Features

ក្រឡេក​មើលប្រវត្តិ​​ខ្សែក្រវាត់ ONE Welterweight ពិត​ជាពោរពេញ​ដោយអធិរាជ

ចំណាត់​ថ្នាក់​ក្នុង​ប្រភេទ​ទម្ងន់ welterweight នៅ ONE Championship​ កំពុង​ឈាន​ដល់​ចំណុច​កំពូលដោយ​មាន​ការ​លាយ​បញ្ចូល​គ្នារវាង​ជើង​ខ្លាំង​ថ្មី​ៗ និង​តារា​ប្រដាល់​ល្បី​បង្ហាញ​ខ្លួន​យូរ​ស្រាប់​ដែល​បាន​ធ្វើ​ឲ្យ​ក្លាយ​ជា​ប្រភេទ​ទម្ងន់​នេះ​ពោរពេញ​ដោយ​អធិរាជ​។

ចាប់​តាំង​ពី​ការ​ចាប់​ផ្តើម​មក តែង​តែ​មាន​ជើង​ខ្លាំង​មួយ​ក្រុម​ដែល​តែង​តែ​ឈរ​នៅ​ចំណាត់​ថ្នាក់​កំពូល ទោះ​ជា​មាន​កីឡាករ​៤​នាក់​ក្នុង​ចំណោម​ពូក​គេ​ធ្លាប់​គ្រង​ខ្សែ​ក្រវាត់​ពិភព​លោក ONE Welterweight World Title។

ជា​មួយ​នឹង​ជើង​ខ្លាំង​លេច​មុខ​ថ្មី​ដេញ​តាម​ក្រោយ ម្ចាស់​ខ្សែ​ក្រវាត់​ពិភព​លោក​បច្ចុប្បន្ន Kiamrian “Brazen” Abbasov នឹង​មិន​ងាយ​ស្រួលគ្រប់​គ្រង​​​បល្ល័ង្គរបស់​ខ្លួន​​ឡើយ ប្រសិន​បើ​រូប​គេ​ត្រូវ​ការពារ​អធិរាជ​សង្វៀន​របស់​ខ្លួន​ឲ្យ​បាន​យូរ​បំផុត បើ​ទោះ​ជាការ​បង្ហាញ​សមត្ថភាព​របស់​ខ្លួន​ចុង​​​ក្រោយ​នេះ​បង្ហាញ​ថា ជើង​ខ្លាំង​ថ្មី​ក៏​នឹង​ពិបាក​ប្រជែង​យក​ខ្សែក្រវាត់​ពី​រូប​គេ​ដែរនោះ។

មុន​ពេល​គូ​ប្រកួត​ការពារ​ខ្សែ​ក្រវាត់​បន្ទាប់​​របស់ Abbasov ត្រូវ​បាន​ប្រកាស​ជា​ផ្លូវ​ការ យើង​ក្រឡេក​មើល​ប្រវត្តិ​សាស្ត្រ​នៃ​ទម្ងន់​នេះ។

ម្ចាស់​ខ្សែ​ក្រវាត់​លើក​ទី​១

The first ONE Welterweight World Champion, Nobutatsu Suzuki

តារាប្រដាល់​ជប៉ុន Nobutatsu Suzuki បានចូល​ស្ថាប័ន​ ONE Championship បន្ទាប់​ពី​ប្រកួត​ឈ្នះ​៩​លើក​ដោយ​ផ្តួល​ដៃ​គូ​ឲ្យ​សន្លប់​នៅ​ប្រទេស​កំណើត។ បន្ទាប់​មក គាត់​បាន​ផ្តួល​កីឡាករ Phil Baroni ឲ្យ​សន្លប់​នៅ​ខែ​ឧសភា ឆ្នាំ​២១៣​ដើម្បី​ទទួល​បាន​ខ្សែ​ក្រវាត់​ការ៉ាតេ​ខ្មៅ Kyokushin ហើយ​ក៏​មាន​ឈ្មោះ​ទៅ​ប្រកួត​ខ្សែ​ក្រវាត់​ពិភព​លោ ONE Welterweight World Championship។

