Kun Khmer

ចាន់ រតនា​ ​​ក្ដោប​បាន​ការ​​ថត​​ស្ពត​ពាណិជ្ជ​​ឲ្យ​ក្រុម​ហ៊ុន​​​បី​ធំៗ​​មួយ​រយៈ​នេះ

អ្នក​លេង​គុន​ចម្រុះ​កំពូល​របស់​កម្ពុជា ​ចាន់ រតនា​ ​​ទទួល​បានការថត​ស្ពត​ពាណិជ្ជកម្ម​ជា​ហូរហែ​​តាំង​ពី​ឆ្នាំ ២០១៩ រហូត​ដល់​ដើម​ឆ្នាំ ២០២០​នេះ។ ​ នេះ​ជា​ការ​​រួមចំណែក​ជួយទ្រទ្រង់​ដល់​ប្រាក់​ចំណូល​ក្រៅ​ពី​ការ​បង្ហាត់​សិស្ស​ និង​ការ​ឡើង​សង្វៀន​អន្តរជាតិ ONE Championship។​

​កីឡាករ​ជំនាញ​​គុន​​ខ្មែរ​ និង​យុទ្ធគុនខម​ បាន​​បង្ហើប​ឈ្មោះ​ក្រុម​ហ៊ុន​ចំនួន​​​​បី​ដូច​​ជាក្រុម​ហ៊ុនទូរសព្ទ​ Cellcard, ​ក្រុម​ហ៊ុន​រថយន្ត​ ​MG, ​និង​ភេសជ្ជៈ​​ប៉ូវ​កម្លាំង​ Red Bull។ ​«​ខ្ញុំ​បាន​ថតស្ពត​ឲ្យ​ក្រុម​ហ៊ុន​ Cellcard ​នៅ​ឆ្នាំ ២០១៩​​ ​ដែល​​គេ​ឲ្យ​ដើរ​តួ​​អំពី​ការ​ផ្សព្វផ្សាយ​​ការ​ប្រើ​ប្រាស់​អ៊ីនធឺណិត។ ​ចំណែក​ក្រុម​ឡាន​ MG ​ខ្ញុំ​បាន​ថត​ស្ពត​​ប្រមាណ​​៥​ខែ​មុន​ នា​ដើម​​ឆ្នាំ​នេះ។ ​ហើយ​ក្រុមហ៊ុន​ Red Bull ​ខ្ញុំ​ទើប​ថត​ប្រហែល​ពីរ​​បី​ខែ​មុន​ដែរ»។ ​​ម្ចាស់​ក្លិប​ប្រដាល់​ «សិល្បៈ» បាន​​រៀបរាប់​ឲ្យ​ដឹង​បែប​នេះ។

Cambodian flyweight Chan Rothana heads to the Circle

​​ទោះ​ជា​​ទទួល​បាន​ការ​​ជ្រើសរើស​ថត​ស្ពត​រហូត​ដល់​ ៣ ក្រុម​ហ៊ុន​ធំៗ​ ប៉ុន្តែ រតនា ​មិន​បង្ហើប​អំពី​តម្លៃ​ខ្លួន​​​ថា​បាន​ប៉ុន្មាន​នោះ​ទេ។ ​​យ៉ាង​ណា​​ក៏ដោយ​ ​អ្នក​លេង​គុន​ចម្រុះ​ប្រចាំ​សង្វៀន ONE Championship ​រូប​នេះ​​ បន្ត​ថា​ ​​ការងារ​ទាំង​នេះ​បាន​រួម​ចំណែក​បន្ថែម​ចំណូល​​​សម្រាប់​ជីវភាព​រស់​នៅ​ប្រចាំ​ថ្ងៃ​​ខណៈ​ដែល​ ​រូប​​គេ​មិន​ទាន់​បាន​ឡើង​​សង្វៀន​​ទាល់តែ​សោះ​តាំង​ពី​ខែ សីហា ឆ្នាំ ២០១៩​ មក។​ ​​

