Kun Khmer

គ្រូ​​ជម្រើស​ជាតិ​​លោក​​ ជា​ រិទ្ធ ​​​​បង្ហាញ​​ក្ដី​ស្រលាញ់​​ចំពោះ​​សង្វៀន​លំដាប់​ពិភព​លោក

លោក​ ជា រិទ្ធ ​គឺ​ជា​គ្រូ​បង្វឹក​ដ៏​លេច​ធ្លោ​ម្នាក់​មួយ​រយៈ​ចុង​ក្រោយ​នេះ​ជា​ពិសេស​​​កាល​​ចុង​ឆ្នាំ​២០១៩​ ​​​ពេល​​លោក​​ទទួល​ពាន​​អាជ្ញាកណ្ដាល​ឆ្នើម​​ក្នុង​ការ​កាត់​ក្ដី​នៅ​​ព្រឹត្តិការណ៍​​ស៊ីហ្គេម​ ​ឯ​ប្រទេស​ហ្វីលីពីន​ក្នុង​ឆាក​ជីវិត​ និង​ជា​អាជ្ញា​​កណ្ដាល​ល្អ​​​បំផុត​ដំបូង​​គេរបស់​កម្ពុជាពី​ព្រឹត្តិការណ៍​តំបន់​អាស៊ីអាគ្នេយ៍។ ​ភ្ជាប់​ជា​មួយ​គ្នា​ ​លោក​បាន​រំលឹក​អំពី​ការ​ដឹក​នាំ​​កីឡាករ​ទៅ​ប្រកួត​សង្វៀន​ ONE Championship ​កាល​​ដើម​ឆ្នាំ​ ២០១៩​ ជា​ពេល​ដែល​លោក​ឈានជើងជាន់​សង្វៀន​ដ៏​ធំ​បំផុត​ក្នុង​ប្រវត្តិសាស្ត្រ​អាស៊ីលើកដំបូង ​និង​​បង្ហាញ​ភាព​​រំភើប​ចិត្ត​មួយ​​ពេល​បាន​​ឃើញ​ការ​រៀប​ចំ​កម្រិត​អន្តរជាតិ ​ឬ ​កម្រិត​ពិភពលោក។

ចុចអាន ជ័យជម្នះ​​​ផ្ដួល​ដៃ​គូ​ឲ្យ​សន្លប់​​​៣​លើក​របស់​ ចាន់ រតនា​ ​​នៅ​សង្វៀន​ ONE

មន្ត្រី​ចៅ​ក្រម​​​សហព័ន្ធ​​កីឡា​ប្រដាល់​គុន​ខ្មែរ​រូប​នេះ​​បាន​​​ថ្លែង​អំពី​សង្វៀន​ ONE ​ដូច្នេះ​​ ៖«​ ONE Championship ​គឺ​រៀប​ចំ​មាន​លក្ខណៈ​ស្ដង់ដារ​ និង​ស្មើ​ភាព​គ្នា។ ​គេ​យក​ចិត្ត​​​ទុក​ដាក់​ខ្ពស់​ចំពោះ​កីឡាករ​និង ​ប្រតិភូ​ដែល​នាំ​ទៅ​​ប្រកួត​តែ​ម្ដង។ ​មួយ​ទៀត​ ខ្ញុំ​បាន​រៀន​សូត្រ​ច្រើន​អំពី​ភាព​ហ្មត់ចត់​​មុន​ការ​ប្រកួត​​ពី​ក្រុម​ការងារ​បច្ចេកទេស​​ជា​​លក្ខណៈ​អន្តរជាតិ, ​ការ​ប្រកួត​បែប​ម៉េច ​ឬ ​វ៉ៃ​​យ៉ាង​ម៉េច​ ជា​ពិសេស​ការ​ពិនិត្យ​​សុខភាព​ក៏​ច្បាស់​លាស់​តឹងរ៉ឹង​​មុន​ការ​ប្រកួត​ចាប់​ផ្ដើម។ បើមានបញ្ហាសុខភាពតិចតួចក៏មិនឲ្យប្រកួតដែរ»។ ​​​

ព្រឹត្តិការណ៍​ប្រកួត​​ ONE Championship ​នឹង​ត្រលប់​មក​វិញ​នា​ចុង​ខែ​កក្កដា​ ឆ្នាំ​ ២០២០​ ​នេះ​​នៅ​ប្រទេស​ថៃទោះស្ថិតនៅវិបត្តិ Covid-19 ​ដែល​គេ​ដាក់​ឈ្មោះ​ថា​ ONE: NO SURRENDER។ ​ក្នុង​នោះ​មាន​គូ​ដណ្ដើម​ខ្សែ​ក្រវាត់​រហូត​ដល់​ពីរ​គូ​ និង​ ​គូ​ខ្លាំង​​លំដាប់​ប្រទេស​​ថៃ​​ជា​ច្រើន​ទៀត។ ​ ​យ៉ាងណា​ក្ដី ការ​ប្រកួត​​មិន​អនុញ្ញាត​ឲ្យ​មាន​​អ្នក​ទស្សនា​ចូល​រួម​ទេ។