Suzuki ជួប​ប្រកួត​ជា​មួ Brock Larson សម្រាប់​ការ​ដណ្តើម​ខ្សែ​ក្រវាត់​ពិភព​លោក​នៅ​ព្រឹត្តិការណ៍ ONE: WAR OF NATIONS ក្នុងខែ​មីនា ឆ្នាំ​២០១៤។ គាត់​បាន​ទាត់​ដង​ខ្លួន​របស់​កីឡាករ​ចំបាប់​យ៉ាង​ច្បាស់​ដៃ​បូក​រួម​ជា​មួយ​ជង្គង់​ផង​នោះគឺ​គាត់​​ទទួល​បាន​ជ័យជម្នះ​ បន្ទាប់​ពី​តស៊ូ​គ្នា​៥​ទឹក ហើយ​ក៏​​ក្លាយ​ជា​ម្ចាស់​ខ្សែ​ក្រវាត់​ពិភព​លោក​ទី​១ នៅ​ទម្ងន់​នេះ​របស់ ONE។

ទន្ទឹម​ជា​មួយ​គ្នា  តារា​ចំបាប់​អាមេរិក​ម្នាក់​ទៀត​បាន​ឈានមក​ដល់​ចំណុក​កំពូល​នៃ​តារាង​ចំណាត់​ថ្នាក់។

យុគសម័យជើង​ខ្លាំង​អាមេរិក Funky 

ONE Welterweight World Champion Ben Askren

បន្ទាប់​ពី​ជោគជ័យ​នៅ​អាមេរិក​ខាង​ជើង​ Ben “Funky” Askren បាន​ដាក់​ទិស​ដៅ​មក​កាន់​ទឹក​ដី​អាស៊ី និង​បាន​ប្រកួត​លើក​ដំបូង​នៅ ONE: HONOR & GLORY ក្នុងខែ​ឧសភា ឆ្នាំ​២០១៤។ កីឡាករ​អាមេរិក​ដែល​មិន​ដែល​បរាជ័យ​បាន​យក​ឈ្នះ​កីឡាករ Bakhtiyar Abbasov ដោយ​ឃ្លេ​ឲ្យ​ចុះ​ចាញ់​ក្នុង​ទឹក​ទី​១ និង​ភ្លាម​ៗ​នោះ​ត្រូវ​បាន​ផ្គូ​ផ្គង​ឲ្យ​ជួប​ម្ចាស់​ជើង​ឯក។

Askren ដាក់​ផែន​ការ​សង្ឃឹម​តែ​៣​ខែ​ប៉ុណ្ណោះដើម្បី​​យក​ខ្សែ​ក្រវាត់​មក​គ្រប់​គ្រង ហើយ​ក៏​បាន​គ្រប់​គ្រង​ខ្សែ​ក្រវាត់​ពិភព​លោក​រយៈ​ពេល​៣​ឆ្នាំ បន្ទាប់​ពី​បាន​បញ្ឈប់ម្ចាស់​ខ្សែ​ក្រវាត់  Suzuki បាន​យ៉ាង​លឿន​ដោយ​ប្រើ​ពេល​តែ​៨៤​វិនាទី​ប៉ុណ្ណោះ។

ការ​ប្រកួត​ការពារ​ខ្សែ​ក្រវាត់​របស់​គាត់​លើក​ដំបូង​​ជា​មួយ​កីឡាករ​ប្រេស៊ីល Luis “Sapo” Santos នៅ​ ONE: VALOR OF CHAMPIONS ក្នុង​មេសា ឆ្នាំ​២០១៥ ប៉ុន្តែ​ដោយ​សារកីឡាករ​ប្រេស៊ីល​របួស​​ក៏​បាន​ដក​ខ្លួន ហើយ​ការ​ប្រកួត​នោះ​ចាត់​ទុក​ជា​មោឃៈ។

