Features

តារា​ប្រដាល់​ឆ្នើម​​ៗ​ប្រចាំ​ ONE ព្យាកររៀង​ៗ​ខ្លួនរវាង​ Alvarez ប៉ះ Lapicus

ព្រឹត្តិការណ៍​ប្រកួត​ធំ​ប្រចាំ​ឆ្នាំ​នឹង​ផ្សាយ​ទៅ​កាន់​ម៉ោង​មាសតាម​រយៈ​ទូរទស្សន៍​នៅ​អាមេរិក​ខាង​ជើងថ្ងៃ​ពុធ ទី​៧​ ខែ​មេសា នេះ ខណៈ​កំពូល​អ្នក​ប្រដាល់​គុន​ចម្រុះ Eddie “The Underground King” Alvarez ប្រឈម​នឹង​ជើង​ខ្លាំង​វ័យ​ក្មេង Iuri Lapicus នៅ​ “ONE on TNT I” ក្នុង​តំណែង​គូ​ឯក​រង។

ជំនួប​ដ៏​អស្ចារ្យ​ទទួល​បាន​ការ​ចាប់​អារម្មណ៍​ខ្លាំង​ពី​អ្នក​ទស្សនា​ទូទាំង​ពិភព​លោក សូម្បី​តែ​ស៊ុបភើ​ស្តាររបស់​ONE ក៏​បាន​​ជជែក​គ្នា​ និង​​បាន​ព្យាករ​រៀង​ៗ​ខ្លួន។

ជើងខ្លាំង​ហ្វីលីពីន Eduard Folayang

Antonio Caruso fights Eduard Folayang in a mixed martial arts battle at ONE: INSIDE THE MATRIX on Friday, 30 October

«អ្នក​ទាំង​ពីរ​ល្អ​ដូច​គ្នា។ Eddie ជើង​ឯក​ចាស់​វស្សា តែ Iuri កំពុង​ឡើងជើង​ខ្លាំង។ Iuri នៅ​ក្មេង​ពោរពេញ​ដោយ​ថាម​ពល​ និង​ទំនុក​ចិត្ត។ Eddie មាន​បទ​ពិសោធ​ច្រើន​ណាស់។ វា​ពិបាក​ទាយ​ថា នរណា​ឈ្នះ​ណាស់ ជា​អ្នក​គាំទ្រ​ម្នាក់ ការ​ប្រកួត​នេះ​នឹង​​ល្អ​មើល»។

ខ្លា​ចាស់​ស៊ិចស៊ីជប៉ុន Yoshihiro Akiyama

Japanese-Korean mixed martial arts legend Yoshihiro Akiyama smiles

«គូ​នេះ​គួរ​មើល។ Alvarez មាន​អាវុត​មុត​ស្រួច និង​វ៉ៃ​ស្អាត។ ទម្រង់​របស់​គាត់​ល្អ។ ខ្ញុំ​ចូល​​ចិត្ត​មើល​ក្បាច់​វ៉ៃ​របស់​គាត់។ Alvarez នឹង​ឈ្នះ​ការ​ប្រកួត​នេះ។ គាត់​គួរ​ឈ្នះ ពីព្រោះ​ខ្ញុំ​ចង់​វ៉ៃ​ជា​មួយ​គាត់»។

តារា​ក្បាច់​គុន​កាណាដា Arjan Bhullar

Indian heavyweight Arjan Bhullar following his debut in October 2019

«Eddie បាន​ជួប​ដៃ​គូ​ខ្លាំង​​ៗ​ច្រើន​នៅ​ក្នុង​អាជីព និង​ពេល​វេលា​គាត់​នៅ ONE។ ខ្ញុំ​គិត​ថា  Iuri មិន​មែន​ជា​ដៃគូ​រារាំង​គាត់​បាន​ទេ។ Eddie មាន​ប្រៀប​ទាំង​ក្បាច់ និងបទ​ពិសោធ»។ គាត់​នឹង​ឈ្នះ»។

អ្នក​លេង​គុន​ចម្រុះកាណាដា Gurdarshan Mangat

Indian mixed martial artist Gurdarshan Mangat«Eddie មាន​អ្វី​ៗ​ទាំង​អស់ តែ Iuri ជា​ក្របី​កំពុង​ឡើង​ក​​ដែល​នឹង​មាន​អ្វី​ភ្ញាក់​ផ្អើល។ ខ្ញុំ​គិត​​ថា  Eddie លេច​ធ្លោ​ជាង។ គាត់​នឹង​ឈ្នះ​ដោយ​សន្លប់​ ឬ​ពិន្ទុ»។

