Board of Directors

"Largest sports media property in Asia’s history."
"Asia's largest global sports media company."
"Asia's largest martial arts organization."
"Asia's largest sports media company."
"Premier martial arts organization in Asia."
Chatri Sityodtong, ONE Championship Chairman and CEO
លោក​ Chatri Sityodtong
ប្រធាន​​​ក្រុម​ប្រឹក្សា​នាយក

លោក Chatri Sityodtong ​គឺ​ជា​​ស្ថាបនិក​,​ ​ប្រធាន​ ​និង​ជា​នាយក​ប្រតិបត្តិ​​នៃ​​​ស្ថាប័ន​ ONE Championship​ ដែល​ជា​ប្រព័ន្ធ​ផ្សព្វផ្សាយ​​កីឡា​​​ធំ​បំផុត​​​​លើ​សកល​​​លោក​​ក្នុង​ប្រវត្តិ​សាស្ត្រ​ទ្វីប​អាស៊ី​ដោយ​​​ផ្សព្វផ្សាយ​ទៅ​កាន់​​​អ្នក​គាំទ្រ​​​មាន​​​សក្ដានុពល​ប្រមាណ​​​​ជាង​​ ២,៧​​ ​ប៊ីលាន​លាន​​នាក់​​​​​ និង​ ​គ្រប់​ដណ្ដប់​ការ​ផ្សាយ​ជាង​​១៥០​ប្រទេស​​ក្នុង​ពិភព​លោក។

ONE Championship ​គឺ​ជា​​​ការ​​អបអរ​ទៅ​នឹង​​សម្បត្តិ​វប្បធម៌​​​ដ៏​ល្អ​ផូរផង់​​​ប្រចាំ​ទ្វីប​អាស៊ី​ និង​ ​​ជា​សមាហរណកម្ម​​ដ៏​​ជ្រាលជ្រៅ​​នៃ​តម្លៃ​វប្បធម៌​អាស៊ី​,​ ​សុចរិកភាព សេចក្តី​ឱន​លំទោន កិត្យានុភាព គារវកិច្ច ភាព​​អង់​អាច​ក្លាហាន​ ​វិន័យ ​និង​ ​សេច​​ក្ដី​​មេត្តា​។ ​​ ​តាម​រយៈ​​ឥទ្ធិពល​នៃ​​ប្រព័ន្ធ​ផ្សព្វផ្សាយ ​និង​ ​រឿង​រ៉ាវ​ដ៏​​អស្ចារ្យ ONE Championship ​​​​ស្ថិត​នៅ​ក្នុង​បេសកកម្ម​​​បង្ហាញ​​​វីរបុរស​​​ពិតៗ​,​ ​​​អបអរ​សាទរ​​នូវ​តម្លៃ​​មិន​អាច​កាត់​ថ្លៃ​បាន​​​, ​បង្កើត​​ក្ដី​ស្រមៃ,​​ ​លើក​កម្ពស់​​​តម្លៃ​​នៃ​​ជាតិ​នីមួយ​ៗ​ និង​ ​ផ្លាស់​ប្ដូរ​ពិភព​លោក។

​Sityodtong ​​​គឺ​ជា​មនុស្ស​អភិវឌ្ឍ​​ខ្លួន​ទៅ​ជា​​សហគ្រិន​ដោយ​ខ្លួន​ឯង​ និង​ ​ជា​អ្នក​ហាត់​ក្បាច់​​គុន​ដ៏​យូរ​​លង់​ម្នាក់​មក​ពី​ប្រទេស​ថៃ។ ​​​លោក​​មាន​ជីវិត​​ដ៏​ជូរចត់​កើត​ចេញ​ពី​​​អ្នក​ក្រីក្រ​ម្នាក់​រហូត​ដល់​​​អាច​​​​​​ជំរុញ​​និង​លើក​​ទឹក​​ចិត្ត​​​ដល់​មនុស្ស​រាប់​លាន​នាក់​​ជុំ​វិញ​ពិភព​លោក​​​តាម​រយៈ​ប្រព័ន្ធ​​ផ្សព្វផ្សាយ​ដូច​​​ជា​ BBC, CNN, Bloomberg, CNBC ​និង​ ​ប្រព័ន្ធ​ផ្សព្វផ្សាយ​ធំ​ៗ​ជា​ច្រើន​ទៀត។ ​​ លោក​​ក៏​​ជា​មនុស្ស​​ម្នាក់​ដែល​​បង្កើត​កម្មវិធី​​ទូរទស្សន៍​​ឈ្មោះ​​«The Apprentice»​​​ ​ដោយ​​ផលិត​ជា​​ភាគ​​​ៗ​លំដាប់​ពិភព​លោក។

