Features

គូ​ប្រកួត​​ចំនួន​​ ៥ ​នៅ​​ ONE Super Series ​ដែល​​​​គេ​ចង់​ឃើញ​នៅ​ឆ្នាំ​២០២១​

នៅ​ឆ្នាំ​២០២០​ ​គូ​ប្រកួត​ខ្លាំង​ៗ​​​នៅ​សង្វៀន​ ONE Super Series ​នៅ​មិន​ទាន់​បង្ហាញ​អស់​នៅ​ឡើយ​ទេ។ ​ជើង​ខ្លាំង​ជំនាញ​ប្រយុទ្ធ​​នៅ​​ស្ថាប័ន​ប្រដាល់​លំដាប់​កំពូល​​មួយ​ចំនួន​​​បាន​ត្រឹម​តែ​​កម្ដៅ​សាច់​ដុំ​ និង​ហ្វឹកហាត់​ប៉ុណ្ណោះ។ ​

​នៅ​ពេល​​​អ្នក​ជំនាញ​ឃីកបុកសីង ឬ​​ មួយ​ថៃ​កម្រិត​កំពូល​ និង​ម្ចាស់​ជើង​ឯក​បន្ត​ជួប​គ្នា​ ​​សង្វៀន​លំដាប់​ពិភព​លោក​​មួយ​នេះ​នឹង​បន្ត​​ចុះ​​កិច្ច​សន្យា​​​អ្នក​លេង​ក្បាច់​គុន​​ថ្មី​ៗ​ទៀត​មិន​ខាន។ ​​ប៉ុន្តែ​ ​ឆ្នាំ​កន្លង​ទៅ​ យើង​មិន​ទាន់​ឃើញ​ ​តារា​​លំដាប់​ពិភព​លោក​​ឡើង​ប៉ះ​គ្នា​នៅ​ឡើយ​ទេ។​
​​​​សូម​តាម​ដាន​​គូ​ប្រកួត​ឃីកបុកសីង​​ ONE Super Series ​និង​មួយ​ថៃ​ ​​​ចំនួន​ ៥ ​គូ​ដែល​អ្នក​គាំទ្រ​ចង់​ឃើញ​បំផុត​នៅ​​ឆ្នាំ​២០២១​ នេះ។

Giorgio Petrosyan Vs. Marat Grigorian

Giorgio Petrosyan Vs. Marat Grigorian could be a potential kickboxing fight in 2021!

តាំង​ពី​ Marat Grigorian ​ដែល​ជា​ជើង​ឯក​ពិភព​លោក​ Kickboxing World Champion ​៣​សម័យ​កាល​ ​ចុះ​ហត្ថលេខា​​ប្រកួត​ឲ្យ​សង្វៀន​ ONE Championship ​នៅ​ឆ្នាំ​២០២០​ ​អ្នក​គាំទ្រ​រង់​ចាំ​រូប​គេ​ឡើង​សង្វៀន​​ និង ​​​ប្រឈម​នឹង​​ជើង​ឯក​ ONE Featherweight Kickboxing World Grand Prix Champion ​​កីឡាករ​ Giorgio “The Doctor” Petrosyan ​វិញ​ម្ដង។ ​

​ថ្មីៗ​នេះ​ Grigorian ​​បាន​ធ្វើ​ឲ្យ​អ្នក​គាំទ្រ​​ភ្ញាក់​ផ្អើល​ បន្ទាប់​ពី​តាម​ពី​ក្រោយ​​ដើម្បី​ឈ្នះ​ Ivan Kondratev ​នៅ​ព្រឹត្តិការណ៍​ ONE: BIG BANG ​កាល​ខែ​ ធ្នូ​ ​​ដែល​នាំ​ឲ្យ​រូប​គេ​ឈរ​​ជា​គូ​ប្រជែង​លំដាប់​លេខ​១​​ក្នុង​​ការ​ប្រកួត​ឃីកបុងសី​​ទម្ងន់​ featherweight។ ​