អ្នក​ប្រយុទ្ធ​ឥណ្ឌូណេស៊ី Stefer Rahardian

Stefer Rahardian celebrates his win against Adrian Mattheis at ONE DAWN OF VALOR

«ខ្ញុំ​ពិត​ជា​មាន​ទំនុក​ចិត្ត​លើ Alvarez ដែល​មាន​បច្ចេកទេស​ល្អ និង​វ៉ៃ​ពឹង​លើ​សមត្ថភាព មិន​មែន​ពឹង​លើ​កម្លាំង​បាយ។ ខ្ញុំ​ចង់​ឃើញ Alvarez ឈ្នះ។ ប៉ុន្តែ​វា​ពិបាក​នៅ​ពេល​គាត់​វ៉ៃ​ជា​មួយ​កីឡាករ​វ័យ​ក្មេង​មាន​ទេព​កោសល្យ និង​កំពុង​ឡើង​ជើង។ ចាប់​តាំង​ពី​ Iuriចាញ់​ក្នុង​ការ​ប្រកួត​ខ្សែ​ក្រវាត់​ជា​មួយ Christian Lee] ​គាត់​ច្បាស់​ជា​រៀង​សូត្រ​ពីកំហុស​ច្រើន»។

កូន​នាគជប៉ុន Yuya Wakamatsu

Japanese MMA star Yuya Wakamatsu fights South Korean phenom Kim Kyu Sung at ONE: INSIDE THE MATRIX II in Singapore

«វាពិត​ជា​ពេល​វេលា​ដែល​យើង​ត្រូវ​តាម​ដាន​មើល។ ខ្ញុំគិត​ថា  Lapicus នឹង​ឈ្នះ​ដោយ​ផ្តួល​ដៃ​គូ​ឲ្យ​សន្លប់»។

បុរស​អង់គ្លេស​កាត់​ឥណ្ឌូណេស៊ី Anthony Engelen

Dutch Indonesian MMA fighter Anthony Engelen climbs the Circle Wall

«Iuri នៅ​ក្មេង និង​មាន​ស្មារតីខ្លាំង​ក្លា ដែល​ធ្វើ​ឲ្យ​គាត់​មាន​ប្រៀប។ គាត់​មាន​ប្រៀប​ទាំង​កម្ពស់ និង​អាវុធ​ចេញ​បាន​ឆ្ងាយ ខណៈ Eddie ពោរពេញ​ដោយ​បទ​ពិសោធ​លើ​ឆាក​អន្តរជាតិ។ ខ្ញុំ​ចង់​ឃើញ Eddie សន្សំ​ពិន្ទុ​បាន​វ៉ៃ​ខ្សែ​ក្រវាត់​ពិភព​លោក និង​បន្ថែម​កំណត់​ត្រា»។ 


ខ្លាញីឥណ្ឌា Ritu Phogat

Ritu Phogat fights Nou Srey Pov in a mixed martial arts battle at ONE: INSIDE THE MATRIX on Friday, 30 October

«គូ​នេះ​ជា​ការ​ប្រកួត​គួរ​ឲ្យ​ចង់​មើល។ ខ្ញុំ​គិត​ថា អ្នក​គាំទ្រ​ទន្ទឹង​រង់ចាំ។ Eddie មាន​បទ​ពិសោធ​ច្រើន​ណាស់ តែ Iuri មានអាជីព​ប្រដាល់​គួរ​ឲ្យ​ចាប់​អារម្មណ៍​ណាស់។ វា​តឹង​តែង​តែ​ខ្ញុំ​គិត​ថា  Iuri នឹង​ឈ្នះ»។

