Kun Khmer

ចាន់ រតនា​ និងតារា​គុន​ចម្រុះ​មីយ៉ាន់ម៉ា​​ Phoe Thaw​ ជា​ទំនាក់ទំនង​មិន​ងាក​រេ​

ទោះ​ Covid-19 បាន​រំខាន​ជំនួប​រវាង​ម្ចាស់​ក្លិប​ប្រដាល់ «​​សិល្បៈ»​ ចាន់ ​រតនា និង​ វីរបុរស​គុន​ចម្រុះ​របស់​ ​មីយ៉ាន់ម៉ា​ Phoe Thaw  ក្ដី​ ​​ប៉ុន្តែ​ទំនាក់ទំនង​របស់​គេ​ទាំង​ពីរ​មិន​បែក​ឆ្វេង​ទៅ​​ណា​​នោះ​ឡើយ​ពោល​​នៅ​ស្និទ្ធស្នាល​ដូច​ដើម​តាម​រយៈ​ការ​ឆាតជជែកគ្នា​​តាម​បណ្ដាញ​សង្គម​​។​

ចាន់ រតនា ជា​មិត្ត​​ជិត​ស្និទ្ធ​ជា​មួយ​​​តារា​​គុន​ចម្រុះ​​ដ៏​លេច​ធ្លោ​ Phoe Thaw ឬ ​រហស្សនាម​ “Bushido” របស់​ក្លិប​ Myaing Ka LayA Phyu Yaung Thway ​​នៃ​ប្រទេស​ មីយ៉ាន់ម៉ា។​ ​​មួយ​រយៈ​ចុង​ក្រោយ​នេះ​​​ Phoe Thaw ​​បាន​មក​ទស្សនកិច្ច​នៅ​ស្រុក​ខ្មែរ​​ និង ​សាកសួរ​សុខទុក្ខ​ ចាន់ រតនា​ ​ជា​ច្រើន​​ដង​ ​ហើយ​ការ​មក​សួរសុខទុក្ខ​ចុង​ក្រោយ​​បាន​កើត​ឡើង​កាល​ពាក់​កណ្ដាល​ ​ខែ​ មីនា ឆ្នាំ​ ២០១៩​។

ចុចអាន ជ័យជម្នះ​​​ផ្ដួល​ដៃ​គូ​ឲ្យ​សន្លប់​​​៣​លើក​របស់​ ចាន់ រតនា​ ​​នៅ​សង្វៀន​ ONE

​កីឡាករ​​កំពូល​កម្ពុជាប្រចាំ ONE Championship ​បាន​ប្រាប់​ឲ្យ​ដឹង​ថា​៖«​ ​មួយ​រយៈ​នេះ​ Covid-19 បាន​ធ្វើ​ឲ្យ​ទំនាក់ទំនង​មិន​​សូវ​បាន​ជួប​គ្នា​​ព្រោះ​អត់​បាន​ចេញ​ទៅ​​ប្រកួត​​ ឬ ជួប​ Phoe Thaw ឯ មីយ៉ាន់ម៉ា ឬ គេអត់​បាន​មក​លេងនៅខ្មែរ។ ​ប៉ុន្តែ​ ​យើង​មិន​មែន​ដាច់​តែ​ម្ដង​ទេ ​ព្រោះ​យើង​បាន​ជជែក​គ្នា​តាម​ឆាត​ដែល​មាន​ Group ជា​មួយ​គ្នា។ ​ Phoe Thaw ​និងខ្ញុំ​មាន​ទំនាក់​ទំនង​​ប្រហែល​ ៣​ឆ្នាំ​ ​និង​ធ្លាប់​ហ្វឹកហាត់​ជា​មួយ​គ្នា,​ ឡាំ​គ្នា និង  ​​ខ្ញុំ​ធ្លាប់​ឲ្យ​ទឹក​គាត់​ទៀត​ផង​ពេល​ឡើង​វ៉ៃ»។

ក្រោយ​ចាប់​ដៃ​គូ​ជាមួយ​ក្លិប​កីឡា​អន្តរជាតិ​ Fight For Good ​(FFG) ​និងក្លិប​ សិល្បៈ​ ​កាល​ដើម​ឆ្នាំ ២០១៩​ ​ក្លិប​ទាំង​ពីរ​​​នៅ​តែ​មាន​ទំនាក់ទំនង​ល្អ​​ហើយ​ការ​ឧបត្ថម្ភ​គាំទ្រ​​ផ្នែក​​សម្ភារ​ដល់​ក្លិប​​តំណាង​ឲ្យ​កម្ពុជា​​អាច​នឹង​កើត​មានឡើងទៀត​​​ពេល​​ស្រុក​ទេស​ និង​ពិភព​លោក​ស្ងប់ស្ងាត់​ពីមេរោគ​ Covid-19។  ​តាម​រយៈ​ Phoe Thaw ​កីឡាករ​ ចាន់ ​រតនា​ ​ក៏​មាន​ឈ្មោះ​ជា​កូន​សិស្ស និង​ជា​ក្រុម​ការងារ​គ្រូ​បង្វឹក​​នៅ​ក្លិប​គុន​ FFG ​នេះ​ដែរ។​

