Features

ហេតុ​ផល​ចំនួន​៥​ដែល​គេ​គិត​ថា​ ONE: UNBREAKABLE​ ​ពិត​ជា​រំភើប​ខ្លាំង

ស្ថាប័ន​រៀប​ចំ​ព្រឹត្តិការណ៍​លំដាប់​ពិភព​លោក​​នឹង​ចាប់​ផ្ដើម​ឆ្នាំ២០២១​​ ដោយ​មាន​គូ​ដណ្ដើម​ខ្សែ​ក្រវាត់​​ដែល​​នឹង​ផ្ដល់​​ភាព​រីករាយ​បំផុត​​​ដល់​អ្នក​គាំទ្រ​ទូទាំង​ពិភព​លោក។

ព្រឹត្តិការណ៍​ ONE: UNBREAKABLE ​​ត្រូវ​រៀប​ចំ​នៅ​កីឡដ្ឋាន​ Singapore Indoor Stadium ​នា​ថ្ងៃ​សុក្រ​ទី​ ២២ ខែ មករា​ ខាង​មុខ​​ដោយ​មាន​គូ​ដណ្ដើម​ខ្សែ​ក្រវាត់​​​ពិភព​លោក​ជា​គូ​ឯក​​​អម​ដោយ​តារា​ល្បី​ៗ​ជា​ច្រើន​ទៀត។
​នេះ​ជា​ហេតុ​ផល​ចំនួន​៥​ ដែល​​អ្នក​គាំទ្រ​ច្បាស់​ជា​រំភើប​រីករាយ​​ចំពោះ​ការ​ប្រកួត​ឃីកបុកសីង​ និង​គុន​ចម្រុះ​នៅ​ទី​ក្រុង​សិង្ហបុរី។

#1 ​អ្នក​លេង​កណ្ដាប់​ដៃ​ធ្ងន់​ជួប​​គ្នា​ក្នុង​គូ​ឯក​

Alaverdi “Babyface Killer” Ramazanov ​​ដែល​ជា​​ម្ចាស់​ខ្សែ​​ក្រវាត់​ឃីកបុក​សីង​ពិភព​លោក​ ONE Bantamweight Kickboxing World Champion ​នឹង​ឡើង​ការពារ​ខ្សែ​ក្រវាត់​ទល់​នឹង​ Capitan Petchyindee Academy ​ក្នុង​នាម​ជា​គូ​ឯក​ និង​ដាក់​គោល​ដៅ​ធ្វើ​ឲ្យ​ទស្សនិកជន​​​​សប្បាយ​រីករាយ​ក្រៃ​លែង។ ​

​Ramazanov ​មាន​ជំនាញ​កណ្ដាប់​ដៃ​ និង​ប្រយុទ្ធ​អង់អាច​មិន​ដក​ថយ​ ប៉ុន្តែ​គេ​នឹង​ជួប​បុរស​មាន​ស្ទិល​ប្រកួត​ស្រដៀង​​ៗ​គ្នា​នេះ។ ​​ Capitan ​ប្រើ​​​កណ្ដាប់​ដៃ​មួយ​ដៃ​ពេញ​​ត្រឹម​ ៦ ​វិនាទី​ប៉ុណ្ណោះ​​ដើម្បី​ផ្ដួល​ Petchtanong Petchfergus ​នៅ​​ព្រឹត្តិការណ៍​ ONE: A NEW BREED III ​កាល​ខែ​​កញ្ញា​ ​កន្លង​ទៅ​ក្នុង​​ការ​ប្រកួត​​ ONE Super Series។ ​
ការ​ផ្ដួល​ដៃ​គូ​ឲ្យ​សន្លប់​នេះ​នាំ​ឲ្យ​រូប​គេ​​កើន​ចំណាត់​ថ្នាក់​លេខ​២​​ក្នុង​ប្រភេទ​ទម្ងន់​ខាង​លើ​ ​និង​មាន​ឱកាស​ទៅ​ដណ្ដើម​ខ្សែ​​ក្រវាត់​ពិភព​លោក​​ទល់​នឹង​កីឡាករ​រុស្សី។​ ​​​កណ្ដាប់​ដៃ​របស់​ Capitan ​លឿន​ដូច​ផ្លេក​បន្ទោរ​​ដែល​អាច​បញ្ចប់​គូ​ប្រកួត​រូប​ណា​ក៏​បាន​​ពេល​ទល់​មុខ​ដាក់​គ្នា។ ​​ក្នុង​នោះ​គេ​​ក៏​មាន​លទ្ធភាព​​អាច​ផ្ដួល​ “Babyface Killer”​ ផង​ដែរ។ ​