ថ្មីៗ​​នេះ​ ​ទស្សនាវដ្ដី​ Forbes ​បាន​ជ្រើស​រើស​លោក​​ Sityodtong ​​មហាសេដ្ឋី​​ជំនាន់​ក្រោយ​ម្នាក់​ប្រចាំ​ទ្វីប​អាស៊ី។ ​លោក​ Sityodtong ​ក៏​ត្រូវ​​គេ​ដាក់​ឈ្មោះ​​ថា​ «Asia’s King of Martial Arts»​ ឬ ​​ភាសា​ខ្មែរ «​ស្ដេច​​​នៃ​ក្បាច់​​គុន​ប្រចាំ​ទ្វីប​អាស៊ី​» ​ដោយ​​សារព័ត៌មាន​​ Financial Times ​ ​និង​ ​ត្រូវ​ជ្រើស​​ជា​មនុស្ស​ស្ថិត​នៅ​លំដាប់​​ពីរ​ដែល​​មាន​​​ឥទ្ធិពល​បំផុត​ក្នុង​ពិភព​​កីឡា​​​ប្រចាំ​ទ្វីប​អាស៊ី​ដោយ​​សារព័ត៌មាន​ FOX Sports។ ​លោក​​ក៏​ជា​មនុស្ស​ម្នាក់​​ពូកែ​វោហារ​​នៅ​ក្នុង​កម្មវិធី​​ពាណិជ្ជ​កម្ម​កម្រិត​ពិភព​លោក​​ជា​ច្រើន​ដូច​ជា​​កម្មវិធី​ Forbes Global CEO Conference, Milken Institute, CNBC Asia Business Leaders Awards, YPO Edge, Global Entrepreneurship Summit (GES), Cannes Lions, Asian Leadership Conference​ ​និង​មាន​ច្រើន​ទៀត។ ​ ​លោក​ ​Sityodtong ​ត្រូវ​បាន​​គេ​ចុះ​ផ្សាយ​​អំពី​ខ្សែ​ជីវិត​​លើ​​ទស្សនាវដ្ដី​ល្បី​ៗ​ដូច​ជា​ Inc, Esquire,​ Playboy, CEO, Wealth, Tatler,​ The Peak, Millionaire Asia, Black Belt, ​និង​ ​​ប្រព័ន្ធ​ផ្សព្វផ្សាយ​​​ផ្សេង​​ទៀត។ ​​​លោក​​ក៏​ជា​សមាជិក​​សហគ្រិន​នៅ​សាលា​ INSEAD ដែល​ជា​​​សាលា​ផ្នែក​ពាណិជ្ជ​កម្ម​​មួយ​លំដាប់​ពិភព​លោក។

ដោយ​បាន​ចូល​ជា​សមាជិក​ Black Belt Hall of Fame ​លោក​ Sityodtong ​​​​ទទួល​បាន​បទពិសោធន៍​​ជាង​​ ៣៥​ ​ឆ្នាំ​ក្នុង​វិស័យ​ក្បាច់​គុន​​ក្នុង​នាម​ជា​សិស្ស, ​កីឡាករ, គ្រូ​​បង្វៀន​ និង​ ​​​​គ្រូ​បង្វឹក​ផង។ ​​លោក​ Sityodtong ​គឺ​​ជា​​គ្រូ​​​បង្វឹក​​ក្បាច់​មួយ​ថៃ​កម្រិត​ខ្ពស់​ម្នាក់​ដែល​គេ​ទទួល​ស្គាល់​ក្រោម​​ការ​បង្វឹក​របស់​វីរបុរស​​​មួយ​ថៃ​​​ Kru Yodtong Senanan។​ លោក Kru Yodtong Senanan ​​​​ត្រូវ​បាន​​គេ​ទទួល​ស្គាល់​លំដាប់​ពិភព​​ថា​ជា​​ម្ចាស់​ក្លិប​ Sityodtong Gym ​នៅ​ប្រទេស​ថៃ។ ​​ ​លោក Sityodtong​​ ​ក៏​​​ទទួល​បាន​កម្រិត​ខ្សែ​ក្រវាត់​​ពណ៌​ស្វាយ​​​ពី​ក្បាច់​គុន​ជឺជិតស៊ូ​ផង​ដែរ​ ក្រោម​ការ​បង្វឹក​របស់​គ្រូ​កម្រិត​ខ្ពស់​ ឬ ​គ្រូ​តា​ Renzo Gracie។