បន្ទាប់​មក កីឡាករ​រហស្សនាម “Funky” បានយក​ឈ្នះ​កីឡាករ Nikolay Aleksakhin ដោយ​ពិន្ទុ​នៅ​ ONE: GLOBAL RIVALS នៅ​ខែ​មេសា ឆ្នាំ​២០១៦។ កីឡាករ​ម៉ាឡេស៊ី​មិន​ស្គាល់​ចាញ់ Agilan “Alligator” Thani បាន​ក្លាយ​ជា​ដៃ​គូ​បន្ទាប់​របស Askren នៅ ONE: DYNASTY OF HEROES ប៉ុន្តែ​ចាញ់​ទឹក​ទី​១ នៅ​ខែ​ឧសភា ឆ្នាំ​២០១៧។  Askren បាន​យក​ឈ្នះ Thani យ៉ាង​លឿន​តាម​រយៈ​ការ​ចាប់​បោក​ផ្តួល និង​ចាប់​កាច់​ដៃ​បញ្ឈប់​ការ​ប្រកួត​នៅ​នាទី​២:២០​ក្នុង​ទឹក​ទី​១។

ក្រោយ​ចប់​ការ​ប្រកួត Askren បានបង្ហើប​ដៃ​គូ​បន្ទាប់​ពី​កីឡាករស៊ុអែតដែល​គាត់​ចង់​ជួប។  កីឡាករ Zebaztian “The Bandit” Kadestam បាន​ផ្តួល Santos ដោយ​ក្បាច់​ដ៏​អស្ចារ្យ​នៅ​ក្នុង​ព្រឹត្តិការណ៍​ជា​មួយ​គ្នា ហើយ​អ្នក​ទាំង​ពីរ​ត្រូវ​ជួប​គ្នា​នៅ ONE: SHANGHAI ខែ​កញ្ញា។

មិន​ខុស​ពី​ជន​រង​គ្រោះ​ជា​ច្រើន​ទៀត​ដែរ កីឡាករ​រហស្សនាម “The Bandit” ត្រូវ​បាន​កីឡាករ​អាមេរិក​ដាក់​គំនាប និង ផ្តួល​ឲ្យ​សន្លប់​ក្នុង​ទឹក​ទី​២។

នៅ​ខែ​វិច្ឆិកា ឆ្នាំ​២០១៧ ម្ចាស់​ខ្សែ​ក្រវាត់​ពិភព​លោក​អាមេរិក​នេះ​ឡើង​ការ​ពារ​នៅ ONE: IMMORTAL PURSUIT ជាមួយ​ជើង​ខ្លាំង​ជប៉ុន Shinya “Tobikan Judan” Aoki ដែល​ជា​អតីត​ខ្សែ​ក្រវាត់​ពិភព​លោក​ ONE Lightweight World Champion ហើយ​មនុស្ស​ច្រើន​ណាស់​គិត​ថា គូ​នេះ​ច្បាស់​ជា​ល្អ​អស្ចារ្យ និង​មិន​ងាយ​ឈ្នះ​កីឡាករ​ជប៉ុន​ឡើយ។

ផ្ទុយ​ទៅ​វិញ Askren ទទួល​បាន​ជ័យជម្នះ​​យ៉ាង​ឆាប់​រហ័ស​នៅ​ក្នុង​អាជីព​របស់​ខ្លួន បន្ទាប់​ពី​ផ្តួល​ជើង​ខ្លាំង​ជប៉ុន​ឲ្យ​សន្លប់​ដោយ​ប្រើ​ពេល​ត្រឹម​តែ​៥៧​វិនាទី​ប៉ុណ្ណោះ។ ដូច​ការ​និយាយ​ការនិយាយមុន​ការ​ប្រកួត​ អតីត​កីឡាករ​ចំបាប់​អូឡាំពិក​បាន​ចូល​និវត្ត​ពី​ជើង​​ឯក​ពិភព​លោក​ដោយ​មិន​ស្គាល់​បរាជ័យ​សោះ​នៅ ONE ហើយ​ទុក​​ខ្សែ​ក្រវាត់​ឲ្យ​​អ្នក​ជំនាន់​ក្រោយ។