Cambodian flyweight Chan Rothana heads to the Circle

​​ក្លិប​អន្តរជាតិ​ ​ FFG មាន​ដៃ​គូ​សហការ​​​ដូច​ជា​ Phoe Thaw មក​ពី​មីយ៉ាន់ម៉ា​, ​ចាន់ ​រតនា​ ​របស់​កម្ពុជា, ​​​ជប៉ុន, និង អាមេរិក​ជា​ដើម។ ​​​​ការ​ដែល​ Phoe Thaw ​ឧស្សាហ៍​មក​លេង​ស្រុក​ខ្មែរ និង​មាន​ទំនាក់​ទំនង​​ល្អ​ជា​មួយ​ រតនា ថែម​ទាំង​នាំ​ដៃ​គូ​អន្តរជាតិ​មក​ទៀត​នោះ​ដោយ​សារ​​ជា​មិត្ត​​​​​រួម​អាជីព​​គុន​ចម្រុះ, មិត្ត​ស្និទ្ធស្នាល,​ ​​ស្រុក​ខ្មែរ​ស្រដៀង​មីយ៉ាន់ម៉ា​​ទាំង​ការ​រស់​​នៅ និង​ ការ​ញុំា​អាហារ​ មិន​ខុស​គ្នា​ប៉ុន្មាន។ ​នេះ​ជា​ទំនាក់ទំនាក់​មិន​អាច​ដោះដៃ​បាន និង​ ​​អាច​ផ្លាស់​ប្ដូរ​បទ​ពិសោធន៍​គ្នា​ជា​រឿយៗ​ កាល​មិន​ទាន់​ Covid-19 លុក​លុយដល់ពិភពលោក​​ពោល រតនា អាច​ទៅ​ហាត់​ជា​មួយ Phoe Thaw ​នៅ​មីយ៉ាន់ម៉ា ហើយ​ ​កីឡាករ​មីយ៉ាន់ម៉ា ក៏​អាច​​មក​ដកស្រង់បច្ចេកទេសហាត់​នៅ​ក្លិប​សិល្បៈ​របស់​កម្ពុជា​ដែរ។

ចុចអាន គ្រូ​​ជម្រើស​ជាតិ​​លោក​​ ជា​ រិទ្ធ ​​​​បង្ហាញ​​ក្ដី​ស្រលាញ់​​ចំពោះ​​សង្វៀន​លំដាប់​ពិភព​លោក

​​ពេល​ផ្ដល់​បទសម្ភាសន៍​កាល​ឆ្នាំ ២០១៩​ ​កីឡាករ​​​គុន​ចម្រុះ​មីយ៉ានម៉ា​​ដដែល​នេះ​ ​​បាន​ចាត់​ទុក​ ​កម្ពុជា​ជា​ផ្ទះ​ទី២​របស់​គេ​ និង ​ចង់​ពង្រីក​ទំនាក់ទំនង​បន្ថែម​ទៀត​ក្នុង​​វិស័យ​គុន​ចម្រុះ​នៅ​កម្ពុជា។​


​​​​មិន​ត្រឹម​​​តែស្គាល់​​​​ ចាន់ រតនា ​​ក្នុង​ទំនាក់​ទំនង​ការងារ​​ ប៉ុន្តែ​ Phoe Thaw ​បាន​​មក​ទស្សនៈ​កិច្ច​និង​ឈ្វេង​​យល់​អំពី​​ការ​រស់​នៅ​ និង​វប្បធម៌​របស់​កម្ពុជា​ ៣​​ លើក​រួចមក​ហើយ។

​យ៉ាង​ណា​ក្ដី​ ​ទោះ​មិន​ទាន់​​ឈាន​ដល់​​ការ​ផ្លាស់​ប្ដូរ​សិស្ស​ទៅ​ហ្វឹកហាត់​រវាង​ក្លិប​ទាំង​ពីរ ​ប៉ុន្តែ​​កន្លង​មក​ Phoe Tham ​សន្យា​ជួយ​​ជ្រោមជ្រែង​​ក្លិប​ «សិល្បៈ» ​​ទៅ​តាម​លទ្ធភាព​​ផ្ទាល់​ខ្លួន​ និង រក្សា​ទំនាក់ទំនង​ឲ្យ​កាន់​តែ​ល្អ​ប្រសើរ​​ ក្រោយចាប់គ្នារយៈពេលជាង២​ឆ្នាំ​មក​នេះ​ និង​បន្ត​ដំណើរ​រួម​គ្នា​តទៅ​ទៀត។

ចុចអាន  ខុន ស៊ីចាន់ នៅតែពេញចិត្តចំពោះអាជីពប្រដាល់ជិត២០ឆ្នាំ ទោះមិនល្បីខ្លាំង

មើល​​បន្ថែម

Stay in the know

Take ONE Championship wherever you go! Sign up now to gain access to latest news, unlock special offers and get first access to the best seats to our live events.
By submitting this form, you are agreeing to our collection, use and disclosure of your information under our Privacy Policy. You may unsubscribe from these communications at any time.