លោក​ Chatri Sityodtong ​​​កាន់​សញ្ញាប័ត្រ​​កម្រិត​​អនុបណ្ឌិត​​មក​ពី​​​សាលា​​ពាណិជ្ជ​កម្ម​ Harvard Business School និង​ ​បរិញ្ញាបត្រ​​មក​ពី​សាកល​វិទ្យាល័យ​ Tufts ​របស់​​អាមេរិក។


Saurabh Mittal, Vice Chairman
លោក Saurabh Mittal
អនុ​ប្រធាន​

Saurabh Mittal ​​បាន​​បង្កើត​​សហគ្រិន​ដោយ​ខ្លួន​ឯង​​ដែល​មាន​លុយ​រាប់​​សិប​លាន​​ដុល្លារ​អាមេរិក​ និង​ ជា​អ្នក​វិនិយោគទុន​​ដែល​មាន​​យុទ្ធ​សាស្ត្រ​ខ្លាំងក្លា​​​​ទៀត​​ផង។ ​ Saurabh Mittal ​​​​គឺ​ជា​​មនុស្ស​ម្នាក់​ដែល​​ទទួល​ខុស​ត្រូវ​​ដ៏​សំខាន់​ផ្នែក​​ការ​ផ្ដួចផ្ដើម​យុទ្ធសាស្ត្រ​នៅ​​ ONE Championship។​ ​លើស​ពី​នេះ​ទៅ​ទៀត​​ ​លោក​​​ក៏​បាន​ជួយ​ជំរុញ​ដល់​យុទ្ធសាស្ត្រ​​​ទូទៅ​ និង​ ​ដំណើរ​ការ​​​ប្រតិបត្តិការ​​សម្រាប់​​ក្រុម​ហ៊ុន​ដែរ។​ Saurabh ​​ក៏​បាន​ដឹក​នាំ​​​ក្រុម​ប្រជុំ​​​ក្នុង​កិច្ច​​សហប្រតិបត្តិការ​ធំៗ​​​នៅ​ ONE Championship ​ទៀត​ផង។

លោក​ជា​​ស្ថាបនិក​​ និង​ជា​ប្រធាន​​ក្រុម​ហ៊ុន​ Mission Holdings ​ដែល​ជា​​ក្រុម​ហ៊ុន​វិនិយោគ​​ឯក​ជន​​​កម្រិត​អន្តរជាតិ​មួយ។ ​លោក​ Mittal ​​​​​​​បាន​​ចាប់​ដៃ​គូ​ជា​មួយ​សហគ្រិន​​លំដាប់​​អន្តរជាតិ​ជា​ច្រើន​ទៀត​ក្នុង​គោល​ដៅ​បង្កើត​​ឱកាស​កើប​ប្រាក់​លាន​បន្ថែម​ទៀត​ និង​ ជួយ​ជ្រោមជ្រែង​ពួក​គេ​​នូវ​​វិសាលភាព​ទាំង​​ផ្នែក​​រៀប​ចំ​​ដើម​ទុន​ និង​ ​​​ ​ការ​បង្កើន​យុទ្ធសាស្ត្រ​នៃ​​ក្រុម​​ហ៊ុន។