Ramazanov ​បាន​ផ្ដួល​ Andrew “Maddog” Miller និង​ Ognjen Topic ​ឲ្យ​សន្លប់​មុន​ជួប​​​ជើង​ខ្លាំង​មក​ពី​ក្លិប​ Petchyindee Academy ​ដែល​មាន​ជំនាញ​កណ្ដាប់​ដៃ​ល្អ និង​ដាក់​ក្ដី​រំពឹង​​កាន់​ខ្សែ​ក្រវាត់​ ONE Bantamweight ​​នា​ឱកាស​នេះ។ ​

#2 ​​វីរបុរស​​ស្វាគមន៍​គូ​ប្រជែង​​ទើប​​​ទម្លាក់​​មក​ទម្ងន់​ Lightweight

កីឡាករ​មាន​ឈ្មោះ​បោះ​សំឡេង​ម្នាក់​ក្នុង​ប្រវត្តិ​សាស្ត្រ​​របស់​ ONE Championship ​​​ត្រលប់​មក​សង្វៀន​វិញ។ ​
Shinya “Tobikan Judan” Aoki ​ដែល​ជា​គូ​ប្រជែង​លំដាប់​ទី​​៤​ក្នុង​ទម្ងន់​ lightweight ​នឹង​​ត្រលប់​មក​ជួប​កីឡាករ​គំរាមកំហែង​​ខ្ពស់​​​នៅ​កម្មវិធី​ ONE: UNBREAKABLE។​ ​​James Nakashima ​ដែល​ធ្លាប់​ប្រជែង​ខ្សែ​ក្រវាត់​ Welterweight ​ផង​នោះ​​ទម្លាក់​ទម្ងន់​មក​ប្រកួត​​ lightweight ​លើក​ដំបូង​​ និង​រំពឹង​ថា​​អាច​​ឈរ​ជើង​​ដើម្បី​ទៅ​ដណ្ដើម​ខ្សែ​ក្រវាត់​​នា​​​ថ្ងៃ​មុខ។

តាម​រយៈ​​ការ​ប្រកួត​​​ទល់​នឹង​​ម្ចាស់​ខ្សែ​ក្រវាត់​​ welterweight​ ​កីឡាករ​ Kiamrian “Brazen” Abbasov ​កាល​ខែ ​វិច្ឆិកា​ ​ជើង​ខ្លាំង​​​អាមេរិក​​អាច​​នឹង​បង្ហាញ​ខ្លួន​ល្អ​បំផុត​ក្នុង​ការ​ប្រកួត​នេះ។ ​បើ​សិន​រូប​​​គេ​ទទួល​ជ័យជម្នះ​​​ទល់​នឹង​​ Aoki ​​ ជើង​ខ្លាំង​ Nakashima ​បាន​ក្លាយ​ជា​គោល​ដៅ​​គំរាមកំហែង​ខ្លាំង​​លើ​ប្រភេទ​ទម្ងន់​ថ្មី​នេះ។

បែប​​ណា​ក្ដី​ “Tobikan Judan” ​​មាន​បទ​ពិសោធន៍​ខ្ពស់​ និង​ជា​​​កីឡាករ​ដ៏​គ្រោះ​ថ្នាក់​ម្នាក់។ ​​កីឡាករ​ជប៉ុន​ក៏​ចង់​ស្ដារ​មុខមាត់​ឡើង​វិញ​​ ក្រោយ​របូត​ខ្សែ​ក្រវាត់​​ដោយ​ថ្វី​ដៃ​ Christian “The Warrior” Lee ​កាល​ខែ ​ឧសភាព​ឆ្នាំ ២០១៩។ ​​ អ្នក​ទទួល​ជ័យជម្នះ​​នឹង​​កាន់​តែ​ខិត​ជិត​​ធ្វើ​ដំណើរ​ឆ្ពោះ​ទៅ​ដណ្ដើម​ខ្សែ​ក្រវាត់​ពី​ Lee ​មិន​ខាន។​​