Grigorian ​​គឺ​ជា​គូ​ប្រកួត​ប្រកប​ដោយ​គ្រោះ​ថ្នាក់​​​និង​​​ឈ្នះ​រហូត​ដល់​ ៥៤ ​លើក​ ​​ចាញ់​ ១១​លើក ​និង​ស្មើ​ ១ ​លើក (៣៣ ​លើក​​ផ្ដួល​ដៃ​គូ​ឲ្យ​សន្លប់)។ ​​ចំណែក អ្នក​លេង​ក្បាច់​គុន​​​កូន​កាត់​​អាមេនី-​បែលហ្សិក​ ​​មិន​ត្រឹម​តែ​មាន​កម្លាំង​ខ្លាំង​ទេ​ ​ប៉ុន្តែ​ ​​ការ​ចេញ​ស្នៀត​ច្បាស់​ៗ​ទៀត​ផង។ ​
រីឯ​ “The Doctor” ​មាន​ជំនាញ​ផ្នែក​ប្រយុទ្ធ​​ល្អ​ណាស់។​ គេ​​តែង​តែ​ធ្វើ​ឲ្យ​គូ​ប្រជែង​​គ្រោះ​ថ្នាក់​គ្រប់​ពេល​វេលា។ ​គូ​ប្រកួត​នេះ​​សុទ្ធ​តែ​ខ្លាំង​ដូច​គ្នា​ ថា​តើ​នរណា​ជា​អ្នក​បង្កើត​កំហុស​នេះ។

 

Rodtang Jitmuangnon Vs. Superlek Kiatmoo9

Rodtang Jitmuangnon Vs. Superlek Kiatmoo9 could be a potential Muay Thai fight to happen in 2021!

 

គូ​ប្រកួត​ ONE Super Series ​អ្នក​គាំទ្រ​ច្បាស់​ជា​​រំភើប​ខ្លាំង​​ បើ​សិន​ម្ចាស់​ខ្សែ​ក្រវាត់​ ONE Flyweight Muay Thai World Champion ​កីឡាករ​ Rodtang “The Iron Man” Jitmuangnon ​ជួប​គូ​ប្រជែង​លំដាប់​លេខ​២​​ទម្ងន់​ flyweight  ​កីឡាករ​ “The Kicking Machine” Superlek Kiatmoo9 ​​ក្នុង​​ការ​ប្រកួត​បន្ទាប់។​ ​

Superlek ​បាន​ឡើង​សង្វៀន​​ ONE Super Series ​ជា​ញយ​ដង​ ប៉ុន្តែ​​ ​រឿង​គួរ​ឲ្យ​ចាប់​អារម្មណ៍​​ពេល​រូប​គេ​ផ្ដួល​​ជើង​ឯក​មួយ​ថៃ​ពិភព​លោក​ច្រើន​សម័យ​កាល​ ​“The Angel Warrior” Panpayak Jitmuangnon ​នៅ​ព្រឹត្តិការណ៍​​ ONE: NO SURRENDER ​ដោយ​ពិន្ទុ​ជា​ឯកច្ឆន្ទ​​កាល​ខែ ​កក្កដា ឆ្នាំ​ ២០២០។

“The Kicking Machine” បន្ត​​ផ្ដួល​ Fahdi “The Gladiator” Khaled ​ក្នុង​រយៈ​ពេល​ពីរ​ខែ​បន្ទាប់​​ដែល​ប្រើ​​ជំនាញ​​​ល្អ​កម្រិត​កំពូល។ ​Rodtang​ ​មិន​ទាន់​ចាញ់​ទេ​តាំង​ពី​​ចូល​ប្រឡូក​នៅ​សង្វៀន​​លំដាប់​ពិភព​លោក​​​កាល​ឆ្នាំ​២០១៨។ ​​រូប​គេ​បាន​​ឡើង​ការពារ​ខ្សែក្រវាត់​យ៉ាង​ជោគជ័យ​​រហូត​ដល់​ ៣ ​ដង​​រួច​មក​ហើយ។ ​
​ជំនួប​រវាង​ Superlek និង​ Rodtang ​ច្បាស់​ជា​មាន​ស្ទិល​ប្លែក​ៗ​​មិន​ខាន។ ​​​គេ​រង់​ចាំ​មើល​​ថា​តើ​ ​​ស្ដេច​​ខ្សែ​ក្រវាត់​​លៃ​​​លក​ការពារ​ខ្សែ​ក្រវាត់​​របស់​ខ្លួន​ដោយ​​របៀប​​ណា​ក្នុង​ជំនួប​នេះ? ​