ចុចអាន មិន​ធម្មតា​ប៊ូខាវ​វៀតណាម​ Duy​ Nhat​ ឈ្នះ​មេដាយ​មាស​អាស៊ី​៤​គ្រឿង

រតនា ​ តែង​តែ​លើក​ទឹក​ចិត្ត​​​ដោយ​ខ្លួន​ឯង​ដើម្បី​ឈាន​ដល់​កម្រិត​កំពូលថែម​ទៀត ​និង ​ប្រកួត​​តំណាង​ឲ្យ​កម្ពុជា​នៅ​សង្វៀន​លំដាប់​ពិភព​លោក​ ONE Championship ​បន្ទាប់​ពី​ទទួល​ជ័យជម្នះ​​​៣​លើក​ចុង​​ក្រោយ​ដ៏​អស្ចារ្យ។ ​រតនា ​​ត្រូវ​បាន​គេ​ព្រលយ​ពាក្យ​ថា​​អាច​ជួប​​​​កីឡាករ​ជើង​ខ្លាំង​​​​សញ្ជាតិ​ជប៉ុន​ Yuya Wakamatsu ឬ ​រហស្ស​នាម​ថា​ “Little Piranha” នា​ពេល​ខាង​មុខ។ ​គួរ​ដឹង​ថា ​កីឡាករ​ជប៉ុន​រូប​នេះ​​បាន​បង្ហាញ​​ខ្លួន​​ដ៏​កក្រើក​នា​ពេល​កន្លង​មក​​​​ និង ​ជា​បេក្ខភាព​ដណ្ដើម​ខ្សែ​ក្រវាត់​ទៀត​ផង​នៅ​ឆ្នាំ​២០១៩។

ចាន់ ​រតនា​​ ​បាន​ថ្លែង​អំណរគុណ​ដល់​បណ្ដា​ក្រុម​ហ៊ុនដែល​រូប​គេ​​បាន​​ដើរ​តួ​ថត​​ស្ពតពាណិជ្ជកម្ម​ផ្សព្វផ្សាយ​ម៉ាកយីហោ​កន្លង​មក​ថា​ ៖«ខ្ញុំ​ពិត​ជា​រំភើប​ចិត្ត​​ណាស់​ដែល​​ពួក​គាត់​បាន​​​ជ្រើសរើស​ខ្ញុំ​ជា​​អ្នក​ផ្សព្វផ្សាយ​ផលិតផល​ទាំង​នោះ។​ វា​​បាន​ជួយ​​​​​បន្ថែម​ចំណូល​ដល់​កិច្ច​ការ​បើក​ក្លិប​ប្រចាំ​ថ្ងៃ​ និង​សម្រួល​ដល់​ជីវភាពរស់នៅរបស់​​ខ្ញុំនិងគ្រួសារ​​ក្រៅ​ពី​ការ​ឡើង​រេញ​ប្រកួត»។

ចុចអាន ចាន់ ​រតនា ​​ប៉ង​ជួប​​​​ Yuya Wakamatsu​ ​​ដើម្បី​​​បង្កើន​សមត្ថភាព​ដល់​​កម្រិត​ខ្ពស់

​​
កីឡាករ​វ័យ​ ៣៤​ឆ្នាំ​បាន​បាន​ឲ្យ​ដឹង​ទៀត​ថា​ បើ​សិន​មាន​ក្រុម​ហ៊ុនណា​ចង់​​ផ្សព្វផ្សាយ​​ម៉ាក​យីហោ​ និង​ត្រូវ​ការ​រូប​គេ​ ឬ​​ ការ​សម្ដែង​ជា​តួ​វាយ​ដំ​ទាត់​ធាក់ ដើម្បី​ធ្វើ​ឲ្យ​ផលិតផល​កាន់​ល្បី​ល្បាញ ​គឺ​អាច​ទាក់ទង​រូប​គេ​បាន។

ចុចអាន Petchmorakot ​រំពឹង​ថា​​អាច​ផ្ដួល​វីរបុរស​ Yodsanklai ឲ្យសន្លប់

ចុចអាន ជ័យជម្នះ​​​ផ្ដួល​ដៃ​គូ​ឲ្យ​សន្លប់​​​៣​លើក​របស់​ ចាន់ រតនា​ ​​នៅ​សង្វៀន​ ONE

 

មើល​​បន្ថែម

Stay in the know

Take ONE Championship wherever you go! Sign up now to gain access to latest news, unlock special offers and get first access to the best seats to our live events.
By submitting this form, you are agreeing to our collection, use and disclosure of your information under our Privacy Policy. You may unsubscribe from these communications at any time.