ដំណើរ​ស្វែង​រក​ម្ចាស់​ថ្មី

ONE Welterweight World Champion Zebaztian Kadestam ONE Championship belt

នៅ​ពេល​ខ្សែ​ក្រវាត់​ទំនេរ ជើង​ខ្លាំង​៤​នាក់​បាន​ប្រជែង​គ្នា​ដើម្បី​ក្លាយ​ជា​អធិរាជ​រៀង​ខ្លួន។ ជើង​ខ្លាំង Kadestam បាន​ប្រកួត​ជា​មួយ Thani ខណៈ​កីឡាករ​ថ្មី​ Tyler McGuire បាន​ប្រកួត​ជា​មួយ Santos នៅ ONE: PURSUIT OF POWER ក្នុង​ខែ​កក្កដា ឆ្នាំ​២០១៨។

កីឡាករ Kadestam ដែល​មាន​បទ​ពិសោធ​មួយ​ថៃ​ជោកជាំបាន​គ្រប​ដណ្តប់​យ៉ាង​ខ្លាំង​លើ Thani និងបានប្រើ​កណ្តាប់​ដៃ​វ៉ៃ​សន្ធាប់​ឲ្យសន្លប់​ក្នុង​ទឹក​ទី​៣។ ជាមួយ​គ្នា​នេះ McGuire បាន​ប្រើ​ជំនាញ​ចំបាប់​របស់​ខ្លួន​យកឈ្នះ​ “Sapo” ដោយពិន្ទុ

អ្នក​ដែល​ទទួល​បាន​ជ័យជម្នះ​ទាំង​ពីរ​ខាង​លើ​ត្រូវ​ជួប​គ្នា​នៅ ONE: WARRIOR’S DREAM ដើម្បី​ដណ្តើម​យក​ខ្សែ​ក្រវាត់​ដែល​នៅ​ទំនេរ​ក្នុង​ខែ​វិច្ឆិកា ឆ្នាំ​២០១៨ដែល​ជើង​ខ្លាំង “The Bandit”ធ្វើ​បាន​យ៉ាង​ល្អ​ឥត​ខ្ចោះ។ គាត់បាន​ការពារ​​នឹង​ការ​ដាក់​សម្ពាធ​របស់ McGuire ដែល​ប្រើ​ជំនាញ​ក្រោម​បាន​យ៉ាង​ល្អ។ បន្ទាប់​ពី​តស៊ូ​គ្នា​យ៉ាង​ស្វិត​ស្វាញ​ Kadestam  ទទួល​បានជ័យជម្នះ​ដោយ​ផ្តួល​ដៃ​គូ​ឲ្យ​សន្លប់ក្នុង​ទឹក​ទី​៥​ដើម្បី​គ្រង​ខ្សែ​ក្រវាត់​ពិភព​លោក ONE Welterweight World Championship

ជោគជ័យ​ដ៏​អស្ចារ្យ​របស់ Kadestam គឺ​នៅ​ពេល​ការ​ពារ​ខ្សែ​ក្រវាត់​របស់​ខ្លួន​ក្នុង​ព្រឹត្តិការណ៍ ONE: REIGN OF VALOR ខែ​មីនា ឆ្នាំ​២០១៩ នៅ​ពេល​គាត់់​បាន​ផ្តួល Georgiy “Knight” Kichigin ក្នុង​ទឹក​ទី​២។

ខ្សែ​ក្រវាត់​ធ្លាក់​ទៅ​ម្ចាស់​ថ្មីទៀត

New ONE Welterweight World Champion Kiamrian Abbasov following his win in Jakarta, Indonesia in October 2019

នៅ​ពេល​ជើង​ខ្លាំង​ Kadestam កំពុង​ក្លាយ​​ជា​អធិរាជ​លើ​សង្វៀន​ក្នុង​ប្រភេទ​ទម្ងន់​នេះ កីឡាករ Abbasov ក៏​បាន​បង្ក​ព្យុះ​ភ្លៀង​ដោយ​បាន​យក​ឈ្នះ Thani និង Yushin “Thunder” Okami