Roman Kryklia Vs. Murat Aygun

Roman Kryklia Vs. Murat Aygun could be a potential kickboxing showdown in 2021

 

Roman Kryklia  ​និង​ Murat “The Butcher” Aygun ​​​​គ្រោង​នឹង​ជួប​គ្នា​នៅ​ព្រឹត្តិការណ៍​ ONE: BIG BANG ​ប៉ុន្តែ​​​មាន​ការ​ផ្លាស់​​ភ្លាម​ៗ​ និង​​ជួប​គូ​ផ្សេង​គ្នា។ ​អ្នក​គាំទ្រ​​ឃីកបុកសីង​​​នឹង​បាន​ឃើញ​ភាព​រីករាយ​​រវាង​កីឡាករ​មាន​ទេពកោសល្យ​ទាំង​ទ្វេ។ ​

Aygun ​​​បាន​បង្ហាញ​ខ្លួន​ដំបូង​​ដ៏​ល្អ​​ដោយ​ផ្ដួល​ Anderson “Braddock” Silva ​​ ​រហូត​ឈ្នះ​ពិន្ទុ​ជា​ឯកច្ឆន្ទ ​និង​អាច​​ដណ្ដើម​កៅ​អី​ទៅ​​ជួប​ Kryklia។ ​
Kryklia​ ​​ឡើង​ជួប​ Andrei “Mister KO” Stoica ​​នៅ​ព្រឹត្តិការណ៍​ ONE: COLLISION COURSE  ​ជា​ទី​ដែល​រូប​គេ​យក​ពិន្ទុ​ពេញ​ៗ​ក្នុង​រយៈ​ពេល​៥​ ទឹក។ ​​ប៉ុន្តែ​​ពេល​នេះ​ ​ម្ចាស់​ខ្សែ​ក្រវាត់​​ ONE World Champion​ ​​ចង់​​ឡើង​​ការពារ​ខ្សែ​ក្រវាត់​ទល់​នឹង​ Aygun ​ឲ្យ​ពិត​ប្រាកដ។ ​​ ​​តើ​ ​“The Butcher” ​អាច​បញ្ចប់​​​ម្ចាស់​ខ្សែ​ក្រវាត់​សញ្ជាតិ​អ៊ុយក្រែន​​​ដែរ​ឬ​ទេ​នៅ​ឆ្នាំ​២០២១? ​

Janet Todd Vs. Allycia Hellen Rodrigues

Janet Todd could fight Allycia Helen Rodriguez in 2021

 

នៅ​ពេល​ Allycia Hellen ​Rodrigues ​​ផ្ដួល​ Stamp Fairtex ​ដើម្បី​គ្រង​ខ្សែ​ក្រវាត់​ ONE Atomweight Muay Thai World Title ​​អ្នក​គាំទ្រ​ចាប់​ផ្ដើម​​ជជែក​អំពី​រឿង​នេះ និង​ចង់​ឲ្យ​រូប​គេ​ជួប​ម្ចាស់​ខ្សែ​​ក្រវាត់​ ONE Atomweight Kickboxing World Champion ​កីឡាការិនី​​សញ្ជាតិ​អាមេរិក​ Janet “JT” Todd។​

​Rodrigues ​​មិន​ទាន់​ត្រូវ​បាន​គេ​ស្គាល់​នៅ​ឡើយ​ទេ​​ពេល​បង្ហាញ​ខ្លួន​ដំបូង​​តតាំង​នឹង​ Stamp​ ​​ក្នុង​​ព្រឹត្តិការណ៍​ ONE: A NEW BREED ​កាល​ខែ​ សីហា​ ឆ្នាំ​​២០២០។ ​​ប៉ុន្តែ​ពេល​ចប់​ ៥ ​ទឹក ​អ្នក​គាំទ្រ​​ជុំ​វិញ​ពិភព​លោក​បាន​រំលឹក​ឈ្មោះ​ Rodrigues។ ​ ​

ចំណែក​ Todd ​បាន​យក​ឈ្នះ​គូ​​ប្រជែង​ Stamp ​នៅ​ព្រឹត្តិការណ៍​ ONE: KING OF THE JUNGLE ​កាល​ខែ​ កុម្ភៈ​ ឆ្នាំ​២០២០​ ​ដើម្បី​គ្រង​ខ្សែ​ក្រវាត់​។