ចុចអាន  ក្រោយព្យាបាលជិត៣ខែ ឡៅ ចិត្រា របួសរើឡើងវិញត្រូវការពេលយូរទៀត

គ្រូ​បង្វឹក​វ័យ​​៣៨​ ឆ្នាំ​​ដដែល​នេះ​​​បន្ត​ថា​​ ៖«​​​ពេល​ ONE Championship ​បើក​​​ឡើង​វិញ​​ ខ្ញុំ​ពិតជា​រីករាយ​ក្នុង​ការ​សហការ​ព្រោះ​ឥឡូវ​នេះ​ខ្ញុំ​កាន់​កីឡាករ​កម្រិត​ A ​ និង​កម្រិត​ថ្នាក់​ជាតិ។ ​ខ្ញុំ​​គិត​ថា​ ​ទាំង​គុន​ខ្មែរ ​និង​​ ឃីកបុកសីង ​គឺ​យើង​អាច​ប្រកួត​បាន​ទាំង​អស់។ ​ខ្ញុំ​សប្បាយ​ចិត្ត​បើ​សិន​ ​ONE ទាក់​ទង​យក​​កីឡាករ​​ទៅ​ប្រកួត​សាជាថ្មី​ ហើយ​វា​ក៏​ជា​​ចំណែក​មោទនភាព​របស់​ជាតិ​យើង​​​ផង​ដែរ»។

គ្រូ​បង្វឹក​​ដែល​​ទើប​ត្រូវ​បោះ​ឆ្នោត​ឲ្យ​កាន់​​ការងារ​បង្វឹក​​ក្រុម​ជម្រើស​ជាតិ​​រូប​នេះ​បាន​សម្ដែង​ភាព​រីករាយ​បំផុត​បើ​សិន​​បាន​នាំ​កីឡាករ​ទៅ​ប្រកួត​នៅ​សង្វៀន​ពិភព​លោក​នេះ​​ម្ដង​ទៀត។ ​​លោក​បញ្ចេញ​ទស្សនៈ​ទៀត​ថា​ ​​នេះ​ជា​រឿង​ទន្ទឹង​រង់​ចាំ ​ព្រោះ​ឆ្នាំ​​នេះមាន​អាទិភាព​ច្រើន​ក្នុង​ការ​ចេញ​ទៅ​វ៉ៃ​លើ​ឆាក​អន្តរជាតិ​ព្រោះ​​ដើម្បី​ពង្រឹង​សមត្ថភាព​មុន​​កម្មវិធី​ប្រកួត​ស៊ីហ្គេម​ឆ្នាំ​២០២១​ នៅ​វៀតណាម​មក​ដល់។ ​


​​
បច្ចុប្បន្ន​នេះ​​​លោក​ ជា រិទ្ធ ​មាន​តួ​នាទី​ជា​អាជ្ញា​កណ្ដាល​ចាប់​គូ​​សំខាន់ៗ​នៅ​តាម​ប៉ុស្តិ៍​ទូរទស្សន៍​ជា​ច្រើន។ ​​ក្រៅ​ពី​នោះ​លោក​​ជា​គ្រូ​បង្វឹក​ក្លិប​​ប្រដាល់​ គុហារ​ព្រហ្មជ័យ​ខេត្ត​សៀមរាប​​ ដែល​ផលិត​បាន​​កីឡាករ​យុវជន​វ័យ​ក្មេង​ជា​បន្តបន្ទាប់​សម្រាប់​ខេត្ត​នេះ។ ​លោក​មាន​បទ​ពិសោធន៍​​​ដឹក​នាំ​កីឡាករ​ទៅ​ប្រកួត​​នៅ​សង្វៀន​​​ក្រៅ​ប្រទេស​ជា​ច្រើន​ដូច​ជា​ ​ប្រទេស​ថៃ​ចំនួន ៤​ លើក​រួម​ទាំង​កម្មវិធី​ធំ​ថៃ​ហ្វៃ​ផង, ​​ដឹក​នាំ​ទៅ​ប្រទេស​ម៉ាឡេស៊ី​​មួយ​​លើក, សង្វៀន​ ONE Championship ​មួយ​លើក​ និង​ ​ជា​ប្រតិភូ​​របស់​សហព័ន្ធ​កីឡា​ប្រដាល់​ និង​ជា​អាជ្ញា​កណ្ដាល​នៅ​ស៊ីហ្គេម​ឆ្នាំ​២០១៩​ មួយ​លើក។

ចុចអាន អតីតកម្មករសំណងនៅថៃ រិន សារ័ត្ន គ្រង​ជើង​ឯក​ដំបូងក្នុងអាជីពប្រដាល់៧ឆ្នាំ

​ព័ត៌មាន​ផ្សេងៗ​​​អំពី​ ONE Championship​ សូម​ចូល​ទៅ​កាន់​ www.onefc.com/about-us, ​follow ​លើ​ Twitter​ និង​ Instagram @ONEChampionship ​និង​ ​​ហ្វេសប៊ុក​ONEChampionship

មើល​​បន្ថែម

Stay in the know

Take ONE Championship wherever you go! Sign up now to gain access to latest news, unlock special offers and get first access to the best seats to our live events.
By submitting this form, you are agreeing to our collection, use and disclosure of your information under our Privacy Policy. You may unsubscribe from these communications at any time.