Mission Holdings ​ជា​ក្រុម​ហ៊ុន​លក់​ភាគ​ហ៊ុន​ដ៏​ធំ​បំផុត​មួយ,​ ​ប្រតិបត្តិការ​​ភាព​​ជា​ដៃ​គូ​ពិត​ប្រាកដ​ដែល​ដោះ​ស្រាយ​គ្រប់​បញ្ហា​ប្រឈម​​ និង​​ ​ប្រតិបត្តិការ​​ខាង​ជំនួញ។ ​​​ជា​មួយ​គ្នា​នោះ​លោក​ក៏​កាន់កាប់​​ភាគ​ហ៊ុន​មួយ​ចំនួន​នៅ​ ONE Championship (ប្រព័ន្ធ​ផ្សព្វផ្សាយ​កីឡា​ធំ​បំផុត​ប្រចាំ​​​ទ្វីប​អាស៊ី​ដែល​​មាន​អ្នក​ទស្សនា​​ដ៏​មាន​សក្ដានុពល​រហូត​ដល់​​​ប្រមាណ​ជាង​​ ២,៧ ប៊ីលាន​នាក់​​​​និង​​គ្របដណ្ដប់​​​ការ​ផ្សាយ​ជាង​ ១៥០ ​ប្រទេស​​លើ​សកល​លោក), ​ក្រុម​ហ៊ុន​ Incedo (​​ក្រុម​​វិភាគ​ទិន្នន័យ​​​មាន​តម្លៃ​ដល់​​១០០​​លាន​ដុល្លារ​អាមេរិក​​​​និង​មាន​បុគ្គលិក​ប្រមាណ ​២០០០ នាក់​), BSI Financial (​ជា​ក្រុម​ហ៊ុន​មាន​​ទ្រព្យ​សម្បត្តិ​ច្រើន​​ទ្រី​លាន​ដុល្លារ​អាមេរិក), SelfScore (​​ជា​​​ក្រុម​ហ៊ុន​​​​បច្ចេកវិទ្យា​ហិរញ្ញវត្ថុ​​​ជា​​បុត្រ​​សម្ព័ន្ធ​របស់​​ក្រុម​ហ៊ុន​ Silicon Valley​ ​ដែល​គាំទ្រ​ដោយ​ Accel ​និង​ ​ផ្សេងៗ)​ និង​​ ​​​ក្រុម​ហ៊ុន​​ឧស្សាហកម្ម​ជា​ច្រើន​ទៀត។​

មុន​ពេល​​បង្កើត​ក្រុម​ហ៊ុន​ Mission Holdings ​លោក​​​បាន​ចាប់​ដៃ​គូ​ជាន់​ខ្ពស់​នៅ​ក្រុម​ហ៊ុន​ Noonday​ ដែល​ជា​បក្សសម្ព័ន្ធ​​ក្រុម​ហ៊ុន​ Farallon Capital Management (FCM)។ ​FCM ជា​ក្រុម​ហ៊ុន​​ធំ​បំផុត​មួយ​ក្នុង​លោក​ដែល​​ទទួល​ខុស​ត្រូវ​លើ​កិច្ច​ការ​សាធារណៈ​ និង​ ​​​ការ​វិនិយោគ​ឯកជន​ ដែល​មាន​​ជំនាញ​ផ្គត់ផ្គង់​សេវាកម្ម​ហិរញ្ញ​វត្ថុ​ និង​បច្ចេកវិទ្យា, ​ប្រព័ន្ធ​ផ្សព្វផ្សាយ​ និង​ ​ទូរគមនាគមន៍​​ (TMT)។ ​

លោក​​​ Mittal ​ក៏​​ជា​សហ​ស្ថាបនិក​នៃ​ក្រុម​​ហ៊ុន​​ Indiabulls​​​ ដែល​​​​​ក្រុម​ហ៊ុន​សេវា​កម្ម​ហិរញ្ញវត្ថុ​​​ និង​ អចលនទ្រព្យ ​ឈាន​មុខ​​គេ​ប្រចាំ​​ប្រទេស​ឥណ្ឌា។​ ​តាម​រយៈ​ការ​​​​ចាប់​​ជា​ដៃ​គូ​ជា​មួយ​​ Farallon ​បាន​​ជួយ​​ឲ្យ​ជំនួញ​របស់​ពួក​គេ​​​រីក​លូតលាស់​ និង​ ​ជោគ​ជ័យ​ជា​បន្តបន្ទាប់។