ជ័យជម្នះ​ទាំង​ពីរ​ខាង​លើ​នេះ​ផ្តល់​ឲ្យ​គាត់​ឡើង​សមរភូមិ ONE: DAWN OF VALOR ដើម្បី​ដណ្តើម​ខ្សែ​ក្រវាត់​ពិភព​លោក​នៅ​ខែ​តុលា ឆ្នាំ​២០១៩ ហើយ​ជួប​ម្ចាស់​ខ្សែ​ក្រវាត់​ដោយ​ប្រើ​ពេល​៥​ទឹក​ពេញ។

ទោះ​បី​ជា​ម្ចាស់​ខ្សែ​ក្រវាត់​បាន​ព្យាយាម​ប្រើ​កណ្តាប់​ដៃ​ពី​ចម្ងាយ​ ទាត់​ក្រោម និង​ប្រើ​កែង​ដើម្បី​ទទួល​បាន​ពិន្ទុ ក៏មិន​អាច​យក​ប្រៀប​លើ​ Abbasov បាន​ឡើយ។

គាត់​​បាន​តាម​វ៉ៃ Kadestam ស្ទើរ​ពេញ​សង្វៀន​តាម​រយៈ​កណ្តាប់​ដៃ និង​ជង្គង់​តាម​ជំនាញ​ចំបាប់​របស់​គាត់។ បន្ទាប់​ពី​ប្រើ​ពេល​២៥​នាទី​នៃ​ទឹក​ទាំង​៥ Abbasov ទទួល​បាន​ជ័យជម្នះ និង​ក្លាយ​ជា​ម្ចាស់​ខ្សែ​ក្រវាត់​ពិភព​លោកថ្មី​ ONE Welterweight World Champion

បន្ទាប់​ពី​ឈ្នះ​ខ្សែ​ក្រវាត់ កីឡាករ​ដែល​មាន​មូលដ្ឋាន​នៅទី​ក្រុង​ Bishkek ប្រទេស​គីជីស្ថាន​បាន​ឡើង​ប្រកួត​ការពារ​ខ្សែ​ក្រវាត់​​ជោគជ័យ​លើក​ដំបូង​នៅ​ពេល​ប្រកួត​ជា​តារា​គុន​ចំបាប់​អាមេរិក James Nakashima ដែល​បានស្គាល់​បរាជ័យ​លើក​ដំបូង​ក្នង​​អាជីព​របស់​ខ្លួន​ដោយ​ចាញ់​សន្លប់​ក្នុង​ទឹក​ទី​៤នៅ​ព្រឹត្តិការណ៍ ONE: INSIDE THE MATRIX II ក្នុង​ខែ​វិច្ឆិកា ឆ្នាំ​២០២០។

កីឡាករ​រហស្សនាម​ “Brazen”ឥឡូវ​នេះ​កំពុង​​ក្លាយ​ជា​អធិរាជ​សង្វៀន​យ៉ាង​អង់អាច ប៉ុន្តែ​តាម​មើល​​ប្រវត្តិ​កម្រ​មាន​អ្នក​គ្រប់​គ្រង​បាន​យូរ​ណាស់ ដូច្នេះ​គ្មាន​នរណា​ម្នាក់​អាច​ប៉ាន់​ស្មាន​មុន​ថានឹង​មាន​អ្វី​ប្រែ​ប្រួល​ទៀត​នា​ពេល​ខាង​មុខ។

បញ្ហា​ចោទ​ថា តើអធិរាជ​សង្វៀន​ទម្ងន់​នេះ​ត្រូវ​បាន​អ្នក​​ថ្មី​គ្រប់​គ្រង​ម្តង​ទេ? ចាំ​មើល​ពេល​វេលា​១២​ខែ​ខាង​មុខ​នេះ៕

Read more: A Definitive History Of The ONE Strawweight World Championship