#3 ​តារា​ទម្ងន់ ​Heavyweights ​ប៉ះ​គ្នា​

នេះ​ជា​តារា​ទម្ងន់​ heavyweights ​ជួប​គ្នា​នៅ​​កម្មវិធី ONE Super Series ពោល​​រវាង​​ Rade Opacic ​និង​ Patrick “Big Swiss” Schmid ។ អ្នក​ទាំង​ពីរ​មាន​ជំនាញ​លំដាប់​ពិភព​លោក​​ដែល​អាច​បញ្ចប់​គូ​ប្រកួត​គ្រប់​វិនាទី។ ​
Opacic ​​ដែល​ជា​ជើង​ខ្លាំង​សញ្ជាតិ​ស៊ែប​​បាន​ផ្ដួល​គូ​ប្រកួត​ឲ្យ​សន្លប់​គួរ​ឲ្យ​ចាប់​អារម្មណ៍​ក្នុង​ចំណោម​​​ជ័យជម្នះ​សន្លប់​ទាំង​ឡាយ​​​នៅ​ឆ្នាំ​២០២០​ កាល​បង្ហាញ​ខ្លួន​លើក​ដំបូង។ ​ អ្នក​គាំទ្រ​នឹង​បាន​ឃើញ​ស្នៀត​​​​ល្អ​ៗ​របស់​គេ​ពេល​ត្រលប់​មក​វិញ។ ​​​ជើង​ឯក​​មួយ​ថៃ​​នៅ​ប្រទេស​ស៊ែប​​​​បាន​ប្រកួត​យ៉ាង​គឃ្លើន​​ទល់​នឹង​​ Errol “The Bonecrusher” Zimmerman ​នៅ​ព្រឹត្តិការណ៍​ ONE: BIG BANG II ​កាល​ខែ​ ធ្នូ​ មុន​ពេល​​ប្រើ​ស្នៀត​ទាត់​បង្វិល​កែង​ជើង​​ផ្ដួល​ដៃ​គូ​ឲ្យ​សន្លប់​ទឹក​ទី២។

​ត្រឹម​វ័យ​២៣​ឆ្នាំ​ Opacic ​ជា​កីឡាករ​វ័យ​ក្មេង​ម្នាក់​ក្នុង​ទម្ងន់​ heavyweight ​ ​ប៉ុន្តែ​គេ​ដាក់​គោល​ដៅ​កើន​ចំណាត់​ថ្នាក់​ជា​​បន្តបន្ទាប់។

​ចំណែក​ “Big Swiss” ​មាន​វ័យ​ ៣៤ ​ឆ្នាំ​ជា​​​អ្នក​​មាន​ជំនាញ​មួយ​ថៃ​, ​ឃីកបុកសីង, ​សាន់​ដា​, និង​ ប្រដាល់​សកល​។ ​​គេ​ជា​ម្ចាស់​ជើង​ឯក​ ISKA European Kickboxing Champion ​ពោរ​ពេញ​ដោយ​បទ​ពិសោធន៍ ​និង​​​មាន​បំណង​ផ្ដួល​គូ​ប្រកួត​​ទៀត​ផង។ ​
តើ​កីឡាករ​ក្មេង​​ឬ​វ័យ​ចាស់​មាន​ប្រៀប​ក្នុង​ការ​ប្រកួត​នេះ?​