លោក​ Mittal ​កាន់​សញ្ញាប័ត្រ​​អនុបណ្ឌិត​មក​ពី​​សាលា​​ពាណិជ្ជកម្ម​ Harvard Business School ​ជា​ទី​ដែល​លោក​​បាន​​បញ្ចប់​ការ​សិក្សា​​ដោយ​​ទទួល​ពាន​​​ឆ្នើម​ Baker Scholar​ ប្រចាំ​សាលា។​ ​លោក​​​ក៏​កាន់​បរិញ្ញាបត្រ​វិទ្យាសាស្ត្រ​​ផ្នែក​វិស្វកម្ម​អគ្គិសនី​ពី​វិទ្យាស្ថាន​​បច្ចេកវិទ្យា​ប្រទេស​​ឥណ្ឌា​​ពី​ក្រុង​​ញ៉ូវដែលី​ ​ជា​ទី​ដែល​លោក​​បញ្ចប់​ការ​សិក្សា​ក្នុង​​តំណែង​​ជា​និស្សិត​ឆ្នើម​ទៀត​ផង។ ​​លោក​ជា​សមាជិក​ម្នាក់​​​ដែល​​ស្ថិត​ក្នុង​ក្រុមប្រឹក្សា​ថ្នាក់​ដឹក​នាំ​ជា​ច្រើន​រួម​​មាន​ក្រុម​ប្រឹក្សា​ Harvard Business School Alumni ​និង​ Paarivar ​ដែល​ជា​អង្គការ​​សប្បុរសធម៌​​ឈាន​មុខ​គេ​​ធំ​បំផុត​​ប្រចាំ​ប្រទេស​ឥណ្ឌា​ផ្នែក​​ផ្គត់ផ្គង់​​កន្លែង​ស្នាក់​នៅ​ដល់​​ក្មេង​ៗ​​ទី​​​​ទ័ល​ក្រ​ខ្វះ​ខាត​​​ក្នុង​ការ​បន្ត​ការ​សិក្សា​របស់​ពួក​គេ។


Hua Fung Teh, ONE Championship's Group President
Hua Fung Teh
នាយក​

Hua Fung Teh ​ជា​ប្រធាន​​គ្រប់គ្រង​ក្រុម​ហ៊ុន​​ ONE Championship។​ ​​ដោយ​ធ្វើ​ការ​ជា​មួយ​នាយក​ប្រតិបត្តិ​ ​លោក​​​បាន​​​ដឹក​នាំ​ក្រុម​ហ៊ុន​​ពី​មួយ​ថ្ងៃ​ទៅ​មួយ​ថ្ងៃ​​ផ្ដោត​​លើ​យុទ្ធ​សាស្ត្រ, ​ការងារ​ពាណិជ្ជ​កម្ម​ និង​ ​ដៃ​គូ​​ផ្សព្វផ្សាយ​ ​ក៏​ដូច​ជា​ការ​​ពង្រឹង​​ក្រុម​​ឲ្យ​រឹង​មាំ​​ជា​លក្ខណៈ​អន្តរជាតិ។

