺ​បន្ត​ការពារ​ខ្សែ​ក្រវាត់​ជោគជ័យ​ទៀត និង​យក​ឈ្នះ​​អ្នក​​ខ្លាំង​ៗ​នៅ​ក្នង​ទម្ងន់​ជា​មួយ​ខ្ញុំ។

នៅ​ចំពោះ​មុខ​ដែល​ខ្ញុំ​មើល​ឃើញ​គឺ​មាន​កីឡាករ​សំខាន់​ពីរ​បី​នាក់​ប៉ុណ្ណោះ​ដែល​មិន​ទាន់​ជួប​ខ្ញុំ។ ខ្ញុំ​ចង់​ផ្តួល​ពួក​គេ​ដែល​មាន​នៅ​ក្នុង​បញ្ជី។ ខ្ញុំ​ឃើញ​ Timofey ជា​ជម្រើស​ទី​១ ហើយ​គាត់​ស័ក្តិសម​ប្រកួត​ខ្សែ​ក្រវាត់។ គាត់​បាន​ឈ្នះ​ Eddie Alvarez និង​ឈ្នះ​ Pieter Buist។ ខ្ញុំ​មាន​អារម្មណ៍​ថា គាត់​ស្ថិត​នៅ​ជួរ​មុខ​ក្នុង​ការ​មក​ប៉ះ​ខ្ញុំ។ តែ​អ្វី​ៗ​អាស្រ័យ​លើ ONE Championship ជា​អ្នក​រៀប​ចំ។

ខ្ញុំ​ដឹង​ថា មាន​ការ​ប្រកួត​សំខាន់​ផ្សេង​ទៀត​មុន​ពេល​ជួប Eddie Alvarez។ ប្រសិន​បើ​គាត់​ទទួល​បាន​ជោគជ័យ អីចឹង​គាត់​សម​មក​ប៉ះ​ខ្ញុំ​ហើយ​ដើម្បី​ខ្សែក្រវាត់។

ខ្ញុំ​ឃើញ​កីឡាករ​ទាំង​ពីរ​នេះ​សម្រាប់​ឆ្នាំ​២០២១ ហើយកីឡាករ​បន្ទាប់​អាច​ប្រកួត​ធម្មតា។ ផែន​ការ​របស់​ខ្ញុំ​គឺ​ផ្តួល​ដៃ​គូ​ឲ្យ​បាន​៣​នាក់​នៅ​ឆ្នាំ​២០២១ បន្ត​ការពារ​ខ្សែ​ក្រវាត់​ឲ្យ​ជោគជ័យ និងស្វែង​រក​ខ្សែ​ក្រវាត់​ទម្ងន់ welterweight ទៀត។ យើង​ទាំង​អស់​​គ្នា​ចាំ​មើល​ឆ្នាំ​២០២១​នេះ​យ៉ាង​ណា។

ONE: លោក និង​ភរិយា​កំពុង​រង់​ចាំ​ស្វាគមន៍​កូន​ស្រី​នា​ពេល​ខាង​មុខ​នេះ។ តើ​មាន​អារម្មណ៍​យ៉ាង​ណាដែល​បាន​ក្លាយ​ជា​ឪពុក​កូន​ស្រី​?

CL: ព្រះ​អើយ! ខ្ញុំ​ពិត​ជា​រំភើប​​ណាស់​រក​អ្វី​និយាយ​មិន​បាន​ទេ។ ប្រពន្ធ​ និង​ខ្ញុំ​​តែង​តែ​និយាយ​គ្នា​ពី​រឿង​នេះ និងចង់​បាន​កូន​ជា​និច្ច។ វា​ពិត​ជា​អស្ចារ្យ​ណាស់​ដែលយើង​នឹង​បាន​កូន​ស្រី​នា​ខែមេសា​ខាង​មុខ​នេះ។

ខ្ញុំ​មិន​ដឹង​​​យ៉ាង​ណា​ទេ តែ​ខ្ញុំ​ដឹង​ថា កូន​គឺ​ជា​​វត្ថុ​បំណង​​​ល្អ​បំផុត​កើត​មាន​ឡើង​សម្រាប់​ពួក​យើង។ ខ្ញុំ​រំភើប​រីក​រាយ​គ្រប់​ពេល​វេលា​ដើម្បី​ថ្ងៃ​នោះមក​ដល់។ កូន​ក្នុង​ផ្ទៃ​រាល់​ថ្ងៃ​​ធាក់​​ពោះ​ម៉ាក់​គេ​​កាន់​តែ​ខ្លាំង។ វា​ជាវត្ថុ​បំណងដ៏​វិសេស​វិសាល​​បំផុត​សម្រាប់​ខ្ញុំ​ និង​ភរិយា។ ខ្ញុំ​ពិត​ជា​អរគុណ​ណាស់​ដែល​បាន​កូន​ស្រី៕

អាន​បន្ថែម: Nguyen ចង់​ប្រកួតម្តង​ទៀត​ជា​មួយ Le ដើម្បី​យក​ខ្សែក្រវាត់​មក​វិញ