Kun Khmer

ខុន ស៊ីចាន់ កំណត់ខ្លួនឯងវ៉ៃគុនខ្មែរ១ដងក្នុង១ខែ

16/07/2020

ស្រប​ពេល​ដែល​អ្នក​លេង​គុន​ខ្មែរ​មួយ​ចំនួន​កំពុង​មមាញឹកឡើង​វ៉ៃ​គុន​ខ្មែរ​ក្នុង​ប្រទេស ហើយ​អ្នក​ខ្លះ​វ៉ៃ​៣​ទៅ​៤​ដង​ក្នុង​មួយ​ខែ​ដើម្បី​រក​ប្រាក់​ចំណូល ប៉ុន្តែ​​កីឡាករប្រដាល់គុនខ្មែរ និងគុនចម្រុះ ONE Championship ខុន ស៊ីចាន់ បែរ​ជា​មិនហ៊ានឡើងវ៉ៃញឹកញាប់ទេ ដោយគិតពីសុខភាពជាចម្បងដោយមិនឡើងវ៉ៃញឹកញាប់ទេ។

អ្នកលេងគុនខ្មែរដែលចូលប្រឡូកក្នុងអាជីពប្រដាល់ជិត២០ឆ្នាំរូបនេះបាននិយាយថា ៖«សព្វថ្ងៃនេះ ខ្ញុំវ៉ៃគុនខ្មែរ។ យូរៗវ៉ៃម្តង ខ្ញុំអត់វ៉ៃញាប់ទេគឺ មួយខែវ៉ៃម្តង។ ខ្ញុំអត់ចង់វ៉ៃញឹកញាប់ទេ ព្រោះឈឺខ្លួនណាស់។ វ៉ៃញឹកញាប់ពេកគឺទក់សាច់ណាស់។ អ្នកខ្លះគិតរកលុយឲ្យបានច្រើន គេឡើងវ៉ៃស្ទើរតែមិនសម្រាក តែខ្ញុំអត់ទេ គឺគិតសុខភាព»។

ខុន ស៊ីចាន់ (ឆ្វេង)​ វ៉ៃ​ជាមួយ Riski Umar (ស្តាំ)

បើទោះជារូបគេមិនបានឡើងប្រកួតញឹកញាប់ក៏ដោយ ក៏កីឡាកររូបនេះមិនសូវព្រួយបារម្ភខ្លាំងរឿងប្រាក់ចំណូលសម្រាប់ផ្គត់ផ្គង់គ្រួសារឡើយ។ កីឡាករដែលមានដើមកំណើតនៅអន្លងវែងបានប្រាប់ថា ៖«លុយខ្ញុំអាចរកក្រៅទប់ទល់បាន។ ខ្ញុំរកស៊ីតិចតួចដែរ គឺរកស៊ីចងការគេ លុយរាប់ដើម្បីគ្រាន់បានចំណូលសម្រាប់ការចំណាយប្រចាំថ្ងៃ»។

រហូតដល់ពេលនេះ ខុន ស៊ីចាន់ ដែល​មាន​អាយុ​៣២​ឆ្នាំ​បានចូលប្រឡូកក្នុងអាជីពប្រដាល់ជិត២០ឆ្នាំហើយ។ ក្នុងរយៈពេលជិត២០ឆ្នាំនេះថ្វីបើមិនទាន់ល្បីល្បាញខ្លាំង ឬលេចធ្លោដូចអ្នកប្រដាល់ជួរមុខ ប៉ុន្តែរូបគេនៅតែពេញចិត្តចំពោះអាជីពប្រដាល់។ ក្នុងជីវិតប្រដាល់ដ៏វែងឆ្ងាយនេះ រូបគេធ្លាប់ឈ្នះខ្សែក្រវាត់ប្រកួតគុនចម្រុះម្តងគឺ KWC កាលពីឆ្នាំ២០១៣នៅសង្វៀន CTN។

កីឡាករ ខុន ស៊ីចាន់

ជាមួយកំណត់ត្រាប្រកួតគុនចម្រុះ៩ដង (ឈ្នះ៣ និងចាញ់៦) ខុន ស៊ីចាន់ បានសាងប្រវត្តិជ័យជម្នះលើកទី១នៅសង្វៀន ONE Championship នៅពេលដែលរូបគេបានយកឈ្នះកីឡាករឥណ្ឌូណេស៊ី Riski Umar កាលពីថ្ងៃទី៩ ខែមីនា ឆ្នាំ២០១៨ នៅប្រទេសម៉ាឡេស៊ី ក្នុងព្រឹត្តិការណ៍ ONE Championship: Visions of Victory

មើល​​បន្ថែម

បន្តទទួល​បាន​ជា​ប្រចាំ

អាច​ចូល ONE Championship បាន​គ្រប់​ទី​កន្លែង​ដែល​អ្នក​ទៅ​ដល់។ ចុះ​ឈ្មោះ​ចូល​ឥឡូវ​នេះ​ដើម្បី​ទទួល​បាន​ព័ត៌មាន​ថ្មី​ៗ ការ​ផ្តល់​ជូន​ជា​ពិសេស និង​ទទួល​បាន​កៅអីពិសេស​​ពី​ព្រឹត្តិការណ៍ផ្សាយ​ផ្ទាល់​របស់​យើង​ខ្ញុំ។
ដាក់​ស្នើ​ទម្រង់​នេះ អ្នកនឹង​យល់​ព្រម​តាមលក្ខខណ្ឌ​នៃ​ការ​ប្រមូល​ ការ​ប្រើ​ប្រាស់ និង​ការ​បញ្ចេញ​ព័ត៌មាន​របស់​អ្នក​ស្ថិត​ក្រោម គោលការណ៍​ឯកជន​ភាព​របស់​យើង​ខ្ញុំ។ អ្នក​អាច​ផ្តាច់​ទំនាក់​ទំនង​វិញ​នៅ​ពេល​អ្នក​ចង់។