កាល​ពី​មុន​ Teh ​​គឺ​ជា​​​នាយក​ផ្នែក​ហិរញ្ញវត្ថុ​ និង​ជា​​ប្រធាន​​ក្រុម​ហ៊ុន​ Greater China ​ប្រចាំ​ប្រទេស​ចិន។ ​តួនាទី​​នេះ​ គឺ​ទទួល​ខុស​ត្រូវ​ផ្នែក​ហិរញ្ញវត្ថុ​ , ធនធាន​មនុស្ស, កិច្ច​ការ​អភិវឌ្ឍ,​ ​ការងារ​លើ​ប្រព័ន្ធ​ផ្សព្វផ្សាយ និង​ ​ដៃ​គូ​សហការ​ផ្នែក​ឌីជីថល។ ​លោក​​ត្រួត​ពិនិត្យ​លើ​កិច្ច​ការ​ពាណិជ្ជ​កម្ម​របស់​ Greater China ​​ផង​ដែរ។​ ​មុន​ចូល​បម្រើ​ការ​នៅ​ ONE ​លោក​ Teh ​​​ជា​ប្រធាន​ក្រុម​ហ៊ុន​ឯក​ជន​​លំដាប់​ពិភព​លោក​​​ TPG Capital (TPG)​ ​ជា​ទី​ដែល​​លោក​​​​មាន​តំណែង​ជា​សមាជិក​​ជាន់​ខ្ពស់​​នៃ​ក្រុម​ការងារ​វិនិយោគ​ប្រចាំ​តំបន់​អាស៊ីអាគ្នេយ៍​ទៀតផង។ ​​លោក​​បាន​បម្រើ​ការ​ឲ្យ​​ក្រុម​ហ៊ុន​ TPG ​ប្រចាំ​ប្រទេស​ចិន​ និង​ ​សហរដ្ឋ​អាមេរិក។ មុន​ពេល​​ចូល​បម្រើ​ការ​ឲ្យ​ក្រុម​ហ៊ុន​ TPG លោក​ Teh ​​ជា​​អតីត​អាកាសយានិក​ម្នាក់​​នៅ​កងទ័ព​អាកាស​សិង្ហបុរី​ (RSAF) ​និង​ ​មាន​តំណែង​ជា​ថ្នាក់​ដឹក​នាំ​​ទាំង​​នៅ​ RSAF ​និង​ក្រសួង​ពាណិជ្ជ​កម្ម​និង​និង​​ ឧស្សាហកម្ម​ប្រចាំ​ប្រទេស​សិង្ហបុរី។ ​ទី​នោះ​ លោក​ក៏​ជា​​សមាជិក​ដ៏​សំខាន់​ដែល​បាន​នាំ​​ព្រឹត្តិការណ៍​​ប្រណាំង​​រថយន្ត​ Formula One Grand Prix (F1) ​ទៅ​កាន់​សិង្ហបុរី​ និង ​បាន​រៀប​ចំ​ F1 ​លើក​ដំបូង​​ជា​ប្រវត្តិ​សាស្ត្រ​របស់​ប្រទេស​នេះ​កាល​ឆ្នាំ​ ២០០៨។

លោក​ Teh ​កាន់​សញ្ញាប័ត្រ​​អនុបណ្ឌិត​​ពី​សាលា​​ពាណិជ្ជ​កម្ម​ Harvard Business School ​និង​​ ​អនុបណ្ឌិត​ផ្នែក​វិស្វកម្ម​ ​និង​បរិញ្ញាបត្រ​​វិស្វកម្ម​អគ្គិសនី​​ពី​ វិទ្យាស្ថាន​ Massachusetts Institute of Technology (MIT) ​និង​ ​​​ជា​សមាជិក​​ក្រុម​បាល់បោះ​តំណាង​​សាលា​​នេះ​ផង​​ដែរ។ ​លោក​​ក៏​​មាន​កម្រិត​ខ្សែ​​ក្រវាត់​ខ្មៅ​​លើ​​ក្បាច់​គុន​តេក្វាន់ដូ​ និង​ ​ជា​​​គណៈកម្មការ​​វាយ​តម្លៃ​មួយ​រូប​​​នៃ​វិទ្យាស្ថាន​ Milken Institute Young Leaders Circle ​ហើយ​ក៏​ជា​សមាជិក​​វេទិកា​អ្នក​ដឹក​នាំ​វ័យ​ក្មេង​​ The Forum of Young Global Leaders ​ប្រចាំ​​ World Economic Forum។


Shailendra Singh, Director
លោក Shailendra Singh
នាយក​

លោក​ Shailendra Jit Singh ​​ជា​​នាយ​​គ្រប់គ្រង​ក្រុមហ៊ុន​ Sequoia Capital ​ប្រចាំ​ប្រទេស​​ឥណ្ឌា​​តាំង​ពី​ខែ ​មករា ​ឆ្នាំ​ ២០០៦​ មក​ ដែល​​កាន់​ផ្នែក​​មូលធន​ និង​ ​​​ភាព​រីកចម្រើន​​ផ្នែក​​​វិនិយោគ​នៅ​ឥណ្ឌា​និង​​​​តំបន់​អាស៊ី​អាគ្នេយ៍។