​បើ​សិន​ Rodrigues ​និង​ Todd ​ជួប​​គ្នា​ក្នុង​ការ​ប្រកួត​​​ស្នៀត​មួយ​ថៃ​មែន​​ វា​នឹង​ក្លាយ​ជា​​​ប្រកួត​ស៊ី​សាច់​ហុត​ឈាម​មិន​ខាន។ ​តើ​ Todd ​អាច​ធ្វើបាប​​​ជើង​​ខ្លាំង​ប្រេស៊ីល​ដូច​​រូប​គេ​យក​ឈ្នះ​ Stamp ឬ​ យ៉ាង​ណា? ​

Petchmorakot Petchyindee Academy Vs. Jamal Yusupov

Petchmorakot Petchyindee Academy Vs. Jamal Yusupov could happen in 2021

 

Jamal “Kherow” Yusupov ​ជា​គូ​ប្រជែង​លំដាប់​លេខ​១​ និង​ ទើប​ប្រកួត​​នៅ​សង្វៀន​ ONE Super Series ​បាន​ចំនួន​ ២​ ដង​ប៉ុណ្ណោះ។ ប៉ុន្តែ ​​ការ​បង្ហាញ​ខ្លួន​​ទាំង​នេះ​បាន​នាំ​ឲ្យ​រូប​គេ​ឈាន​ទៅ​ដណ្ដើម​ខ្សែ​ក្រវាត់​ ONE Featherweight Muay Thai World Champion ​ពី​ Petchmorakot Petchyindee Academy នៅ​ថ្ងៃ​ខាង​មុខ។ ​

​ក្នុង​ការ​បង្ហាញ​ខ្លួន​ដំបូង​​នា​ខែ ​វិច្ឆិកា ​ឆ្នាំ ​២០១៩​ ​Yusupov ​​បញ្ចប់​ “The Boxing Computer” Yodsanklai IWE Fairtex ​​ដោយ​​កណ្ដាប់​ដៃ​ឆ្វេង​​​សឹង​មិន​គួរ​ឲ្យ​ជឿ​។ ​គេ​មិន​អាច​បំភ្លេច​បាន​ពេល​ គេ​រំលឹក​ Yusupov ​នៅ​​ព្រឹត្តិការណ៍​ ONE: COLLISION COURSE II ​ខណៈ​​គេ​​ផ្ដួល​ Samy “AK47” Sana ​តាម​រយៈ​​ស្នៀត​វ៉ៃ​កាត់​យ៉ាង​ល្អ​​ឯក។ ​

បែប​ណា​ក្ដី​ Petchmorakot ​​​ទទួល​ភាព​ជោគជ័យ​មួយ​នៅ​លើ​សង្វៀន។​ ​​តាំង​ពី​ឈ្នះ​នៅ​ព្រឹត្តិការណ៍​ ONE: WARRIOR’S CODE ​កាល​ខែ ​កុម្ភៈ​ ​​ឆ្នាំ ​២០២០​​ ​​អ្នក​​រាល់​គ្នា​រំពៃ​គិត​លើ​ការ​ផ្គូផ្គង​ជួប​ Yusupov ​។ ​កន្លង​ទៅ​ Petchmorakot ​​បាន​ឡើង​ការពារ​ខ្សែ​ក្រវាត់​​យ៉ាង​​ជោគជ័យ​​ទល់​នឹង​ Magnus “Crazy Viking” Andersson ​ម្ចាស់​ជើង​ឯក​ Lion Fight Champion​ ​និង​ Yodsanklai ​​ដែល​ជា​​ជើង​ឯក​មួយ​ថៃ​ពិភព​លោក​ច្រើន​សម័យ​កាល។ ​

​បែប​ណា​ក្ដី Petchmorakot ​មិន​ទាន់​​ជួប​គូ​ប្រជែង​ដែល​មាន​កណ្ដាប់​ដៃ​ធ្ងន់​ និង​ច្បាស់​ដូច​ Yusupov ​នោះ​ឡើយ។ ​​ក្នុង​នោះ​ Yusupov ​ក៏​មិន​ទាន់​ជួប​ម្ចាស់​ខ្សែ​ក្រវាត់​នៅ​ឡើយ​ដែរ។

ចុចអាន: The Top 5 MMA Fights We’d Love To See In 2021