#4 គូ​ប្រកួត​ផ្សេង​ៗ​ទៀត

គូ​ប្រកួត​ផ្សេង​ៗ​ទៀត​សុទ្ធ​តែ​​​មាន​សក្ដានុពល​​ខិត​ជិត​ទៅ​ដណ្ដើម​​ខ្សែ​ក្រវាត់​​ពិភព​លោក​។ ​
Zebaztian “The Bandit” Kadestam ​​​ដែល​ជា​អតីត​ម្ចាស់​ខ្សែ​ក្រវាត់​​ពិភព​លោក​ ONE Welterweight ​នឹង​​ត្រលប់​មក​វិញ​ជួប​​​កីឡាករ​រុស្សី​មិន​ដែល​ចាញ់​ Gadzhimurad Abdulaev។ ​

​​​លើស​​ពី​នេះ​ទៅ​​ទៀត​ ​​​ជើង​​ខ្លាំង​លំដាប់​លេខ​២​​ Meng Bo ​នឹង​​ប៉ះ​ Samara “Marituba” Santos អតីត​គូ​ប្រជែង​​ខ្សែ​ក្រវាត់​ ONE Women’s Strawweight ​ក្នុង​គូ​សំខាន់​នៃ​ទម្ងន់​ atomweight ។ ​រី​ឯ​​​ Lito “Thunder Kid” Adiwang ​ជួប​ “Wolf of the Grasslands” Hexigetu។ ​

Kadestam, ​Meng,​ និង​ Adiwang ​​​កំពុង​ស្វែង​រក​ចំណុច​កំពូល​ ​ខណៈ​ដែល ​គូ​ប្រជែង​​​ក៏​កំពុង​រៀប​​ជើង​ព្រួល​​ដើម្បី​ផ្ដួល​គូ​បដិបក្ខ​ដូច​គ្នា​ក្នុង​ដំណោះ​ឆ្ពោះ​ទៅ​រក​ជ័យជម្នះ​​នា​ថ្ងៃ​ទី ២២ ​ខែ ​មករា។ ​

#5 ​ការ​ចាប់​ផ្ដើម​ដ៏​ស្រស់​បំព្រង

 

មនុស្ស​ជុំ​វិញ​ពិភព​លោក​មាន​អារម្មណ៍​ថា​ជះ​ឥទ្ធិពល​​ដោយ​សារ​កូវីដ-​១៩​ ​នៅ​ឆ្នាំ​២០២០​។ ​ប៉ុន្តែ​ពេល​នេះ​​​ហាក់​មាន​ពន្លឺ​ឡើង​វិញ​ ​​ព្រោះ​អត្តពលិក​ និង​អ្នក​គាំទ្រ​​ហាក់​បី​ដូច​កំពុង​ទន្ទឹង​រង់​ចាំ​​ព្រឹត្តិការណ៍​ធំ​ៗ​ជា​ច្រើន ​និង​ ​ការ​ចាប់​គូ​​ដ៏​ល្អ​បំផុត​នៅ​​សង្វៀន​លំដាប់​ពិភព​លោក​​​នា​ឆ្នាំ​នេះ។
ONE Championship ​​ត្រូវ​បាន​បង្ខំ​ឲ្យ​​ផ្អាក​​​ព្រឹត្តិការណ៍​មួយ​ចំនួន​ដោយ​សារ​តែ​មេរោគ​ឆ្លង​ប៉ុន្តែ​ ​កម្មវិធី​ប្រកួត​បាន​ត្រលប់​មក​វិញ​​នៅ​ឆមាស​ទី​២​នៃ​ឆ្នាំ​២០២០​ ​ជា​មួយ​នឹង​លទ្ធផល​ផ្លែ​ផ្កា​ជា​ច្រើន។ ​
ជា​​ថ្មី​ម្ដង​ទៀត​ ​សង្វៀន​លំដាប់​ពិភព​លោក​​ គ្រោង​ចាប់​ផ្ដើម​ឆ្នាំ​ថ្មី​​ដ៏​ស្រស់​បំព្រង​​​តាម​រយៈ​ព្រឹត្តិការណ៍​ដំបូង​ឈ្មោះ​ ONE: UNBREAKABLE។​ ​​ ​តើ​ការ​ចាប់​ផ្ដើម​ឆ្នាំ​២០២១​ នឹង​ផ្ទុះ​ឡើង​កម្រិត​ណា? ​

ចុចអាន: How Muay Thai Gave Alaverdi Ramazanov A Purpose In Life