រយៈ​ពេល​​ជាង​មួយ​ទសវត្ស​​ លោក​ Singh ​​បាន​ដឹក​នាំ​កិច្ច​​ការ​វិនិយោគ​ជា​ច្រើន​​តាំង​ពី​ជំហាន​ដំបូង​ឲ្យ​​​រីក​ចម្រើន​​​ក្នុង​វិស័យ​ទូរសព្ទ​ចល័ត​, អ៊ីនធឺណិត​, ​សេវា​បង់​ប្រាក់​​,​ ផ្នែក​ទិន្នន័យ​ដ៏​ធំ,​និង​ផលិត​​កម្មវិធី​​​ software​​ ជា​ច្រើន​​ទៀត​ទៅ​តាម​​តម្រូវ​ការ។ ​​បច្ចុប្បន្ន​​​នេះ​​លោក​ជា​សមាជិក​ក្រុម​​ប្រឹក្សាភិបាល​នៃ​ក្រុម​ហ៊ុន​ជា​ច្រើន​ដូច​ជា​ Carousell, Druva Inc., Go-Jek, Mu Sigma, Pine Labs, Practo, Scio Health Analytics, Tokopedia, និង​ Voonik។

មុន​ពេល​ចូល​បម្រើ​ការ​នៅ​ Sequoia ​នា​ឆ្នាំ​ ២០០៦​ លោក​ Singh ​បម្រើ​ការ​ជា​អ្នក​ប្រឹក្សា​យោបល់​​យុទ្ធសាស្ត្រ​​នៅ​​ក្រុមហ៊ុន​ Bain & Company ​ជា​ទី​ដែល​​លោក​បាន​ផ្ដល់​ដំបូន្មាន​​ដល់​​​​​ថ្នាក់​គ្រប់គ្រង​កម្រិត​ខ្ពស់​​មក​ពី​​ជាង​​ ៥០០​ ​ក្រុម​ហ៊ុន​​ដែល​បម្រើ​​​ផ្នែក​សេវាកម្ម​ផ្សេង​ៗ​គ្នា​​រួម​​មាន​​ការ​​​ដេញ​​ថ្លៃ​​, ​បម្រើ​អតិថិជន, ​​រចនា​ម៉ូដ, ​បច្ចេកវិទ្យា,​និង​ក្រុម​ហ៊ុន​អន្តរជាតិ​ជា​ច្រើន​ទៀត។

លោក​​ Singh ​​បាន​ក្លាយ​ជា​វាគ្មិន​​ក្នុង​សន្និសីទ​ជា​ច្រើន​​ក្នុង​សម័យ​​ឌីជីថល​ និង​ ​​ត្រូវ​បាន​គេ​សរសេរ​​​សាវតារ​​លើ​​​ការ​បោះ​ពុម្ព​ផ្សាយ​​លើ​ប្រព័ន្ធ​ផ្សព្វផ្សាយ​ជា​ច្រើន​​​អំពី​​​សហគ្រិនភាព​របស់​លោក។ ​​​លោក​​ក៏​ជា​សហ​​​អ្នក​​និពន្ធ​អត្ថបទ​​ដែល​ត្រូវ​គេ​ទទួល​ស្គាល់​​កម្រិត​ខ្ពស់​រួម​ទាំង​​​​សារព័ត៌មាន​​ Harvard Business Press ​និង​​ Journal of Private Equity ​ទៀត​ផង។ ​លោក​​ក៏​ជា​សមាជិក​ម្នាក់​នៅ​មជ្ឈមណ្ឌល​​អប់រំ​​​ Kauffman​ ផង​ដែរ។

លោក​ Singh ​​​​ទទួល​សញ្ញាប័ត្រ​​អនុបណ្ឌិត​​ជំនាញ​គ្រប់គ្រង​ទូទៅ​​ពី​សាលា​​ពាណិជ្ជ​កម្ម​ ​Harvard Business School ​និង​ ​​បរិញ្ញាបត្រ​​ជំនាញ​​វិស្វកម្ម​​​សារធាតុ​គីមីវិទ្យា​ពី​វិទ្យាស្ថាន​បច្ចេកវិទ្យា​ IIT​ ​​​នៃ​ក្រុង​ Mumbai។


Derek Lau, Director
លោក Derek Lau
នាយក

បច្ចុប្បន្ន​នេះ​ Derek ​គឺ​ជា​នាយក​ប្រតិបត្តិ​​និង​ជា​​សមាជិក​នៃ​​​ក្រុមប្រឹក្សាភិបាល​ក្រុម​ហ៊ុន​ Heliconia Capital Management​ ​ជា​​បុត្រ​សម្ព័ន្ធ​​របស់​ក្រុម​ហ៊ុន​​ Temasek Holdings។ ​