ជើង​ខ្លាំង​ជប៉ុន Tatsumitsu Wada

MMA stars Tatsumitsu Wada and Yodkaikaew Fairtex fight at ONE: COLLISION COURSE«វា​ច្បាស់​ណាស់​ថា ការប្រកួត​នេះ​ពោរពេញ​ដោយ​កណ្តាប់ដៃ។ ខ្ញុំ​គិត​ថា Alvarez នឹង​មិន​បាន​ប្រើ​ភាព​ខ្លាំង​របស់​ខ្លួន​ច្រើន​ទេ ពី​ព្រោះ​គាត់​នឹង​ព្យាយាម​ថយ​ក្រោយ។ ដូច្នេះ​ខ្ញុំ​​គិត​ថា វា​នឹង​ល្អ​មើល ប្រសិន​បើ​គាត់​មិន​ថយ​ក្រោយ​ដោយ​ហ៊ាន​​តទល់​»។

ខ្លា​ចាស់​ឥណ្ឌូណេស៊ី Abro Fernandes

Indonesian mixed martial artist Abro Fernandes wears the winner's medal

«ខ្ញុំ​គិត​ថា  Alvarez ចង់​ឈ្នះ។ គាត់​នឹង​រក​ចន្លោះ​ដើម្បី​ទម្លាយ​ភាព​ខ្លាំង​របស់ Lapicus ដែល​មាន​អាវុធ​គ្រោះ​ថ្នាក់ និង​កម្លាំង​ខ្លាំង។ Lapicus នឹង​ប្រើ​អាវុធ​វែង ហើយ​ឈ្នះ​ដោយ​សន្លប់។ បើ​ពុំ​នោះ​​ទេ​ឈ្នះ​ពិន្ទុ​ដាច់»។

កីឡាករ​ឥណ្ឌូណេស៊ី Sunoto

Indonesian mixed martial artist "The Terminator" Sunoto takes a knee

«កីឡាករ Eddie Alvarez គ្មាន​អ្វី​ត្រូវ​ចម្លែក​ទេ។ គាត់​ល្បី​ និង​ខ្លាំង​យូរ​ហើយ ប៉ុន្តែ​ Iuri Lapicus ជា​កីឡាករវ័យ​ក្មេង​ដែល​​កំពុង​ទទួល​បាន​ការ​ចាប់​អារម្មណ៍។ តាម​ពិត​ទៅ ខ្ញូំ​ភ្ញាក់​ផ្អើល​នៅ​ពេល​គាត់​ចាញ់​ Christian Lee។ ខ្ញុំ​មាន​អារម្មណ៍​ថា ការ​ប្រកួត​របស់ Lapicus ល្អ។ ខ្ញុំ​គិត​ថា Lapicus នឹង​ឈ្នះ ពី​ព្រោះ​គាត់​ចម្ងាយ​វ៉ៃ​ចេញ​ល្អ។ វា​នឹង​បាន​ប្រហែល​ជា​២​ទឹក​ប៉ុណ្ណោះ។ បើ​មិន​ចុះ​ចាញ់​ទេ ក៏​សន្លប់​ដែរ»។

អ្នក​លេង​គុន​ចម្រុះ​ថៃ Yodkaikaew ‘Y2K’ Fairtex

Yodkaikaew Fairtex flexes in the Circle

«​ការ​ប្រកួត​នេះ ខ្ញុំ​គិត​ថា  Iuri នឹង​ឈ្នះ ប្រហែល​ជា​ក្នុង​ទឹក​ទី​២។ គាត់​ក្មេង​ជា​ Eddie ១២​ឆ្នាំ ប៉ុន្តែ​ Eddie មាន​បទ​ពិសោធ​ច្រើន។ ខ្ញុំ​គិត​​​ថា Iuri មាន​ប្រៀប​ជាង ជា​ពិសេស​ក្បាច់​វ៉ៃ​ឈរ ពី​ព្រោះ​គាត់​ហាត់​ជា​មួយ​ Petrosyan។ គាត់​មាន​ឱកាស​ល្អ​នឹង​បញ្ឈប់​ការ​ប្រកួត​ដោយ​ផ្តួល​ដៃ​គូ​ឲ្យ​សន្លប់ ប៉ុន្តែ​បើ​ការ​ប្រកួត​ចប់​៣​ទឹក វា​នឹង​ប្រផុត​ប្រផើយ»៕

Read more: 5 Reasons To Watch The ‘ONE On TNT I’ Main Card

មើល​​បន្ថែម

Stay in the know

Take ONE Championship wherever you go! Sign up now to gain access to latest news, unlock special offers and get first access to the best seats to our live events.