​​មុន​​ចូល​​បម្រើ​ការ​ក្រុម​ហ៊ុន​ខាង​លើ​ Derek ​​​​​ជា​នាយក​គ្រប់គ្រង, ​​​និង​ ​ធ្វើ​​ការងារ​​វិនិយោគ​ទុន​​ជា​មួយ​ក្រុម​ហ៊ុន​ Temasek Holdings។​ ​ក្នុង​រយៈ​ពេល​១០​ឆ្នាំ​​ លោក​​ដឹក​នាំ​ក្រុម​ការងារ​​ផ្នែក​ឧស្សាហកម្ម​, ការ​​​វិនិយោគ​ផ្នែក​រោងចក្រ,​ ​​ទំនិញ​បោះ​ដុំ, ​សម្ភារ​គ្រឿង​សំណង់, ​រថយន្ត, ​សម្ភារ​ប្រើ​ប្រាស់​​ក្នុង​ទឹក, សម្ភារ​ប្រើ​ប្រាស់​ប្រចាំ​ថ្ងៃ,​និង​ ​វិស័យ​វត្ថុធាតុដើម​​គីមីវិទ្យា។ ​Derek ​​ក៏​​បាន​ដឹក​នាំ​ប្រតិបត្តិការ​​ក្រុម​ហ៊ុន​លើ​ផ្នែក​​សម្ភារ​ប្រើ​ប្រាស់​​ប្រចាំ​ថ្ងៃ, ​​​ការងារ​បច្ចេកវិទ្យា​កម្រិត​​ខ្ពស់, ​ស្ថាប័ន​ហិរញ្ញវត្ថុ, ​​និង​ ​បរិក្ខារ​ពេទ្យ​ ជា​ដើម។ ​​​​លោក​​ក៏​ធ្លាប់​បម្រើ​ការ​ជា​​ប្រធាន​​ក្រុម​ហ៊ុន​ប្រចាំ​ប្រទេស​នៅ​វៀតណាម​ ​បន្ទាប់​ពី​បាន​ធ្វើ​ការ​ងារ​​វិនិយោគ​​​នៅ​​​វៀតណាម ​មីយ៉ាន់ម៉ា កម្ពុជា ​និង ​​ឡាវ។

Derek ​បាន​ចំណាយ​ពេល​ជាង​​មួយ​ទសវត្ស​​ក្នុង​ការ​វិនិយោគ​​លើ​វិស័យ​​ធនាគារ​ មុន​ពេល​ចូល​បម្រើ​ការ​នៅ​​ Temasek ​ជា​មួយ​ធនាគារ​​​ល្បី​ៗ​ដូច​ជា​ UBS, Dresdner Kleinwort Benson, UOB,​ និង​ Commerzbank AG។ ​​លោក​មាន​ឯកទេស​​​ខាង​ដោះ​បំណុល​, ​ផែន​ការ​ហិរញ្ញវត្ថុ​, ការ​ប្រើ​ប្រាស់​​ប្រាក់​​កម្ចី​ និង​ ​ការ​វិនិយោគ​ឯក​ជន​ឲ្យ​ចំ​គោល​ដៅ។ ​

​​សព្វថ្ងៃ​​ លោក​​ក៏​​ជា​សមាជិក​​នៃ​គណៈកម្មាធិការ​​​ពិគ្រោះ​យោបល់​​ប្រចាំ​សិង្ហបុរី ឬ ​ហៅ​ថា​ SPRING Singapore’s Policy Advisory Committee ​និង​ជា​​​ក្រុម​ប្រឹក្សា​​នៃ​​ក្រុម​ហ៊ុន​ Singapore Cooperation Enterprise។ ​​លោក​ជា​​​​សមាជិក​​​​​ក្រុម​ប្រឹក្សា​ម្នាក់​​​នៃ​មូលនិធិ​ UWCSEA។​ Derek ​កាន់​បរិញ្ញាបត្រ​​ជំនាញ​​​​គ្រប់គ្រង​ពាណិជ្ជកម្ម ​​នៅ​សាកល​វិទ្យាល័យ​ជាតិ​​សិង្ហបុរី​​ក្នុង​នាម​ជា​និស្សិត​​​កម្រិត​ខ្ពស់ ​ម្នាក់​ (Upper)។